Taitɔ̀ 3:9 - WƆŊ FƐ̀Ì EBÒ SÌÀŊ DAYÀA

⁹ Ɓɔ̀ mùŋ gbìàŋ kùàŋ màŋ hɛ̀ɛ̀ gè zùwo sùà è nyaàiŋ dè àŋ nèwàènèwe nyàŋ, yèè ɓɔ̀ mùŋ gbɛ̀ɛ̀ màŋhɛ̀ɛ̀ gè nyaàtàaŋ wèè màŋ Sàwà Mòòze màŋ è kɔɔ. Maŋhɛɛ gèe mààŋ miiŋ, màŋ yaà maŋhɛɛ gèe foofòò e jiikɛ̀ɛ fè miìŋ sùà.

Taitɔ̀ 3:9 ပူးပေါင်းရင်းမြစ်များ

1 Kɔliìŋ 13:2

Kà wɛ̀i weè pɛɛ kuwìè e kìɛŋ wèè ka gbòà mààŋ wo wɛ̀ijì, ka kùwìè e jiikɛ̀ɛ wèè e nɛ̀ŋ gbiŋ nyìmaŋ, e kìlà ka jàà ke gbùnu gbiŋ jii, ka wɛ̀i pɛɛ kùwìè e hààweɛ̀ gbiŋ mìŋ manaŋ wèè ka gè wɔŋ toò e dìì, kɛɛ sèè miŋ gò kùwìè è mànaŋ, miŋ fè nɛ̀ŋ gbiŋ.

1 Kɔliìŋ 8:1

Wɔŋ fɛi sìngaiŋ nɔɔ̀ŋ sùà nìŋ naim dàwè e kèì e nɛ̀ŋjè saàà kìɛ̀ŋ aŋ dayà joo. Yàwi nààŋ gbiŋ èiŋ nyìmàŋ e keì bà nyaàiŋ dè e keì lɛɛ̀. Kɛɛ e jiikɛ̀ɛ naŋ nyɛ̀nɛ̀ŋ è naiŋ ɓèmè yàwi bi gbee, yèè e mànaŋ naŋ wi nyɛ̀nɛ̀ŋ è kiɛ̀ìŋ aŋ dàwi wi nyàŋ e kpùùmaŋ.

1Time 4:7

Kɛɛ ke nyɛ̀nɛŋ mɔɛ̀ŋ ɓɔ̀ kè nɔ̀ŋ màŋ mìè gbòa gò kɛ̀ɛ̀nɛ̀ŋ ɓɛ̀ɛ̀jàa koɓɛ̀ Dayài yaà màŋ kàɓanè gò kùwìè jiikɛ̀ɛ, maŋ yè maŋ gò tɛ̀ɛ̀wɛ̀ wòo màŋ. Kɛɛ ke nyɛ̀nɛɛ̀ŋ wɔŋ nyiiŋ gèe mɔɔ̀ŋ sùà ke nɔŋ ke yèɛ fɔɔyɛ̀ wo Dayà jii yɛ̀.

2Time 2:14

Dè maŋ jìì anyunùum nyàŋ koɓɛ̀ e keì wòo lɛɛ̀, yèè muŋ kiɛ̀ŋ nyiŋ e gòo nyìngàà sùà ko fɛ̀ɛ̀fèìŋ Dayài, wèè ɓɔ̀ àŋ sumiàŋ màŋ mìè gbòa. E nàfa bà gbiŋ fè miìŋ sùà, sɔɔ̀ nɔŋ maŋ pɔ̀ɔ̀pɔ̀ɔ̀ anyùùŋ nyaŋ kumiàŋ miìŋ nyaŋ.

2Time 2:16

Gè kùàŋ maŋ mìè gbòà ɓɛ̀ɛ̀pɔ̀ɔ, yèè maŋ dì ɓùlà ɓàaɓàa sùà, maŋ yè maŋ nyɛnɛŋ anyùùŋ fè gbɛ̀ɛ̀ Dayà lɛ.

2Time 2:23

Kɛɛ gè kùàŋ maŋhɛɛ gèe zùwo gò kùwìè jiikɛ̀ɛ maŋ kùàŋ sùà. Màŋ nyìmàŋ kɛ̀ ko jèè ɗì miŋ niìŋ è yaà e nyaàŋ tàaŋ.

Taitɔ̀ 1:14

yèè ɓɔ̀ nìŋ jàà màŋ kàɓànè fòò àŋ Juùù nyaŋ yaà màŋ sàwà nyuùŋkpùuŋ kùàŋ dìì. Maŋ keì bi yewe anyùùŋ nyaŋ naŋ gè e tɔ̀ɔ̀nyaàaŋ kùàŋ dìì nyaŋ sìwè.

Jìiiŋ 4:1

Kiìŋ nàŋ hiàŋ maŋ nyaàŋ tàaŋ màŋ, kiìŋ nàŋ daa maŋ gùuŋ màŋ nyɛ̀iŋ wouwòù e fèemàŋ? Màŋ yewe e wùànàŋ gbanaɛ̀ nìŋ kuwa maŋ jiiiŋ màŋ sùà lɛ, e yèɛ yààìŋ sùmiaŋ sùà e teenga gbiŋ wèè tiŋ e kuwiè e gààŋ diɛiŋ nɛ̀.