Hogusra 23:6 - Winnebego Bible Portions 1907

⁶ Naixguwine, hirukanara, Maura, hung harnira wash’unajegaja horog hawiregi, warnaxi‐hoshu warniwira gijainja d’e hashinira karaxare. Warnaxi‐hoshu warninera hinkisha hiraja hirani‐kjanena, d’e hashinira rakaraxegjegi.

Hogusra 23:6 ပူးပေါင်းရင်းမြစ်များ

Hogusra 13:2

Egi Abram mashja hitajena jera egi shura‐sgara egi shura‐sira.

Hogusra 14:14

Egi jaja Abram naxgungi khinubra hini harniakarairegi, harairena manape hikaraijga ware warnira, jhi eojhieja wankshig‐inera, hogihi‐danianaga egi kerepanaishanaga‐haruang‐hashana, egi Dan‐eja waruxahirena.

Hogusra 18:12

Esge Sarah wakixja‐nakshana wena: Hishagjianaga hageja hakishu haminkjane hirukana harnira hishge sh’agjegaja.

Hogusra 20:7

Esge wangjega hijawira hokaraik’une, e prophet hisha herena egi gikaraj ningigikjena egi nina‐simbjena. Egi inke horakaraik’unigi hiraperes‐janena jasgegi shjekjanena, nenineanaga egi washinira harnaj.

Hogusra 21:22

Egi wauinena shejananegi, Abimelex egi Phixol manape hung xetera manape warnira Abraham hokit’airena, wairena: Maura harnikishu unjegaja higu jagu sh’unga.

Hogusra 23:5

Egi Heth ninkjang warnira Abraham hornigi‐hairena, wagairena:

Hogusra 23:7

Egi Abraham nashina egi ma‐eja wankshig‐nanka jowehireja wakhuna, Heth ninkjang warnira jowehireja.

Hogusra 24:18

Egi hinugjega wena: Rajgane hirukana harnixji. Egi xapgehigi‐anaga egi ni‐hirusra kurushibshana hagirukos‐anaga egi rajgangigina.

Hogusra 24:35

Egi Jehowa hirukana harnira washophi howehira rokana wagiuna, egi rokana jijena, egi jhasga hok’una egi je egi shurasga egi shurasi egi wang‐ware egi hinug‐ware, egi wanoijge‐huxashog egi shungxete‐najawaxetera.

Hogusra 31:35

Egi Raxel hianjra wagena: Hirukana harnixji inke wogitegnine inke joweraregi nashi‐duxurugnige, hinugra woshga uineshunura, shesgarnake esge. Egi Laban wornina egi mau kik’ura inke wienina.

Hogusra 32:18

Egi washekjawina: Ware hashinira Jakob warnina. Woga hirena hirukana harnira Esau re‐wagigina. Egi horuxujre hagregi u‐wankshana.

Hogusra 42:10

Egi wagairena: Inka‐a hirukana harnixjiwi, eshi waruj ruwi hajirena ware washinira.

Hogusra 44:5

Jasge inke de‐e herenishe, hirukana harnira worajgana e hiwakanjank khinjera? Washa de‐e sh’uwine washa wowonk sh’uwina.

Hogusra 44:8

Horuxujre, shura pa iha waniwieja hiaewira Kana‐an mainja howaji shige warnigarni hajiwina. Jasge hawianaga hirukana hashinira hojhieja shura‐sga egi shurasi manuwishe?