Hogusra 23:2 - Winnebego Bible Portions 1907

² Egi Sarah Kiriat‐Arba eja d’ena. Higu erena Hebronra Kana‐an mainja. Egi Abraham Sarah najgerateghina egi gixagshana.

Hogusra 23:2 ပူးပေါင်းရင်းမြစ်များ

Hogusra 13:18

Egi Abram jhira gixana karagina egi Mamre nanojaija hina egi eja jhina Hebron eja herena, egi eja Jehowa nab‐haruxaj hauisha giuna.

Hogusra 23:1

Egi Sarah ma hogihish‐anaga‐kerepananup‐anaga‐shagowi‐hashana ma de‐shenaha Sarah wankshig‐ina.

Hogusra 23:19

Egi de‐e hageja, Abraham hijawira Sarah xena, Max‐pelah max‐eja nish‐hopoxeja, Mamre joweja, higu erena Hebronra Kana‐an mainja.

Hogusra 24:67

Egi Isaak Rebekah harni‐hoikewena hiunira Sarah hojhieja, egi Rebekah rus‐shana egi e hijawi hijijena, egi wogixetena. Egi Isaak rukheg‐hirena hiunira d’era hawau.

Hogusra 27:41

Egi Esau Jakob hosh’igshana naj‐hojainege hianjra naj‐hojara hawau. Egi Esau najge harnieja wena: Hamb jajiga hagixaigjera hiwusunsh hotagi, egi eja hakhinubra Jakob d’ehakje.

Hogusra 35:27

Egi Jakob hianjra Isaak hirahina Mamre eja Arbah jhinag‐eja, Hebron higairena, eja Abraham egi Isaak mawakuruxe hirera.

Hogusra 37:14

Egi wagena: Naixjira sheresheshi egi wajare warakhinubra harnaj wanaishguni hiranihegi, egi shige wanoijge hornihera wanaishguni hiranihegi, egi hungirag shige kiriaje. Sheshegu nigeoware‐gigina Hebron hosunsheja rena. Egi Shexem‐eja hina.

Hogusra 50:1

Egi Joseph hianjra hishjaija hawakhuna egi xagshana, egi iokiwankshana.

Hogusra 50:10

Egi Atad waisgab‐hoissu‐hou harnieja hahirena, Jordan ageja herena. Egi eja d’era wagixagra rokana wairena, egi hianjra hambra shagowiha gixag‐wagigina.

Johnga 11:31

Judra e hinugjega jhieja hakishu unankhi, egi rukhegnankhi, hajairena Maria xapge nashianaga hihinabra, hinugjega hironag airena: Wanaxomigeja howarena egi eja xaigjege.

Johnga 11:35

Jesus xagshana.

Hoixgara 8:2

Egi wang phira Stephan xairena, egi gixagra rokana wairena.