Hogusra 12:7 - Winnebego Bible Portions 1907

⁷ Egi Jehowa Abram janti‐gikhina egi wagena: Made‐e su hashinira wawak’unkjanena. Egi eja nab‐haruxaj haura Jehowa giuna E janti‐gikhina.

Hogusra 12:7 ပူးပေါင်းရင်းမြစ်များ

Hogusra 12:8

Egi eja gixanarena xeisha ejanakhi Bethel wiaxebhueja hina egi eja jhina Bethelra wihoirejanakshana egi Ai wiaxebhuejanakshana egi eja nabharuxaj haura Jehowa giuna egi Jehowa rashra rajshana.

Hogusra 13:15

Mara jasgexji hashjaga hornik’unkjanena egi su hashinira manegus.

Hogusra 13:17

Nashianage egi mara hiroha howarare egi haruje howarare, she‐e hornik’unkjanena.

Hogusra 13:18

Egi Abram jhira gixana karagina egi Mamre nanojaija hina egi eja jhina Hebron eja herena, egi eja Jehowa nab‐haruxaj hauisha giuna.

Hogusra 13:4

Nab‐horuxaj hou jegeja unihera eja, egi eja Abram Jehowa rash harnira girajshana.

Hogusra 15:18

Egi hamb‐eja Jehowa Abram rohira hikisge khina, wena: Su washinira ma de‐e wagarna, Egipt nishanag‐eja hura nishanag xeteja hipa, Euphrat ni‐eja.

Hogusra 17:1

Egi jaja Abram ma kerepana‐hishankijushguni‐anaga egi hishankijushguni‐hashanahangi, Jehowa Abram jantingikhina egi wagena: Ne Mau inke washa rushagnira winena, Hishja joweharegi manige egi inke washara hisha hirohiranine.

Hogusra 17:3

Egi Abram hishjara mainja herehi himpshana, egi Maura hokit’ena wena:

Hogusra 17:8

Egi hornik’unkjanena egi su washinira hag howarehire ma wakuruxe hosh’urajane Kana‐an mara harnaj manegus harninekjanena, egi Mau ne‐hininekjanena.

Hogusra 18:1

Egi Jehowa jantigikhina Mamre nanojaija wirarojonjeregi jhirobeja minagnank’u.

Hogusra 22:9

Egi ma‐nige Maura hogiragkhi eja hahirena. Egi Abraham nab‐haruxaj houra una, egi nara phihi washuna egi hinigra Isaak rusgij‐shana egi nab‐haruxaj hau hihageja na hihageja hat’umbshana.

Hogusra 24:7

Jehowa Mau wangregi herera, E jajiga hojhieja hinrus‐shana egi washa‐wahara ma‐harnineja egi E waigena, egi wiho hingigina wena: Su hashinira ma‐de‐e wak’unkjanena, E waxopiniwarajire harnira joweraija howaregigikjanena egi eja horus hinig‐hara hisha khanag‐gigiaje.

Hogusra 26:25

Egi eja nab‐haruxaj haura una, egi Jehowa rash harnira rajshana, egi eja jhi kik’una, egi eja Isaak ware warnira ni‐waguisha k’airena.

Hogusra 26:3

Ma‐tegi wakuruxare egi harnikishu haunkjanena egi washophi howenikjanena, ne‐ninearnaga egi su hashinira ma de‐e harnaj wornik’unkjanena egi wiho hara hakark’unkjanena Abraham wiho hagigira hianjraga.

Hogusra 28:13

Egi horuxujre, Jehowa hihageja nashinjena egi wena: Newinena Jehowa Mau Abraham harnira hianjraga. Egi Mau Isaak harnira ma horaming‐shawangre hornik’unkjanena egi su hashinira.

Hogusra 28:4

Egi Abraham najojaine harnira hornik’unkjanena, ne‐nineanaga egi su hashinira wakarakishu, managre eja warakuruxarajera hashinikjanena, e Maura Abraham hok’ura.

Hogusra 32:30

Egi Jakob ma she‐e rashra Peniel higena: Maura hishja hirakijage, egi wankshig‐hoi harnira niambge.

Hogusra 33:20

Egi eja nab‐horuxaj haura una egi Israel Mau mashjara higena.

Hogusra 35:12

Egi mara Abraham egi Isaak wak’ura ne hornik’unkjanena egi su hashinira hag‐raija herera mara wak’unkjanena.

Hogusra 35:7

Egi eja nab‐haruxaj haura una, egi ma‐she‐e El‐beth‐el higena. Maura eja jantin‐gikhinge esge, khinubra gigias niharegi.

Hogusra 50:24

Egi Joseph wakhinubra wawagena: Jhekjanena egi Maura jasgegi homanikini jikjanihawina egi ma‐tegi harni‐hinihinab‐hikjanihawina egi ma‐eja harnini‐gikjanihawina e Abraham wihogigira eja, egi Isaak egi Jakob.

Hogusra 8:20

Egi Noah nab‐horuxaj ha’uisha Jehowa gi’una, egi wanoijge sge rusanaga egi ahuirassa sge egi nab‐hiruxaj daxuhira daxuhirena nab‐horuxaj ha’ueja.

Hoixgara 7:5

Egi inke washa hoishjane hok’unina, inka, inke sihakerekjera reshge, shesgarnunige harnikjaneshe mangirajshana, egi su warnira hageja wankshiginegi, kheni ninkjang washa harninijanunige.