Taitɔ̀ 2:14 - WƆŊ FƐ̀Ì EBÒ SÌÀŊ DAYÀA

¹⁴ Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Taitɔ̀ 2:14 ပူးပေါင်းရင်းမြစ်များ

Maafiù 1:21

Wò do nàŋ kòmò wo jɔ̀àfelaa, yèè mùŋ kuwa mauŋ jàà e dèèɛ wo Jisɛ̀. Esaɓù kɛ̀, wuŋ nàŋ do nàŋ jòèyè anyunùuŋ nyàŋ e yìwìà maŋ jùumù nyiŋ màŋ sùà.”

Maafiù 20:28

Màànààŋ nɔŋ miàim wo Jɔ̀àfèlàà Nyuùŋ Kpùnɔɔ̀ŋ kànɔ̀ɔŋ gò wa hnàŋ wèè ànyùùŋ aim tòòmò dìì lɛ, mìŋ naŋ wa hnè wèè ka nɔ̀ŋ wo ɗo, e kìlà wèè ka fè wɔŋ nyiiŋ miɔ̀ŋ wèè ka jòèyè maŋ nyììŋ anyuùŋ zimgbe.”

Maafiù 3:12

Wò kuwa wɔŋ sɛmɛ̀ŋ fùùnyàŋ e kpàliuŋ nɛ̀ ko sìwè wèè wo fùàŋ e kpàliuŋ nɛ̀. Wò do nàŋ gbònògbònò e kpàli kɛnɛɛ̀ wo niŋ gbìàŋ ko kɛiŋ, kpeiŋ kɛ̀ wò hàmàŋ maŋ kpàli dɛɛ màŋ wò miŋ gbìàŋ ko hmɔ̀ɔ̀ŋ, yèè e hmɔ̀ɔ̀ŋ bi fè wa nàwèè nyime.”

Jɔ̀ɔŋ 6:51

Miàŋ nàŋ yaà e nɛ̀ŋjè wɔŋ nyiiŋ gèeɔ̀ naŋ dèyè e yìwìà ko àìjɛnɛ̀ŋ lɛ. Sèè wo nyùùŋ gbiŋ wò jè e nɛ̀ŋje lɛɛ̀, wò do nàŋ nɔ̀ŋ wɔŋ nyiiŋ gèeɔ̀ sùà wèè julɔfɔ. E nɛ̀ŋje bi zà nàŋ yaà e kenìŋ mɛ̀, e yèɛ mìŋ kiɛ̀ŋ wèè kɛ̀ anyùùŋ nyaŋ gbiŋ e ɗuunyaàŋ aŋ nɔ̀ŋ wɔŋ nyiiŋ gèeo sùà.”

Nyɛ̀nɛ̀ŋ 15:14

Wo Saamɔ̀ŋ Piilɛ̀ naŋ wi nɔŋ wòò e ɗeweɛ̀ wo Dayà naŋ wa hnè jɛɛ̀ yèè wò naŋ kìɛ̀ŋ e kpùùmaŋ koɓɛ̀ anyùùŋ nyaŋ fè àŋ Juùù nyaŋ. Wo Dayà naŋ wa tii nyɛ̀nɛ̀ŋ nààŋ wò naŋ wa tà aŋ bà nyiŋ ɗùù wèè aŋ nɔ̀ŋ anyunùuŋ.

Nyɛ̀nɛ̀ŋ 15:9

Wo kuwà è tɛɛ gòòno yàwi nyiŋ è fèemàŋ. Àŋ naŋ sìè e hààwe nyiŋ nɛ̀ wo Dayà sùà, yèè wò naŋ nyɛ̀nɛ̀ŋ maŋ jii nyiŋ màŋ maŋ zɛ̀nɛ̀ŋ.

