Taitɔ̀ 2:8 - WƆŊ FƐ̀Ì EBÒ SÌÀŊ DAYÀA

⁸ Tòòmoò maŋ mìè gbòa sengèì maŋ yè maŋ wo nyùùŋ gbiŋ fè ɓɛ̀nɛ̀ŋ gè màŋ pɛɗì lɛ, wèè e sàngè kùwà aŋ jooum nyàŋ, esaɓù kɛ̀ aŋ kuwà è keì bà gbiŋ wèè aŋ woò fàà è naanààŋ sùà è weè wi.

Taitɔ̀ 2:8 ပူးပေါင်းရင်းမြစ်များ

Luù 13:17

E sàngè naŋ wa nyɛ̀nɛ̀ŋ aŋ joouŋ nyàŋ gbiŋ wèè nyiŋ bi nààŋ wò naŋ nyiŋ wa tɛɛ̀ woò, nààŋ anyuùŋ gbànaŋ nyàŋ gbiŋ yaà wa gììyè zɔlɔ̀ wèè maŋ kèè mèè maŋ gbiŋ wò naŋ nyɛ̀nɛ̀ŋ maŋ.

2Tɛsè 3:14

È ɓɛ̀nɛ̀ŋ hɛ̀ɛ̀nɛŋ kɛ̀ anyùuŋ bà kui, aŋ naàŋ jɔ̀ɔ̀lɔ̀ kè miè gbìaàŋ è naŋ tùɔ̀ŋ wɔ̀ŋ fɛi wɛɛ̀ŋ sùà yɛ dìì. Sèè tɛɛ̀ è kaaìŋ yɛi, jàaìŋ nyiŋ jii niŋ gè kii nyiŋ kùàŋ sùà wèè e sàngè nyɛ̀nɛ̀ŋ nyiŋ.

1Time 5:14

Weètii mìŋ do naŋ mɔ̀nɔ̀ŋ aŋ jɔ̀ùnèèdàà bɔwɔ nyàŋ aŋ gè aŋ felaa, aŋ kòmàŋ aŋ jɔ̀à, yèè aŋ yɛ̀mɛ̀ maŋ kpoo nyiŋ màŋ diɛŋ, wèè aŋ go nàŋ kìɛ̀ŋ àŋ joo wi nyàŋ e ɗeweɛ̀ wèè àŋ do wòò màŋ keì naanààŋ è weè wi.

1Time 6:3

Wo nyùnɔ̀ɔŋ gbiŋ naŋ kàà e hààwe joo, yèè wo fè nyìmèè màŋ mìè gbòà tɔ̀ɔ̀nyààŋ Kana wiɔ̀ Jisɛ̀ Kulaì maŋ, yèè è nɛ̀ɛŋ e hààwe wilɛ̀ kàa lɛ,

Taitɔ̀ 3:14

Anyuùŋ wi nyàŋ kuwa wèè aŋ gbèè e ɗèwè e teenga nyiŋ nɛ̀ gbìàŋ maŋ tòmo kɛnɛ sùà. E wèè maŋ nyiiŋ nyiŋ màŋ nɔ̀ŋ e kpùùmaŋ koɓɛ̀ aŋ nyuùŋ joo bà kɛ̀ àŋ tòòmò maŋ nyiiŋ nyiŋ màŋ tɛ̀ɛ̀.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 2:15

Wo Dayà manaŋ wèè maŋ kpèè siaŋ sìàiŋ màŋ nɔ̀ŋ esaɓù wèè anyùùŋ ɓàaɓàa gò nyìmàŋ keì fèemàŋ nyɛɛ̀ŋ aŋ hɔ̀ànè gbòa.

1Pììlɛ 3:16

Nyɛ̀nɛìŋ tɛɛ̀ e tùwo siaŋ diɛŋ, yèè e ɓɛ̀ɛ̀jàa sùà. Yèè maŋ jiiŋ màŋ nɔ̀ŋ sengei wèè kɛ̀ sèè àŋ pɔɔ̀ìŋ ɓɛ̀ɛ, anyùùŋ nyaŋ gboo naanààŋ wèè maŋ tùwo siaŋ sìàiŋ màŋ wo Jisɛ̀ Kulaì sùà nyaŋ e sàngè do nyiŋ nàŋ nyɛ̀nɛ̀ŋ wèè e nɛ̀ɛŋ àŋ woà lɛ.