Taitɔ̀ 3:2 - WƆŊ FƐ̀Ì EBÒ SÌÀŊ DAYÀA

² Wòò nyiŋ ɓɔ̀ àŋ woò è keì naanààŋ wèè nyùùŋ gbiŋ, kɛɛ aŋ mɔɔnɔ̀ŋ, yèè aŋ nɔ̀ŋ jii fàa sùà, yèè e teenga gbiŋ sùà aŋ tɔɔ̀ ke kpèè jii siaŋ koɓɛ̀ nyùùŋ gbiŋ.

Taitɔ̀ 3:2 ပူးပေါင်းရင်းမြစ်များ

Maafiù 11:29

Ɓèmeìŋ wɔŋ nɛ̀ŋfoo mùŋga miɔ̀ŋ niŋ jàà wuŋ maŋ gbaiŋ màŋ diɛŋ, yèè niŋ gbeèim sìwè. Esaɓù kɛ̀ mìŋ kuwa ke kpèè siaŋ yèè ke jii tɔumtɔ̀ùm, yèè nìŋ do nàŋ yɛ̀mɛ̀ ko gììyè nyiiŋ wèè wɔŋ nyììŋ jinàiŋ nɔɔ̀ŋ.

Nyɛ̀nɛ̀ŋ 23:5

Wo Pɔɔ̀ naŋ fasàì wààŋ, “Nyɛ̀iŋ nààŋ wùìyaim nyàŋ, miŋ nyimààŋ weè kɛ̀ wuŋ nàŋ yaà wò Kànà Sìèfèìŋ Zòòlo Gbeeɔ̀. Wɔŋ Fɛ̀ì Dayàa naŋ woò wààŋ, ‘Ɓɔ̀ mùŋ woò è keì naanààŋ kòɓɛ̀ wò sìèfèìŋ àŋ nyunùum nyàŋ.’ ”

1 Kɔliìŋ 6:10

ɔ̀ɔ̀ wo nyùnɔ̀ɔŋ wuo wɔ̀, ɔ̀ɔ̀ wo nyùùŋ kèè nɛ̀ŋjè, ɔ̀ɔ̀ anyuùŋ tìà maŋ mùàŋ, ɔ̀ɔ̀ wo nyuùŋ nàànààŋ ko nyààŋ, ɔ̀ɔ̀ anyuùŋ wùa, e Kànà Dayàa bà gbiŋ naàŋ wa nàwèè nàŋ nɔ̀ŋ wèè àŋ bà gbiŋ.

1 Kɔliìŋ 9:19

Jòòpɛɛ miŋ fè keì dìì kòɓɛ̀ gbiŋ, kɛɛ mìŋ naŋ gbìɛ̀ŋ miàŋ bi e keì dìì wèè anyùùŋ nyaŋ gbiŋ, wèè ka hìàŋ anyuùŋ zimgbe e kèì Dayàa sùà.

2 Kɔliìŋ 10:1

Esàɓù ke jìì sìàŋ Jisɛ̀ Kulaì yaà e tɛ̀ɛ̀tɛ̀ɛ̀uŋ nɛ̀ sùà, è yaà e dàwe titi miàim Pɔɔ̀ mìŋ yààìŋ dàwe sùà, miàŋ wo yèɔ àŋ wòà nyààŋ mìŋ yaà e jùù, yèè mìŋ naŋ tɔumtɔ̀ùm sèè mìŋ nɔ̀ìŋ nèè tɛɛ̀, kɛɛ mìŋ nɔ̀ŋ e hmɔ̀ɔ̀ŋ weèiŋ sèè mìŋ nɔ̀ŋ koɓɛ̀ dii mìŋ goiŋ gbɛ̀ɛ̀ wɔ.

2 Kɔliìŋ 12:20

E jùù yààìm kɔɔ kɛ̀ sèè mìŋ hnàŋ, ɗɔɔ bà, nìŋ do nàŋ nɔ̀ŋ è gbà. Miŋ naìŋ mɛɛ̀ŋ wèè naŋ nɔ̀ŋ è ɗeweɛ̀ mìŋ henàŋ mɔ̀ɔ̀nɔ̀ŋ wèè naŋ nɔ̀ŋ lɛ, yèè mìŋ do nàŋ nɔ̀ŋ è gbà, e yìwìà e ɗeweɛ̀ nìŋ henàŋ mɔ̀ɔ̀nɔ̀ŋ wèè ka nɔ̀ŋ lɛ. E jùù yààìm kɔɔ kɛ̀ mìŋ do nàŋ mɛɛ̀ŋ nìŋ yaà tììnyɛ̀ŋ nyààŋ, yèè nìŋ yaà gììyè koo, ɔ̀ɔ̀ e wùàŋ yààìŋ, yèè wo nyùùŋ gbiŋ naŋ nɔŋ kpɛɛ̀ŋ wèè wuŋ bi, maŋ dìène yèè nyuùŋ fìè fie, e tɛɛmànaŋ yèè maŋ keì gɔ̀àgɔ̀à sùà.

