Taitɔ̀ 3:14 - WƆŊ FƐ̀Ì EBÒ SÌÀŊ DAYÀA

¹⁴ Anyuùŋ wi nyàŋ kuwa wèè aŋ gbèè e ɗèwè e teenga nyiŋ nɛ̀ gbìàŋ maŋ tòmo kɛnɛ sùà. E wèè maŋ nyiiŋ nyiŋ màŋ nɔ̀ŋ e kpùùmaŋ koɓɛ̀ aŋ nyuùŋ joo bà kɛ̀ àŋ tòòmò maŋ nyiiŋ nyiŋ màŋ tɛ̀ɛ̀.

Taitɔ̀ 3:14 ပူးပေါင်းရင်းမြစ်များ

Maafiù 21:19

Kpeiŋ wò naŋ yɛ̀mɛ̀ ke feè kùù kè sia ko dòmaàŋ kɔɔì. Kɛɛ nààŋ wò naŋ nyiŋ haì, wo gò nyiŋ wa mɛ̀ɛ̀ŋ kè kuù kòmàŋ gbiŋ kò sùà, maŋ tùwa zimgbe màŋ nɔŋ wò nao wa mɛɛ̀ŋ. Kpeiŋ wò naŋ wòò ke kùlɛ̀ɛ wààŋ, “Julɔfɔ muŋ naàŋ wa nàwèè ɓɛìŋ kòmò kè kòmàŋ gbiŋ.” Ko fɛɛ̀feìŋ, ke feè kùlɛ̀ɛ naŋ wòò ke fà.

Maafiù 7:19

Ke kùù gbiŋ ke yèɛ komo maŋ kuù kòmàŋ naanààŋ maŋ, dò nàŋ nɔ̀ŋ kɔ̀àa nyiŋ yèè aŋ nyiŋ gbìàŋ ko hmɔ̀ɔ̀ŋ.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Jɔ̀ɔŋ 15:8

Sèè naŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ e ɗewe lɛɛ̀ sùà nàŋ tɔɔ̀ kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ yèè e hìàŋ e jòòwo koɓɛ̀ wo Dèda miɔ̀ŋ.

Nyɛ̀nɛ̀ŋ 18:3

Wo Àkuilà yaà wa wo nyuùŋ nyɛ̀lɛ̀ maŋ vààyà, yèè wo Pɔɔ̀ naŋ nɔ̀ŋ ko nɛ̀ɛ̀ŋ nyiŋ niìŋ, yèè yaà nyiŋ naŋ tòòmò koɓɛ̀ guùŋ.

Nyɛ̀nɛ̀ŋ 20:35

Kàiŋ tɔ̀ɔ̀ maŋ keì nyɛ̀nɛŋ màŋ gbiŋ sùà kɛ̀ sèè nìŋ tomàŋ nyìnga e ɗewe lɛɛ̀ sùà, nìŋ do nàŋ kpùùmò wo yèɔ yaà e zɔ̀kpɔ̀ sùà wɔ. Jàaìŋ jii, maŋ mìè maŋ wo Kanaà Jisɛ̀ wuŋ bi naŋ wa woò maŋ wààŋ, ‘E zɔlɔ̀ zimgbe doum nàŋ nɔ̀ŋ sèè mùŋ kiɛ̀ŋ wo nyùùŋ, e nìàŋ sèè wo nyùùŋ woum kiɛ̀ŋ.’ ”

Luùm 12:13

Kìɛìŋ kpùùmaŋ koɓɛ̀ anyùùŋ nɛ̀ɛ̀màŋ Dayà dàwiiŋ nyàŋ kuwà nɛ̀ŋ nyaŋ, e kìlà niŋ jaà aŋ nyùùnèènyɛiŋ kùàŋ dìì tɛ̀ɛ̀ maŋ gbooiŋ màŋ sùà.

Luùm 15:28

Sèè mìŋ kɔ̀à mìŋ kiɛ̀ŋ nyiìŋ e nɛɛnɛŋ lɛɛ̀ gbiŋ e yèɛ anyùùŋ nyaŋ naŋ gbonogbònò lɛ, mìŋ doiŋ nàŋ jaamè paŋgàà mìŋ kɔ̀à ko Sipiìŋ.

Ɛfesɔ̀ 4:28

Sèè mùŋ nɔ̀ŋ wo nyuùŋ wùa, gè kùàŋ e kèè wùa sùà, muŋ tomo nyìnga wèè muŋ kàmè e nɛ̀ŋ wèè muàŋ bi e ɓɛ̀ɛ̀jàa sùà, e kìlà muŋ ɓɛnɛ̀ŋ wèè maŋ nyɛ̀nɛ̀ŋ e keì sìàŋ, koɓɛ̀ anyùùŋ nyaŋ kuwà è nɛ̀ŋ bà nyaŋ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Fèle 4:16

E teengaà pɛɛ mìŋ yaà wa ko Tɛsèlonikà lɛ, nìŋ naim wa kpuumò e nìàŋ sùà guùŋ.

