Taitɔ̀ 3:13 - WƆŊ FƐ̀Ì EBÒ SÌÀŊ DAYÀA

¹³ Kàmè ɗewe muŋ kpuumàŋ Zinà wo kààmɔɔŋ gɔ̀àì maŋ sàwà sùàa yaà wo Àpolò wèè aŋ tɔɔtù e kàaiŋ nyiŋ nɛ̀, yèè muŋ yɛmɛ̀ kɛ̀ àŋ kuwa e nɛ̀ɛŋ gbiŋ àŋ naŋ kpɛɛ̀ŋ weè niŋ lɛ̀.

Taitɔ̀ 3:13 ပူးပေါင်းရင်းမြစ်များ

Maafiù 22:35

Kpeiŋ wò guùŋ, wo kààmɔ̀ɔ̀ŋ maŋ Sàwà Dayàa bà, manaŋ wa wo gɛ̀ɛ̀ wo Jisɛ̀ jɛ̀wɛ̀ yèè wò nauŋ dawè wààŋ,

Luù 10:25

Ke ɗɔ̀ɔ̀ guùŋ nààŋ wo Jisɛ̀ yaà wa kàa sùà anyùùŋ nyaŋ, wo kààmɔ̀ɔ̀ŋ maŋ Sàwà Dayà maŋ bà yaào wa. Wò manaŋ wa wo dàwè wo Jisɛ̀ wɔŋ mààŋdàwè nyìnga wèè wo kuwiàuŋ e keì. Kpeiŋ wò nauŋ dawè wààŋ, “Kààmɔɔŋ, kiìŋ mìŋ naŋ ɓɛ̀nɛ̀ŋ nyɛ̀nɛŋ wèè ka kùwìè wɔŋ nyiiŋ gèe gò jùà?”

Luù 11:45

Wo kààmɔ̀ɔ̀ŋ maŋ Sàwà Dayà maŋ bà guùŋ nauŋ woò wààŋ, “Kààmɔɔŋ, sèè mùŋ woà tɛɛ̀, kɛ̀ màŋ wi pɔ̀ɔ̀ɓɛ̀ɛ yàwi pɛɛ!”

Luù 11:52

“E keì nyìnga do nàŋ nɔ̀ŋ ko nɛ̀ɛ̀iŋ niìŋ nyɛ̀iŋ nààŋ kààmɔ̀ɔ̀ŋ maŋ Sàwà Dayà nyaŋ! Nìŋ bànè e jìiìŋ nɛ hàa, e yèɛ yilà wɔŋ gbèmgbèè ke sààŋ jiikɛ̀ɛɛ̀. Nyɛ̀iŋ bi niŋ fè jɔ̀à, e kìlà nìŋ keewà anyùùŋ nyaŋ yaà kààmè ɗewe wèè aŋ jɔ̀à nyaŋ kùàŋ feìŋ wèè aŋ goonàŋ jɔ̀ nyiŋ pɛɛ.”

Luù 14:3

Wo Jisɛ̀ naŋ dàwè aŋ kààmɔ̀ɔ̀ŋ maŋ Sàwà Dayà nyaŋ yèè aŋ Fɛlosiì nyaŋ wààŋ, “Ke Sàwà wiɛ̀ naŋ wi gè nyààŋ diɛŋ wèè eiŋ sùngà wo nyùùŋ ke Ɗɔ̀ɔ̀ Zòòlò aŋ Juùù nyaŋ diɛŋ ɔ̀ɔ̀ kpele?”

Luù 7:30

Kɛɛ aŋ Fɛlosiì nyaŋ yèè aŋ kààmɔ̀ɔ̀ŋ maŋ Sàwà Dayà nyaŋ naŋ wa ge maŋhɛɛ wèè aŋ jɔ̀ɔ̀lɔ̀ wo Dayà dìì yèè aŋ gò wa nyimèè wèè wò Jɔ̀ɔŋ wo nyiŋ gùà.

Nyɛ̀nɛ̀ŋ 15:3

Anyuùŋ hààwe nyàŋ naŋ nyiŋ wa tùɔ̀ŋ. Yèè nààŋ àŋ yaà wa kɔɔyɛ, àŋ naŋ kɔ̀ɛ̀ ko Fònisìà yèè ko Sàmilià, àŋ yaà wòò anyùùŋ nyaŋ e ɗeweɛ̀ anyùùŋ nyaŋ fè àŋ Juùù nyaŋ naŋ kìlè koɓɛ̀ Dayài lɛ̀. Ebò lɛɛ̀ naŋ wa fɔ̀ɔ̀yɛ̀ anyùùŋ màŋjɛ̀wɛ̀ Kanaà maŋ jii yèè è naŋ nyiŋ nyìnìè zɔlɔ̀.

