Hogusra 22:17 - Winnebego Bible Portions 1907

¹⁷ Naj‐wiroja, naj‐hironijankjanena egi‐roha‐hagi, su hashinira roha hakjanena, wangregi wiragoshgenagre hikhina, egi teja hijejeja pusake‐nanka wawikhina ninkjanena, egi su hashinira hosh’ighire warnira jhirobra wagarnikjanena.

Hogusra 22:17 ပူးပေါင်းရင်းမြစ်များ

Hogusra 12:2

Egi wankshig howajehi rokana niunkjanena, egi washophi howenikjanena, egi rash hashinira rokana ninkjanena, egi washophi howe‐wahiranikjanena.

Hogusra 13:16

Egi su hashinira manegi majushishig‐nagre wawikina wahakjanena, wankshigra hisha ma‐hihagregi majushishig‐nagre gikarab ruxurugkhi, hishge su washinira waikarabnana.

Hogusra 15:5

Egi jangeja harnihina egi wena: Wangregi horuxujre egi wiragoshgera waikarabre, jasge waraikarab shuruxurugshe? Egi wagena: Deshesge su washinira hirekjanena.

Hogusra 17:6

Egi wojara rokanaxji niunkjanena, egi wankshig howajehi niunkjanena, egi hungra eegi horniwahi hihinab‐hirekjanena.

Hogusra 24:60

Egi Rebekah washophi howe‐rogiguinena, egi wagairena: Ne hinugnik‐jabwina worohanje hogihixete hogihiwanganunig ranikjena egi su washinira wawosh’ighirera jhinag‐jhirob harninera wagarni wagigire.

Hogusra 25:11

Egi herena Abraham d’arnaga hageja, Maura Abraham hinigra Isaak najojana. Egi Isaak niwagu niambra wajara higairera hijejeja jhina.

Hogusra 26:24

Egi Jehowa hahe‐eja jantingi‐khina egi wena: Hianjraga Abraham Mau harnira newinena. Inke naxiranine, harnikishu hauanjege, egi washophi howenikjanena egi su hashinira roha harekjanena ware harnira Abraham hawau.

Hogusra 26:4

Egi su hashinira woroha wahakjanena wangregi wiragoshgenagre wawikhina. Egi su hashinira ma de‐e harnaj wak’unkjanena, egi su hashinieja howahi manegi wankshig howajehira harnaj washophi howairekjanena.

Hogusra 28:3

Egi Mau homashjara harnaj harninagra naj‐hornijankjanena egi woja‐ninkjanena, egi woroha‐ninkjanena, wankshig woroha ranikjege.

Hogusra 28:4

Egi Abraham najojaine harnira hornik’unkjanena, ne‐nineanaga egi su hashinira wakarakishu, managre eja warakuruxarajera hashinikjanena, e Maura Abraham hok’ura.

Hogusra 32:12

Egi wa’shena, jasgegi phi‐ningigikjanena, egi su hashinira tejainja pusakenanka wikinani‐kjanena, e inke gikarab phiranikjane worohaxjinge esge.

Hogusra 32:13

Egi eja hiwusharna hahe‐eja, egi jagu ruxurugra eja hisge rus‐harninakshana, khinubra Esau hok’unkjera.