Hogusra 19:2 - Winnebego Bible Portions 1907

² Egi wawagena: Horuxujwire hirukana harnixjiwi, hokawawire ningitawina, ware hashiniwira hojhieja, egi haiserej hinwushawire egi si washiniwira wakurushawire, egi hainixji rakikawa‐awianaga egi sherekjawina. Egi wairena: Inka, eshi haiserej naguregi hauanje‐kjanihawina.

Hogusra 19:2 ပူးပေါင်းရင်းမြစ်များ

Hogusra 18:4

Ningitarna, nira hisge harnigarni hajirawigi egi sira warakurushawigi egi na khuhanegi xgasigiwire.

Hogusra 19:1

Egi waxopiniwarajire nup hajega hoxjarnanegi Sodomeja hahirena, egi Lotga Sodom jhirobeja minaganankshana. Egi Lotga wajagi nashianaga hikipahina, egi wakhuna.

Hogusra 19:3

Egi hawexjiwahina, egi hakishu harairena egi hojhieja hokawairena. Egi waruj wagiuna egi waisgab hinawohi rokani duj‐hina egi waruj‐hirena.

Hogusra 24:31

Egi wena: Hokaware, Jehowa najhojaine ranina, jagu‐u jangregi nanashira jeshe? Jhira hirushja harna egi wanoijge‐huxashogra hokarage wagigina.

Hogusra 43:24

Egi wang‐jega wang‐ananka Joseph hojhieja harniwoikewegi egi ni wawogarna egi sira wakurushairena egi shungxete‐najawaxete warninera waruj wogarna.

Lukga 7:44

Egi Jesus hinugjega eja horuxujshana egi Simon wagena, hinug de‐e hashjashe? Jhi horajhiregi wakewera, inke ni si‐rusha hunak’unina, de‐eshi hinugnagre sira hingirusharna hishjanina hik’u, egi naju hinugnagre harnira hik’uanaga waigiwasharna.

Johnga 13:5

Hageja she‐e nab‐horushaeja ni howaxuanaga, egi hironaghirera sira wagirushajirena, egi wagiwasharna nabhiwasha hipiragjera hiuanaga.

Hoixgara 16:15

Egi jaja ni‐hawaxuinegi egi hojhira harnaj, hinugjega hinaxurug‐naiwina, wena: Hirukanara harnaxgu hirainashiwingishi jhi wajhieja hokawawire, egi eja hiwushawire, egi hahi‐hinaxurugwina.