Fèle 4:17

Mìŋ fè kààmè ɗewe wèè kaìŋ gè è nɛ̀ŋ sìwè, kɛɛ mìŋ manaŋ wèè naŋ yɛ̀mɛ̀ e kpùùmaàŋ wo Dayà doiŋ nàŋ kiɛ̀ŋ lɛ sèè nìŋ kiɛ̀ŋ.

Kòlo 1:10

kɛ̀ nìŋ do nàŋ ɓɛnɛ̀ŋ wèè naŋ nyɛ̀nɛ̀ŋ wɔŋ nyiiŋ gèeiŋ nɔɔ̀ŋ e ɗeweɛ̀ wo Kanaà manaŋ lɛ̀, e kìlà e teenga gbiŋ nìŋ do nàŋ nyɛ̀nɛ̀ŋ e yèɛ wò manaŋ lɛ̀. Nìŋ do nàŋ nyɛ̀nɛ̀ŋ e keì sìàŋ maŋ nyiiŋ gèeiŋ màŋ sùà, e kìlà e jiikɛ̀ɛ̀iŋ nɛ̀ wèè naŋ nyìmàŋ wo Dayà tɛ̀ɛ̀ do nàŋ dɛ̀kɛ̀ sùà.

1Tɛsè 2:9

Tɔ̀ɔ̀nyaàŋ wùìyaim nyàŋ, nàŋ jàà jii e tòmo nyìngaà è naiŋ kɔ̀ dìì lɛ! È naiŋ tomo e dùùm yaà maŋ gɔɛ wèè e goiŋ nàŋ hìɛ̀ŋ è keì nyìnga gbiŋ kò diɛŋ è teengaà è yààìŋ wòo sùà Èbò Siaàŋ naŋ yèwè Dayà sìwè lɛ.

2Tɛsè 3:8

E gòiŋ jàà è kpùùmàŋ nyùùŋ gbiŋ kùàŋ dìì wèè foo. Kɛɛ è naiŋ tomo nyìnga, e naiŋ nɔ̀ŋ toomo dùùm yaà maŋ gɔɛ wèè e goiŋ nàŋ gbìɛ̀ŋ è kèè nɛ̀ŋ màaŋ sùà.

Taitɔ̀ 2:8

Tòòmoò maŋ mìè gbòa sengèì maŋ yè maŋ wo nyùùŋ gbiŋ fè ɓɛ̀nɛ̀ŋ gè màŋ pɛɗì lɛ, wèè e sàngè kùwà aŋ jooum nyàŋ, esaɓù kɛ̀ aŋ kuwà è keì bà gbiŋ wèè aŋ woò fàà è naanààŋ sùà è weè wi.

Taitɔ̀ 3:8

E keì wòo lɛɛ̀ è yaà e tɔɔɓaa. Maŋ kàa mɛɛ̀ŋ, màŋ tomàŋ yèè màŋ kuwa e kpùùmaŋ wèè nyùùŋ gbiŋ. Mìŋ manaŋ wèè maŋ nɔ̀ŋ wòò maŋ keì mɛɛ̀ŋ mìŋ naŋ yaà wòò e kii miŋ màŋ nyìnga, yèè maŋ yɛmɛ̀ kɛ̀ anyùùŋ nyaŋ àŋ miŋ dè maŋjɛ̀wɛ, e wèè anyùùŋ nyaŋ naŋ hààwè Dayà nyaŋ aiŋ nyɛ̀nɛ̀ŋ e kpàŋ è kɔɔ nyiŋ, wèè aŋ nyɛ̀nɛ̀ŋ maŋ keì sìàŋ.

2Pììlɛ 1:8

Maŋ keì mààŋ mɛɛ̀ŋ nìŋ kuwa naŋ nyɛ̀nɛ̀ŋ, sèè nìŋ nyɛ̀nɛ̀ŋ miìŋ yèè nìŋ nyɛ̀nɛ̀ŋ miìŋ zimgbe zimgbe, è do nàŋ nyɛ̀nɛ̀ŋ naŋ nɔ̀ŋ kpala kpala, niŋ naàŋ nɔ̀ŋ ànyuùŋ jɛ̀kɛ e nyaàiŋ dè e jiikɛ̀ɛɛ̀ nìŋ kuwa wèè wo Kana wiɔ̀ Jisɛ̀ Kulaì lɛ.