Nyɛ̀nɛ̀ŋ 20:28

Weètii yɛ̀mɛìŋ nyɛ̀iŋ bi diɛŋ e kpùlìà anyùùŋ nyaŋ kinɛiŋ wo Jìnàŋ Nɛɛmaàŋ naŋ gbìɛ̀ŋ e gaàiŋ nɛ̀ dìì nyaŋ. Nɔ̀iŋ mààŋ anyuùŋ tùnìàŋ aŋ ɓaawaa wèè ke gbòò anyuùŋ hààwè Dayà nyaŋ. Nyiŋ nàŋ yaà aŋ yè nyaŋ wò naŋ jàà e ɓula wèè wuŋ bi e yìwìà maŋ sɛ̀ìŋ wo Jɔ̀àfèlàà wuŋ biɔ̀ sùà.

Nyɛ̀nɛ̀ŋ 9:36

Wo nìe kɛ̀ɛ̀nɛ̀ŋ hààwe bà yaò wa àŋ nyaaŋ wo Tàbità. E Guliì deeuŋ nɛ̀ nàŋ yaà wa wo Dɔkà. Wò hewa jòò ko jawa bà àŋ nyaaŋ ko Jɔpà. Wo nìe wɛɛ̀ hewa nyìnìàŋ anyùùŋ e keì sìàŋ e tèèngà nyiiŋ geuŋ nɔɔ̀ŋ gbiŋ sùà yèè wò kpuumàŋ wa anyuùŋ pɔ̀ɔ nyàŋ zimgbe.

Gàla 1:4

Wo Jisɛ̀ Kulaì naŋ wa jɔ̀ɔ̀lɔ̀ wo Dèda wiɔ̀ wo Dayà dìì, yèè wò naŋ kiɛ̀ŋ wuŋ bi wèè wo nɔ̀ŋ e nɛ̀ŋ saàà wèè maŋ jùumù wi màŋ, wèè wo joeyè wi e yìwìà e ɗuunyaŋ naanààŋ lɛɛ̀ sùà.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Gàla 3:13

Kɛɛ wo Jisɛ̀ Kulaì naŋ wi wa bilɛ̀ŋ e yìwìà e gbòònò ke Sàwàa dìì, nààŋ wò naŋ wa dè ebɛ̀ŋ wi wèè e gbòòno wilɛ̀ lɛ. Wɔŋ fɛ̀ì Dayàa naŋ woò wààŋ, “Wo nyùnɔ̀ɔŋ gbiŋ àŋ naŋ kpùùnyɛ̀ŋ wɔŋ vànèkpaaà diɛŋ wɔ̀, wò yaà e gbòònò Dayàa dìì.”

Ɛfesɔ̀ 1:11

Wo Dayà nyɛnɛŋ e yèɛ gbiŋ wò ɗewà lɛ e kaaìŋ, e wèètii wò naŋ wa tà wo Jisɛ̀ Kulaì ke ɗùù wèè wo wi ɓemè.

Ɛfesɔ̀ 2:10

Wo Dayà manaŋ wèè eiŋ nyɛ̀nɛ̀ŋ maŋ keì sìàŋ, yèè eiŋ nɔ̀ŋ maŋ nyiiŋ gèe wi màŋ sùà e ɗewe kiiɛ̀ wò manaŋ lɛ̀ e teenga gbiŋ. Esaɓùɛ lɛɛ̀ wò naŋ tùɔ̀ŋ wo Jisɛ̀ Kulaì wèè wo wi nyɛ̀nɛ̀ŋ màànààŋ è yààìŋ aŋ bàwibà Jisɛ̀ Kulaì sùà lɛ, wò naŋ wi banè wèè eiŋ kùwìè wɔŋ nyììŋ gèe maŋ kpèè siaŋ, maŋ yè maŋ wò naŋ naàŋ banè tɛ wèè eiŋ miŋ nyɛ̀nɛ̀ŋ maŋ.

