Taitɔ̀ 3:5 - WƆŊ FƐ̀Ì EBÒ SÌÀŊ DAYÀA

⁵ wò naŋ wi joeyè. E fè kɛ̀ yàwi bi è naŋ nyɛ̀nɛ̀ŋ è tɔ̀ɔ̀nyaàŋ bà, kɛɛ e yìwìà ke nyòwò wuŋ biɛ̀ sùà wò naŋ wi joeyè, esàɓù Jìnàŋ nɛɛmaàŋ sùà, wo yèɔ naŋ wi kìɛ̀ŋ e kòmo jɛi yèè wɔŋ nyiiŋ gèe jɛi esàɓù e gùaà wò naŋ wi gùò lɛ sùà.

Taitɔ̀ 3:5 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Luù 1:50

E yìwìà koɓɛ̀ anyùùŋ nyaŋ gbiŋ e ɗuunyaàŋ, wò tɔɔ̀ ke nyowo koɓɛ̀ anyùùŋ nyaŋ zoolàuŋ nyaŋ.

Luù 1:54

Wò kpuumàŋ wo ɓɔìjɔ̀àuŋ nɔɔ̀ŋ Ezɔ̀ɛ̀, wò tɔɔ̀ anyunùuŋ nyàŋ ke nyowo e teenga gbiŋ.

Luù 1:72

Wo Dayà wààŋ wò do nàŋ tɔ̀ɔ̀ ke nyowo koɓɛ̀ anyuùŋ wi nyàŋ, e kìlà wo jàà e ɗààhìì e mìèsùàgùùŋ nɛɛmauŋ nɛ̀ jii.

Luù 1:78

E mànàŋ Dayàa yèè e tɛ̀ɛ̀tɛ̀ɛ̀uŋ nɛ̀, do wi nàŋ mɛ̀ɛ̀ŋ diɛŋ mààŋ e gɔɛɛ̀ e yèɛ folo ke nyiliɛ̀ lɛ.

Luùm 11:14

Mìŋ kuwa ke jii tùlia e ɗewe lɛɛ̀ sùà, wèè ka nyɛ̀nɛ̀ŋ anyùùŋ maŋ sɛ̀ìŋ miŋ bi màŋ, aim gììyà koo, wèè esàɓù e tòmoɛ̀ mìŋ naŋ nyɛ̀nɛ̀ŋ lɛ, wèè kɛ̀ wo Dayà joeyè aŋ bà nyiŋ.

Luùm 11:6

E kèì jìì Dayàa wò naŋ nyɛ̀nɛ̀ŋ esàɓù e tɛ̀ɛ̀tɛ̀ɛ̀uŋ nɛ̀ lɛ, e fè wèè è tòmo gbiŋ è yèɛ anyùùŋ naŋ nyɛ̀nɛ̀ŋ lɛ. Sèè e kèì jìì Dayàa e weè nɔ̀ŋ esàɓù tòmoɛ̀ anyùùŋ nyɛnɛŋ lɛ̀, kɛ̀ e tɛ̀ɛ̀tɛ̀ɛ̀uŋ nɛ̀ e naàŋ weè nɔ̀ŋ è tɛ̀ɛ̀tɛ̀ɛ̀ kɛnɛ.

Luùm 12:2

Ɓɔ̀ nìŋ nyimèè wèè naŋ nyɛ̀nɛ̀ŋ è nɛ̀ɛŋ anyuùŋ gò kɛ̀ɛ̀nɛ̀ŋ hààwe nyàŋ woàìŋ kɛ̀ è yaà tɛ̀ɛ̀ wèè naŋ nyɛ̀nɛ̀ŋ lɛ è ɗuunyaŋ lɛɛ̀ dìì, kɛɛ tɔ̀ wo Dayà vɔɔnɔ̀ŋ e ɗeweɛ̀ nìŋ gongà lɛ. Tɛɛ̀ do nàŋ nyɛ̀nɛ̀ŋ naŋ tùàŋ maŋ nɔnɔŋ wèè naŋ nyìmàŋ e ɗèwè keì sìàŋ nyɛ̀nɛŋ yaà e yèɛ do nàŋ fɔ̀ɔ̀yɛ̀ Dayà jii lɛ̀.

Luùm 3:20

Wo Dayà fè nɔŋ jàà nyuùŋkpùuŋ kùàŋ dìì wèè wo nɔ̀ŋ wò nyùùŋ tɔ̀ɔ̀nyaàŋ èsaɓù kɛ̀ àŋ kuwo màŋ Sàwà maŋ. E nɛ̀ɛŋ maŋ Sàwà maŋ nyɛnɛŋ lɛ̀ nàŋ yaà wèè maŋ wi nyɛ̀nɛ̀ŋ e nyìmàŋ tɔɔɓaa kɛ̀ èiŋ nyɛ̀nɛ̀ŋ maŋ jùumù.

Luùm 3:28

È naiŋ yɛmɛ̀ kɛ̀ wo Dayà jaa anyùùŋ kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààweɛ̀ àŋ kuwa lɛ̀, kɛɛ e fè wèè màŋ Sàwà maŋ è jɔɔlɔ̀ìŋ dìì maŋ.

Luùm 4:5

Kɛɛ nyìmèè wiìŋ wèè wo nyùnɔ̀ɔŋ kuwa hààwe wo Dayà sùà wɔ eɓìèmàŋjɛ̀wɛ̀ manɛ̀ŋ nyɛ̀nɛuŋ màŋ. Kpeiŋ wo Dayà do nàŋ yɛ̀mɛ̀ e tɔ̀ɔ̀nyaàaŋ e hààweuŋ nɛ̀ sùà, kɛ̀ wò wòò wo nyùùŋ maŋ tùwò naanààŋ wɛɛ̀ wààŋ e keì fòùm. E hààwe lɛɛ̀ tiŋ wo Dayà jaa kùàŋ dìì wèè wo hìàŋ anyùùŋ koɓɛ̀ wuŋ biì.

Luùm 9:11

Kɛɛ wèè paŋ aŋ jɔ̀àfèlàà tìyèe nyàŋ aŋ nɔ̀ŋ wa kòmaŋ nyiŋ, ɔ̀ɔ̀ wèè paŋ aŋ nyɛ̀nɛ̀ŋ wa e keì sìàŋ ɔ̀ɔ̀ e keì naanààŋ gbiŋ, wo Dayà naŋ wòò wo Lòbɛkà wààŋ, “Wo jɔ̀àfelaa jiɛ̀jiɛ̀ mɔɔ̀ŋ do nàŋ tòòmò wo nanàuŋ nɔɔ̀ŋ dìì.” Wo Dayà naŋ wa tɛɛ̀ woò wèè e tɔɔ̀ kɛ̀ wò naŋ wa ɗewè yèè wò manaŋ wa nɔŋ wo tà wo jɔ̀àfèlàà guùŋ ɗùù. Kɛɛ e fè wa wèè è keì ɗewe bà gbiŋ è yèɛ àŋ naŋ wa nyɛ̀nɛ̀ŋ lɛ.

Luùm 9:16

Sèè è nɔ̀ŋ yɛi, manɛ̀ŋ maŋ gbiŋ naŋ tùlìè ke nyowoɛ̀ wo Dayà tɔɔ̀ lɛ jii, yèè e fè è yèɛ ànyuùŋ kpùuŋ manaŋ ɔ̀ɔ̀ àŋ nyɛnɛŋ lɛ̀.

Luùm 9:30

Kiìŋ tɛɛ̀ gbiŋ naŋ fasàì? È naŋ tɔɔ̀ kɛ̀ anyùùŋ nyaŋ fè àŋ Juùù nyaŋ fè wa kààmè ɗewe wèè wò Dayà wo nyiŋ jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ, kɛɛ wo Dayà naŋ nyiŋ wa jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ esàɓù e hààwe nyiŋ nɛ̀.

1 Kɔliìŋ 6:11

Yɛi nɔŋ nyɛ̀iŋ nààŋ bà nyiŋ nìŋ yaà wa. Kɛɛ sààngɛ naàŋ, e dèè Kanaà Jisɛ̀ Kulaìɛ yaà e gààŋ Jìnàŋ Dayàa èiŋ gùà e yìwìà maŋ jùumù sùà nìŋ yaà naàŋ anyùùŋ tɔ̀ɔ̀nyaàŋ yèè wo Dayà wòiŋ jàà kùàŋ dìì. Nìŋ yaà naàŋ anyuùŋ jàà ɓula titi e wèè Dayà.

Gàla 2:16

Kɛɛ èiŋ nyìmàŋ kɛ̀ anyùùŋ nyaŋ nɔŋ wo Dayà jàà kùàŋ dìì wèè aŋ nɔ̀ŋ anyùùŋ tɔ̀ɔ̀nyaàŋ nyaŋ nàŋ yaà, aŋ yè nyaŋ naŋ sìè e hààwe nyiŋ nɛ wo Jisɛ̀ Kulaì sùà nyaŋ. E kìlà e jɔ̀ɔ̀lɔ wilɛ̀ ke Sàwàa dìì nààŋ fè fɔ̀ɔ̀yɛ̀ wo Dayà kè jii. Weè niŋ è naŋ sìè e hààwe wilɛ̀ Jisɛ̀ Kulaì sùà, yèè wo Dayà naŋ wi jàà kùàŋ dìì wèè eiŋ nɔ̀ŋ anyùùŋ tɔ̀ɔ̀nyaàŋ esàɓù e hààwe wilɛ̀.

Ɛfesɔ̀ 2:4

E ɗewe gbio sùà, wo Dayà naŋ banè ke nyowo sùà, yèè e mànaàŋ wò kuwa weè wilɛ̀ è naŋ dɛɛ̀.

Ɛfesɔ̀ 4:23

Tɔ̀ wo Jìnàŋ Nɛɛmaàŋ vɔɔnɔ̀ŋ e ɗewe kiiɛ̀ nìŋ gongà lɛ,

Ɛfesɔ̀ 5:26

Wò naŋ tɛɛ̀ nyɛ̀nɛ̀ŋ wèè wo tulìà ke gbòò anyuùŋ hààwe nyàŋ wo Dayà e yìwìà ke mìè gbòauŋ nɛɛ̀ŋ sùà, nààŋ wò naŋ nyiŋ gùùyè e wùìyè àŋ naŋ zɛ̀nɛ̀ŋ lɛ.