Nyɛ̀nɛ̀ŋ 18:24

E teenga lii sùà wo Juùù nyuuŋ bà e yìwìà ko Àlèzandilà àŋ nyaaŋ wo Àpolò naŋ wa hnè ko Ɛfesɔ̀. Wò hewa gbòà tɛ̀ɛ̀ e kìlà wò naŋ wa nyìmè e zimgbe niŋ wɔŋ Fɛ̀ì Dayàa sùà.

Nyɛ̀nɛ̀ŋ 19:1

E teengaà wo Àpolò yaà wa ko Kɔliìŋ lɛ, wo Pɔɔ̀ naŋ kɔ̀ɛ̀ maŋ kpàlàùŋ kpàlàùŋ Eesìà maŋ sùà yèè wò naŋ hnè ko Ɛfesɔ̀. Kuŋ wò naŋ wa mɛ̀ɛ̀ŋ anyùùŋ màŋjɛ̀wɛ̀ Jisɛ̀ nyaŋ bà.

Nyɛ̀nɛ̀ŋ 21:5

Kɛɛ nààŋ e teengaà è manaŋ wa è nɔ̀ŋ ko nɛ̀ɛ̀ŋ nyiŋ niìŋ lɛ naŋ jùò, è naiŋ wa ɓɛìŋ tɔ̀ɔ̀tù e kàaiŋ wilɛ̀. Aŋ kpàkòò nyaŋ gbiŋ, e hààwè aŋ jàwè yèè aŋ jɔ̀à nyiŋ nyàŋ, naŋ wi wa dè maŋjɛ̀wɛ e yìwìà ko jawaì eiŋ kà wɔŋ juwoɔ̀ kɔɔ, kuŋ yàwi nààŋ gbiŋ naiŋ wa dè maŋ gɛ̀ɛ̀ŋ dìì yèè è naiŋ zoolò.

Nyɛ̀nɛ̀ŋ 28:10

Anyùùŋ nyaŋ naŋ wi wa kìɛ̀ŋ e ɓɛ̀ɛ̀jàa gbee. Yèè nààŋ è naiŋ wa banebànè wèè eiŋ sɛ̀ɛ̀ wɔŋ meeèɔ sùà wèè eiŋ naàŋ ka, àŋ naŋ wi wa kìɛ̀ŋ manɛ̀ŋ zimgbe wɔŋ meeèɔ sùà maŋ yè maŋ naŋ wi wa ɓɛ̀nɛ̀ŋ kpùùmaŋ lɛ̀ ke dòmàŋ kàaiŋ wiɛ̀ diɛŋ.

Luùm 15:24

E ɗèwe mɛ̀ nàŋ yaà wèè kaiŋ jaamè sèè mìŋ nɔ̀ŋ kɔ̀ɔ̀yɛ̀ ko Sipiìŋ. Yèè wèè e teenga kpuuɛ̀ mìŋ doiŋ nàŋ nɔ̀ŋ le gòlò lɛ, mìŋ kuwa ke jii tùlia kɛ̀ nìŋ doim nàŋ kpuumò wèè kao haì fiò.

1 Kɔliìŋ 16:11

Wo nyùùŋ gbiŋ ɓɔ̀ wò kɔɔyɛ̀uŋ fɛ̀ɛ̀ sùà, kɛɛ kpùùmaŋ nìuŋ e kàaiuŋ nɛ̀ sùà ke jii fàa diɛŋ, wèè wo kɛɛ̀ maŋjɛ̀wɛ ko nɛ̀ɛ̀ŋ miìŋ. Mìŋ yàaùŋ yɛ̀ɛ̀mɛ̀ dòmaŋ wèè wo kɛɛ̀ yaà aŋ wùìya nyàŋ.

1 Kɔliìŋ 16:12

Wèè e nyaàiŋ dè, wo wùìya wiɔ̀ wo Àpolò. E teenga bà sùà mìŋ gbòoùŋ kɔɔ wèè woiŋ jaamè e kpùlìà aŋ wùìya nyàŋ bà nyiŋ, kɛɛ wo Dayà kòò nyìmèè wèè wo naàŋ hnàŋ, e ɗewe gbiŋ sùà, wò do nàŋ hnè sèè e ɗeweɛ̀ nɔ̀ŋ.