Gàla 5:22

Wo Jìnàŋ Nɛɛmaàŋ kiɛ̀ŋ wì e mànaŋ, e zɔlɔ̀, ke jii fàa, ke jii tɔumtɔ̀ùm, e keì sìàŋ, e tɛ̀ɛ̀tɛ̀ɛ̀, e hààwe,

Gàla 6:1

Wùìyaim nyàŋ, sèè wo nyùùŋ gbiŋ naŋ sɛ̀ɛ̀ ke gbàù maŋ kei naanààŋ sùà, nyɛ̀iŋ nyàŋ wo Jìnàŋ Nɛɛmaàŋ yaà sùà nyaŋ kɛ̀lɛɛìŋ wo nyùùŋ bi maŋjɛ̀wɛ e ɓɛ̀ɛ̀jàa sùà ke dòmàŋ tɔ̀ɔ̀nyaàaŋ diɛŋ. Kɛɛ yɛ̀mɛìŋ nyɛiŋ bi diɛŋ wèè niŋ go nàŋ sɛ̀ɛ̀ e wàà keì jùumù sùà.

Gàla 6:10

Kpeiŋ kɛ̀, nààŋ nɔŋ è kùwàìŋ yɛi e ɗeweɛ̀ le, nyɛ̀nɛ̀ŋ wiìŋ e kpùùmaŋ tɛ̀ɛ̀ koɓɛ̀ anyùùŋ nyaŋ gbiŋ, egbèìngèìŋ ngèè aŋ yè nyaŋ yaà ke kpòò e hààweɛ̀ sùà nyaŋ.

Ɛfesɔ̀ 4:2

Dèèyeìŋ nyɛ̀iŋ bi e teenga gbiŋ sùà, niŋ kuwìè maŋ jii tɔumtɔ̀ùm, yèè niŋ nɔ̀ŋ anyuùŋ kùwìè e ɓɛ̀ɛ̀jàa. Tɔ̀ɔìŋ e mànaiŋ nɛ̀ ke jii siaŋ diɛŋ koɓɛ̀ aŋ wùìyaiŋ nyàŋ e hààweɛ̀ sùà.

Ɛfesɔ̀ 4:31

E wèètii gè kùàŋ e kèè e keì sìà jii sùà, ɓɔ̀ mùŋ wùàŋ nyùùŋ, dàngè e kèè tùu yèè e keì jèla. Ɓɔ̀ mùŋ kpiinyàŋ nyùùŋ, gbeeiŋ ngèè wèè maŋ dìɛ̀ŋ nyùùŋ, ɔ̀ɔ̀ maŋ keì miiŋ bà gbiŋ.

Fèle 4:5

Tɔ̀ɔ̀ ke kpèè ɓɛ̀ɛ̀jàa koɓɛ̀ anyùùŋ nyaŋ e teenga gbiŋ. Wo Kanaà kòò wò yaà hinie e teenga kpuu sùà.

1Tɛsè 2:7

jòòpɛɛ è yaà aŋ keela tàeɗùù wèè Jisɛ̀ Kulaì, yèè èiŋ weè ɓɛ̀nɛ̀ŋ jàà e kpònaà wèè naŋ wi nyìnìàŋ keì sìàŋ. Kɛɛ è naŋ gɔ̀àà kɔɔ dìì e teengaà è yààìŋ gòlò lɛ, mààŋ wo nìèjɔ̀à nàŋ yaà yɛ̀ɛ̀mɛ̀ e kèè aŋ jɔ̀àuŋ nyàŋ dììo sùà.

1Time 3:11

Aŋ jawe nyiŋ nyàŋ nyiiŋ pɛɛ, aŋ nɔ̀ŋ anyuùŋ kɛ̀ɛ̀nɛ̀ŋ maŋ kpèè siaŋ, yèè ɓɔ̀ àŋ fiefìè ànyùùŋ, ɓɔ̀ àŋ nɔ̀ŋ è dìè mùàŋ, aŋ nɔ̀ŋ e tɔ̀ɔ̀nyaàŋ e keì kɛnɛ gbiŋ sùà.

1Time 3:3

Ɓɔ̀ wò nɔ̀ŋ nyuùŋ tìà mùàŋ ɔ̀ɔ̀ wò nyùùŋ ɗanga. Kɛɛ wo nɔ̀ŋ wo nyuùŋ kɛ̀ɛ̀nɛ̀ŋ tùwo siaŋ, yèè wo kuwiè ke jii siaŋ, ɓɔ̀ wò nɔ̀ŋ wò nyùùŋ wùànàŋ nɛɛnɛŋ.

Jìiiŋ 3:17

Kɛɛ e jiikɛ̀ɛɛ̀ yewe wo Dayà sìwè lɛ e jiɛ̀jiɛ̀ɛ nàŋ yaà, è yaà sengei yèè è manaŋ ke jii fàa, è kuwìà nyùùŋ le siwè sìàŋ, è kuwa mɔ̀ɔ̀nɔŋ, è naŋ dìè ke nyowo yèè è hiàŋ maŋ tùwo siaŋ sìàŋ, e fè nyangè yèè e gò gbɛ̀ɛ̀ è kàaɓì kɔɔ.