Ɛfesɔ̀ 5:2

E mànaŋ kuwìè gààŋ maŋ nyiiiŋ màŋ diɛŋ, màànààŋ Jisɛ̀ Kulaì naŋ wi mɔ̀nɔ̀ŋ, yèè wò naŋ fè wɔŋ nyiiuŋ nɔɔ̀ŋ wèè wɔŋ nɔ̀ŋ e nɛ̀ŋ saaà e yèɛ naŋ fɔ̀ɔ̀yɛ̀ Dayà jii lɛ̀.

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

1Time 2:10

Kɛɛ e nɔ̀ŋ wèè maŋ kpèè siaŋ, maŋ yè maŋ yaà tɛ̀ɛ̀ wèè aŋ jɔùŋ nyaŋ naŋ ɓèmè e ɗààhiì wèè aŋ nɔ̀ŋ anyuùŋ hààwe nyàŋ.

1Time 2:6

wo yèɔ naŋ wa kìɛ̀ŋ wuŋ bi wèè wo nɔ̀ŋ e nɛ̀ŋ saàà wèè wo bìlɛ̀ŋ anyuùŋ kpùuŋ nyàŋ gbiŋ. Kii nàŋ yaà wa ke mìè seìɛ naŋ hnè e teengaà diɛŋ lɛ̀ kɛ̀, wo Dayà manaŋ wèè wo nyùùŋ gbiŋ yɛ̀mɛ̀ e jòèye,

1Time 6:18

Wòò nyiŋ wèè aŋ nyɛ̀nɛ̀ŋ e keì sìàŋ, aŋ nɔ̀ŋ bàne nyiŋ e tòmo siaŋ sùà, aŋ banebànè wèè aŋ kiɛ̀ŋ anyuùŋ joo.

Taitɔ̀ 2:7

E gbio sùà, muàŋ bi nɔ̀ŋ e tɔ̀ɔ̀màŋsèì maŋ kpèè siaŋ. Mùŋ kuwa maŋ jilɛ̀ŋ, e kìlà maŋ sìà ke di e kàa mɔ̀ɛ̀ sùà.

Taitɔ̀ 3:8

E keì wòo lɛɛ̀ è yaà e tɔɔɓaa. Maŋ kàa mɛɛ̀ŋ, màŋ tomàŋ yèè màŋ kuwa e kpùùmaŋ wèè nyùùŋ gbiŋ. Mìŋ manaŋ wèè maŋ nɔ̀ŋ wòò maŋ keì mɛɛ̀ŋ mìŋ naŋ yaà wòò e kii miŋ màŋ nyìnga, yèè maŋ yɛmɛ̀ kɛ̀ anyùùŋ nyaŋ àŋ miŋ dè maŋjɛ̀wɛ, e wèè anyùùŋ nyaŋ naŋ hààwè Dayà nyaŋ aiŋ nyɛ̀nɛ̀ŋ e kpàŋ è kɔɔ nyiŋ, wèè aŋ nyɛ̀nɛ̀ŋ maŋ keì sìàŋ.

Hiɓu 1:3

Wo Jɔ̀àfèlàà Dayàa nàŋ kuwa e gbolòùŋ nɛ gbiŋ wèè e jòòwò Dayàa, e kìlà wò yaà mààŋ e nɔ̀ŋ kìì Dayàa wuŋ bi. E yìwìà ke mìè gaàŋ gbeeuŋ nɛɛ̀ŋ, wò nyɛnɛŋ manɛ̀ŋ maŋ gbiŋ wo Dayà naŋ banè maŋ, jèè e nɔ̀ŋ kìì bàne miŋ nɛ̀ sùà. Nààŋ wo Jɔ̀àfelaaà naŋ nyɛ̀nɛ̀ŋ wo Dayà naŋ jùùyè anyuùŋ kpùuŋ nyàŋ hakɛ̀ wèè maŋ jùumù nyiŋ màŋ wèè aŋ zɛ̀nɛ̀ŋ, wò naŋ jɛ̀ì wɔŋ kùàŋ jìkà Dayàa, wo yèɔ kuwa e gaàŋ gbeeɛ̀ gbiŋ wