Hogusra 18:14 - Winnebego Bible Portions 1907

¹⁴ Jasge washanisha Jehowa wogijexishe? Houna higiregi de‐shejanagi ma joweregi hirani‐jikjanena, egi Sarah hojinjinig hisha harnikjanena.

Hogusra 18:14 ပူးပေါင်းရင်းမြစ်များ

Hogusra 17:16

Washophi howe‐hakjanege egi hishge hojinjinigra hisha hornik’unkjanena Sarah‐eja howaji. Hisgexji washophi howe‐hakjanena egi wankshig howajehira hiunihirekjanena, egi wankshigra hung warninera eja howajirekjanena.

Hogusra 17:21

Eshi rohira hikisge wakhi harnira Isaak hakishu unjehakjanena e Sarah harnigarnikjanera deshejanagi ma joweregi.

Hogusra 18:10

Egi wena: De‐shejanegi ma joweregi jasgegi hiranijikjanena, egi horuxujre hijawinaga Sarah hojinjinigra hisha harnikjanena. Egi Sarah naxguna jhirog‐ejananka jhirobeja howahi, e nankehieja jera.

Hogusra 18:13

Egi Jehowa Abraham wagena: Jugu‐u Sarah hikshashe wena, hisgexjishe ninkjang hisha harnikjaneshe hishag‐hajane.

Hogusra 18:15

Egi Sarah kibakhina, wena: Inke hiakshanina, wanakewege esge. Egi wena: inke shesgarnina, hiraksharna.

Hogusra 21:1

Egi Jehowa Sarah homakinijina arnihera shesge, egi Jehowa Sarah giuna jagu higarnihera.

Hogusra 21:2

Sarah waujganagshana, egi Abraham shag‐jingaja hojinjinig hisha hagarnina, Maura homangiraj nihera eja.

Matthaiga 14:31

Egi higuana Jesus ara wajigre‐hianaga egi harukosshana, egi wagena: Harnaxgu xununig ranigaja, jagu‐u khibarashe.

Matthaiga 19:26

Eshi Jesus woruxujshana egi wawagena: Wankshig homashja harnine hiura inke ruxurug phinina eshi Maura inke washara hisha gijexinina.

Matthaiga 3:9

Egi Abraham hianjhawira heregaja inke hirawinianje. Hisgexji warnigawina, Maura ruxurugnankshana ininagre kikawa‐a wahianaga Abraham ninkjang warninana.

Markga 10:27

Egi Jesus waworuxujanaga wena: Wankshig homashja harnine hiura inke ruxurug phinina, eshi Maura inke washanisha gijexinina.

Lukga 1:13

Egi waxopiniwarajirajega wena: Inke naikawanine Saxarias. Mau‐gikarajra nanixguinena, egi hijawinaga Elisabeth hojinjinigra hisha harnigarnikjanena egi rashra Johnga hiragekjanena.

Lukga 1:18

Egi Saxarias waxopiniwarajirejega wagena: Jasgeharnaga de‐e hiaperes’ikjaneshe, wangnunig harnigaja egi hijawihara shagjingaja.

Lukga 1:37

Maura inke washanisha gijexininakshana.

Lukga 8:50

Egi jaja Jesus de‐e naxgungi, hornigiharna wena: Inke naxiranine, harnaixgune, egi hinugraga rushjankjanena.