Hogusra 15:15 - Winnebego Bible Portions 1907

¹⁵ Egi rashguni hianjwaraga eorawara‐kerekjanena. Egi shagji nixairekjanena.

Hogusra 15:15 ပူးပေါင်းရင်းမြစ်များ

Hogusra 23:19

Egi de‐e hageja, Abraham hijawira Sarah xena, Max‐pelah max‐eja nish‐hopoxeja, Mamre joweja, higu erena Hebronra Kana‐an mainja.

Hogusra 23:4

Hijahi here harnina egi ninkuruxe hajena, ma hokixera nige hunk’une horog‐rawiregi, d’eharnira hakaraxegjena inke hajajanikjena.

Hogusra 35:29

Egi Isaak hokikurushagshana egi d’ena, egi wankshig warnira eja stoirena, shagjina egi wankshig‐ina hipanana. Egi hinig‐wahira Esau egi Jakob xairena.

Hogusra 47:30

Eshi hianj‐wahara wakarakishu hamingkjena egi Egipt manegi harni hinahi‐shanaibjena, egi ma hokixaire harnineja hinxaje. Egi Joseph wena: Jasge waragare haunkjanena.

Hogusra 49:29

Egi un‐washina egi wawagena: Wankshig warnieja sto‐winena, hianj‐wahara wakarakishu hinxawire, nishhopoxeja Ephron max harniejajera Hittit wankshig hisha.

Hogusra 49:31

Eja Abraham xairena, egi hijawira Sarah, egi eja Isaak xairena egi hijawira Rebekah, egi eja Lea haxena.

Hogusra 50:13

Hinig‐wahira Kana‐an mainja harniahirena, egi Maxpelah max‐eja nish‐hopoxjera eja xairena, Abraham max she‐e ruwina, ma‐hokixe hounkjege, Ephron giruwina Hittit wankshig hisha Mamre joweja herena.

Matthaiga 22:32

Abraham Mau harnira newinena, egi Isaak Mau harnira egi Jakob Mau harnira. Maura inke d’arnankhi Mau harniranina eshi niambnankhi harninena.

Hoixgara 13:36

Egi Dawidga wankshig‐hoiniheja Mau woshga harnira hiuna nana, egi hianj‐wahieja t’umbhirena egi d’ek hajairena.