Kòlo 3:10

Nyɛ̀iŋ nààŋ bà guùŋ gbiŋ mùŋ yaà naàŋ wo nyuùŋ jɛ̀ì. Yèè wo Dayà, wo nyùnɔ̀ɔŋ naum bànè wɔ, kòò wò yààùm naàŋ nyinie wèè maŋ kɛ̀ɛ̀nɛ̀ŋ ke kpèè siaŋ mààŋ ke yèɛ nauŋ teenè yɛ, yèè mùŋ douŋ nàŋ nyìmè tɛ̀ɛ̀.

2Time 1:9

Wò naŋ wi joeyè, yèè wò naŋ wi nyààŋ wèè e nɔ̀ŋ anyùùŋ nɛɛmauŋ nyàŋ e fè wèè èsàɓù kè nyɛ̀nɛŋ wiɛ̀, kɛɛ è yaà esàɓù e ɗèwè wuŋ biɛ̀ yaà e tɛ̀ɛ̀tɛ̀ɛ̀uŋ nɛ̀. Wò naŋ wi kìɛ̀ŋ e tɛ̀ɛ̀tɛ̀ɛ̀ lɛɛ̀ e yìwìà wo Jisɛ̀ Kulaì sùà paŋ ngàà e ɗuunyaàŋ naŋ wa nɔ̀ŋ bàne niŋ,

Taitɔ̀ 3:4

Kɛɛ nààŋ e tɛ̀ɛ̀tɛ̀ɛ̀ yaà e mànàŋ Dayàa, wo Nyuùŋ Jòèye wiɔ̀ naŋ nɔ̀ŋ tɔ̀ɔ̀ niŋ ko nɛ̀ɛ̀ŋ wiì lɛ,

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Hiɓu 4:16

Kɛ̀ɛ̀nɛŋ wiìŋ ke jii tùlia e kìlà e kaiŋ ko gbɛ̀ɛ̀ ke kpùà kanaà Dayà ko yèi è doiŋ nàŋ yɛ̀mɛ̀ e tɛ̀ɛ̀tɛ̀ɛ̀. Kuŋ wo Dayà do wi nàŋ tɔ̀ɔ̀ ke nyowo yèè wo wi kìɛ̀ŋ e kpùùmaàŋ è naiŋ kpɛɛ̀ŋ weè niŋ lɛ̀.

Hiɓu 6:6

Anyùùŋ nyaŋ naŋ fè wo Dayà jɛwɛ nyàŋ, aŋ fè ɓɛìŋ ɓɛ̀nɛ̀ŋ fè maŋ tùwo naanààŋ nyiŋ màŋ jɛwɛ wèè aŋ kìlà kòɓɛ̀ Dayài. E nɛ̀ɛŋ àŋ do nàŋ nɔ̀ɔ̀ŋ nyinie lɛ̀ nàŋ yaà e kèì guùŋ nɛ, màànààŋ nɔŋ àŋ naŋ wa kpùùnyɛ̀ŋ wo Jɔ̀àfèlàà Dayàa wɔŋ vànèkpaaà diɛŋ yèè àŋ nauŋ sìè sàngè ko ɓài.

1Pììlɛ 1:3

Gè wiìŋ wo Dayà ke sɛ̀ wo dèdà Kana wiɔ̀ Jisɛ̀ Kulaìɔ! Esàɓù ke nyowo gbeeuŋ nɛɛ̀ŋ sùà, wò naŋ wi kìɛ̀ŋ wɔŋ nyiiŋ gèe jɛi nààŋ wò naŋ gè wo Jisɛ̀ Kulaì e fàa dìì. Tɛɛ̀ naŋ wi dììyè wɔŋ nyiiŋ gèe tùlìà jii ko sùà,

1Pììlɛ 2:10

E teenga bà sùà niŋ fè wa ànyùùŋ Dayà, kɛɛ e teenga lɛɛ̀ sùà nàŋ naàŋ nɔ̀ŋ anyunùuŋ. E teenga bà sùà, niŋ nyimààŋ wa kè nyòwoɛ̀ Dayà kuwa lɛ̀, kɛɛ e teenga lɛɛ̀ sùà wòiŋ tɔ̀ɔ̀ ke nyowouŋ nɛɛ̀ŋ.

1Pììlɛ 3:21

E wuiyè jòwaà naŋ wa nɔ̀ŋ e tɔ̀ɔ̀màŋsèì e gùò Dayàa, naiŋ naàŋ joeyè lɛ. E fè nɔŋ wèè maŋ gùà kèìŋ maŋ è ninaŋ, kɛɛ e ɗààhiìɛ nìŋ ɓemàŋ maŋ gòngò jii sengèì diɛŋ ko fɛ̀ɛ̀fèìŋ Dayà lɛ, esaɓù kɛ̀ wo Dayà naŋ gè Jisɛ̀ Kulaìɛ e fàa dìì,