Hogusra 12:3 - Winnebego Bible Portions 1907

³ Egi washophi howe‐wahakjanena washophi howeninegi, egi washoshishig howekjanena, washoshishig howenigi. Egi ne‐hawau manegi jhinagra washophi howairekjanena.

Hogusra 12:3 ပူးပေါင်းရင်းမြစ်များ

Hogusra 18:18

Abraham jasgegi wankshig howajehi rokana xeteisha herejijekjanege egi manegi wankshig howajehira harnaj eja howahi washophi howairekjanege.

Hogusra 18:19

Hiaperes‐ginigaja, u‐washikjanegaja ninkjang warnira egi hojhieja herera, hag howarehiga, she‐e Jehowa woshga harnira giuinekjanegaja, phi‐hiranaga egi wogisogra hiuinekje, e Jehowa Abraham jagu mangiraj‐nihera herekje.

Hogusra 22:18

Egi su hashinieja howahi wankshig hokirajra harnaj maneginankhi washophi howairekjanena, ho‐arnira harnainagixgunge esge.

Hogusra 24:35

Egi Jehowa hirukana harnira washophi howehira rokana wagiuna, egi rokana jijena, egi jhasga hok’una egi je egi shurasga egi shurasi egi wang‐ware egi hinug‐ware, egi wanoijge‐huxashog egi shungxete‐najawaxetera.

Hogusra 25:11

Egi herena Abraham d’arnaga hageja, Maura Abraham hinigra Isaak najojana. Egi Isaak niwagu niambra wajara higairera hijejeja jhina.

Hogusra 26:29

Inke washa hinai‐shganikjawige, inke hinikiowinira shesge, phingigi‐rashana ningiuwina, egi rashguni nigehowakere ningigina. Shegunegi Jehowa washophi howenijena.

Hogusra 26:4

Egi su hashinira woroha wahakjanena wangregi wiragoshgenagre wawikhina. Egi su hashinira ma de‐e harnaj wak’unkjanena, egi su hashinieja howahi manegi wankshig howajehira harnaj washophi howairekjanena.

Hogusra 27:29

Wankshigra wanigirairekjanena egi wankshig hokirajra ningiwaku‐hirekjanana. Warakhinubra wawishurukanakjanena, egi hiuniraga hinig‐wahira ningiwakhuhirekjanena. Higu peshe washoshishig howenigi, washoshishig howekjanena. Egi higu peshe washophi howenigi, washophi howekjanena.

Hogusra 28:14

Egi su hashinira manegi majushigra wikinakjanena. Egi wioireja hipa hahi hornierekjanena, egi wiaxebhueja egi wioweshguni‐eja, egi wiorojanjeja. Egi ne‐nineanaga egi su hashinieja howahi wojhirera harnaj maneginagre washophi howairekjanena.

Hogusra 30:27

Egi Laban wagena: Naixjina hijakoro hinakhisheshi, hiaperessana Jehowa washophi howewina ne hawau.

Hogusra 30:30

Jarnagkira hashinina kheni hajini, egi shegunegi rohana hornihe‐xetena, egi Jehowa washophi howenina hajira epa. Egi jajanagi nishge wajhira hakaraki‐koixjaneshe?

Hogusra 39:5

Egi wauna, shejananegi jhi harnira hirukana gigigaja egi washa warnira harnaj hirakara gigigaja, Jehowa Egipt wankshig‐jega hojhira hophi howehina, Joseph hawau. Egi Jehowa hophi howe harnira jhieja jarnaga washara harnigi egi max‐eja herera wirahina.

Matthaiga 25:40

Egi Hungra hornihakjanena egi wawagekjanena: Hisgexjina hinigawina, xunuxjinig warnira hisha jagu ragish’uwingi ne wairagish’uwina.

Matthaiga 25:45

Egi wawornigihakjanena, wekjanena: Hisgexjina hinigawina, xununig warnira hisha inke washa ragish’uwinigi, hishge inke washa hinagish’uwinina.

Lukga 24:27

Egi Mosesga epa arena egi prophetra harnaj e wowagaxra harnaj wijanti wawogiragshana, jagushana higaire wagaxankhi.