Jìiiŋ 4:11

Ɓɔ̀ nìŋ woò màŋ keì naanààŋ àŋ dàwiiŋ nyàŋ dèè, nyɛ̀iŋ nààŋ wùìyaim nyàŋ. Wo nyùnɔ̀ɔŋ gbiŋ naŋ wòò e keì naanààŋ wo wùìyauŋ nɔɔ̀ŋ dèè ɔ̀ɔ̀ wouŋ gbààì e keì wɔ, wò nììngè ke sàwàa fɛ̀ɛ̀, e kìlà wò gbààè ke sàwàa e keì. Kɛɛ sèè mùŋ gbaaì ke sàwàa e keì, kɛ̀ muŋ fè ɓɛìŋ wò nyuùŋ jɔ̀ɔ̀lɔ̀ kè sàwàa dìì, mùŋ yaà naàŋ wo nyuùŋ gbààì ke sàwàa e keì.

1Pììlɛ 2:1

Wèètii gèeìŋ maŋ kùàŋ maŋ keì naanààŋ maŋ gbiŋ sùà. E tòa ɓɔ̀ è nɔ̀ŋ ɓɛìŋ ɔ̀ɔ̀ ɓɔ̀ nìŋ nɔ̀ŋ ɓɛìŋ anyuùŋ jàà fɛ̀ɛ̀ keì sùà ɔ̀ɔ̀ lè koo gèe ɔ̀ɔ̀ maŋ gòlà mìè dìène wèè maiŋ fòlà kò nyààŋ.

1Pììlɛ 3:10

Màànààŋ wɔŋ fɛ̀ì Dayàa naŋ woò lɛ, “Wo nyùnɔ̀ɔŋ manaŋ wèè wo jììkà wɔŋ nyiiŋ e kìlà wo yɛ̀mɛ̀ maŋ ɗɔɔ siaŋ wɔ̀, wo gèe maŋ miè naanààŋ gbòa kùàŋ sùà, yèè wo dàngè tòa.

1Pììlɛ 3:8

Ko diemeì nàŋ yaà, nyɛ̀iŋ nààŋ gbiŋ nɔ̀ɔìŋ mìèsùàguùŋ niŋ kuwìè ke jìì nyowo, yèè e mànaŋ wèè aŋ dàwiiŋ. Nyɛ̀nɛìŋ aŋ dàwiiŋ nyàŋ tɛ̀ɛ̀, yèè niŋ deeyè nyɛ̀iŋ bi koɓɛ̀ aŋ dàwiiŋ nyàŋ.

1Pììlɛ 4:4

È do nàŋ fòònò anyuùŋ gò hààwè Dayà nyaŋ àŋ gè gòngo kɛ̀ wèè kiìŋ niŋ fè nyiìŋ ɓɛìŋ màŋjɛ̀wɛ nìŋ gè kìlia ko nyìnìè maŋ keì nàànààŋ guùŋ maŋ, wèètii àŋ fèìŋ maŋ mìè ɓɛ̀ɛ̀pɔ̀ɔ weè niŋ.

2Pììlɛ 2:10

kaikai ngèè aŋ yè nyaŋ dè maŋ kpèè kùwà ninaŋ màŋ yaà maŋ kpùnaŋ nyiŋ màŋ sùà maŋ maŋjɛ̀wɛ aŋ kɔ̀ɔ̀yɛ̀ e gaàŋ Dayàa fɛ̀ɛ̀ sùà. Aŋ kààmɔɔŋ tòa nyɛɛ̀ŋ naŋ nyìngè ɗì e kìlà aŋ fè dùàŋ nyùùŋ, aŋ fè kìɛ̀ŋ àŋ jinàŋ kùwìè e gààŋ tòmo nyàŋ ko àìjɛnɛ̀ŋ è ɓɛ̀ɛ̀jàa, àŋ diɛ̀ŋ nyiìŋ.

Juù 1:10

Kɛɛ anyùùŋ nyɛɛ̀ŋ àŋ diɛ̀ŋ e nɛ̀ŋ gbiŋ e yèɛ fè nyiŋ dìkà jiikɛ̀ɛ lɛ̀, e kpùlìà manɛ̀ŋ maŋ àŋ kuwa jiikɛ̀ɛ weè miŋ màŋ, àŋ yaà mààŋ aŋ yìlì, yèè manɛ̀ŋ guùŋ miiŋ nàŋ jìwè nyiìŋ.

Juù 1:8

Anyùùŋ nyaŋ mìŋ yaà wòò kii nyiŋ nyàŋ, àŋ yaà mààŋ anyùùŋ gò maŋ gɔa nyàŋ pɔɔpɔ̀ɔ̀ maŋ kpùnàŋ nyiiŋ bi màŋ maŋ jùumù sùà nyaŋ. Àŋ giiyà e gààŋ tòòmò Dayàa maŋhɛɛ, yèè aŋ fè maŋ mìè ɓɛ̀ɛ̀pɔ̀ɔ koɓɛ̀ aŋ màikà nyaŋ ko àìjɛnɛ̀ŋ.