Hogusra 17:19 - Winnebego Bible Portions 1907

¹⁹ Egi Maura wena: Hijawinaga Sarah hisgexji hojinjinig hisha harnigarnikjanena egi rash sharagi Isaak hiragekjena egi rohira hikisge wakhi harnira hakishuunje hakjanena, manegus rohira hikisge wakhi hisha herena egi e su warnira hag howarehiga.

Hogusra 17:19 ပူးပေါင်းရင်းမြစ်များ

Hogusra 16:11

Egi Jehowa waxopiniwarajire harnira wagena: Horuxujre waurajganag‐kshanakshana, egi hojinjinig hisha hashinikjanena, egi rashra Ishmael higairekjanena, Jehowa harawera nanixgunge.

Hogusra 17:16

Washophi howe‐hakjanege egi hishge hojinjinigra hisha hornik’unkjanena Sarah‐eja howaji. Hisgexji washophi howe‐hakjanena egi wankshig howajehira hiunihirekjanena, egi wankshigra hung warninera eja howajirekjanena.

Hogusra 17:18

Egi Abraham Maura wagena: Ishmael e joweraregi wankshig‐insheshi.

Hogusra 17:21

Eshi rohira hikisge wakhi harnira Isaak hakishu unjehakjanena e Sarah harnigarnikjanera deshejanagi ma joweregi.

Hogusra 17:7

Egi rohira hikisge wakhi harnira hojakena hihiregi hakara‐kerekjanena, egi su washinira hag howarehire hokijhu harnineja, manegus rohira hikisge wakhi hisha herena. Mau hashinikjanena egi su washinira hag howarehire.

Hogusra 21:6

Egi Sarah wena: Maura hikshawingaja, jarnaga naxgungi waixjairekjane.

Hogusra 26:2

Egi Jehowa jantingi‐khina, egi wagena: Inke Egipt eja howaranine, ma‐nige hornigitaikjanera eja jhiaje.

Hogusra 26:3

Ma‐tegi wakuruxare egi harnikishu haunkjanena egi washophi howenikjanena, ne‐ninearnaga egi su hashinira ma de‐e harnaj wornik’unkjanena egi wiho hara hakark’unkjanena Abraham wiho hagigira hianjraga.

Hogusra 9:16

Egi wipamakerera maxiwieja nihekjanena, egi hotuxuj hikjanena, hakewe‐winkjanena manegus rohira hikisge wakira Maura egi washa jagu niambbakhi rora harnaj ma hihagregi unankhi hojakenanegi.

Lukga 1:55

Hianj‐hiwahiwira shesge wamagirajshana, Abraham wagena egi su‐warnira manegus hiranihekje.