Hogusra 22:11 - Winnebego Bible Portions 1907

¹¹ Egi Jehowa waxopiniwarajire harnira wangregi howaji gi‐uwana egi wena: Abraham, Abraham, egi Abraham wena: Eegi hauanjena.

Hogusra 22:11 ပူးပေါင်းရင်းမြစ်များ

Hogusra 16:7

Egi Jehowa waxopiniwarajire harnira Hagar hierena niwagu hisha eja ma‐hojainainja, ni‐wagujega nagu Shur hirakereja.

Hogusra 21:17

Egi Maura hojinjinigra hora naxguna, egi Maura waxopiniwarajire harnira wangregi howaji Hagar gigorna egi wagena: Hagar jagu ni‐ushe? Inke naxiranine, Maura hojinjinigra hora naxguna hajinjagra eja.

Hogusra 21:18

Nashianaga egi hojinjinigra nashingigige egi airutire, wankshig howajehi xeteisha haunkjanena.

Hogusra 22:1

Egi herena washan de‐e hageja, Maura Abraham gishjarna egi wagena: Abraham, egi Abraham wena: Horuxujre egi hajena.

Hogusra 22:10

Egi Abraham ara wajig‐rehianaga egi mahina rus‐shana hinigra d’ehikjege.

Hogusra 22:12

Egi wena: Inke nab hashinira hojinjinigra hat’umbnine, egi inke shige washanisha giunine. Shegunegi hiaperesgaja Maura nanakewera, hajhagaja hinigraga inke hara‐kurukosnina, hinigraga eshana herera.

Hogusra 22:16

Egi wena: Nexji wihohi hiakik’una, Jehowa wena, washa de‐e sh’unge esge, egi hinigraga inke harakurukosnige, hinigraga eshana herera,

Hogusra 24:7

Jehowa Mau wangregi herera, E jajiga hojhieja hinrus‐shana egi washa‐wahara ma‐harnineja egi E waigena, egi wiho hingigina wena: Su hashinira ma‐de‐e wak’unkjanena, E waxopiniwarajire harnira joweraija howaregigikjanena egi eja horus hinig‐hara hisha khanag‐gigiaje.

Hogusra 31:11

Egi Maura waxopiniwarajire harnira hohanteja hunkit’ena, wena: Jakob, egi wahena: Eegi hajena.

Hogusra 37:13

Egi Israel Joseph wagena: Jasge hinke warakhinubra Shexem‐eja wanoijge hirakara harairanishe? Hure, eja howare ningigikjena egi Joseph wagena: Egi hajena.

Hogusra 46:2

Egi Maura Israel haheregi washanja hirokit’ena egi wena: Jakob, Jakob, egi Jakob wena: Eegi hajena.

Hogusra 48:16

Waxopini‐warajirejega, E niambwina washoshishigra harnaj, washophi howawire hojinjinigwira, egi rash harnira ne‐harninigigirekjawina, egi hianj‐wahara rash warninera Abraham egi Isaak. Egi woroha‐ninekjani‐hawina ma hihagregi.

Hoixgara 26:14

Egi jaja harnaj mainja hukhana‐wigaja, hisha hunkit’e naxguna, egi Hebraia hit’e wena: Saulus, Saulus jagu‐u hinai‐shanarajeshe? Mas‐pahi naxjagra wojexi warakik’urajena.

Hoixgara 9:4

Egi mainja hokanena, egi hora naxguna wagairena: Saul, Saul jagu‐u hawe‐hinarajeshe?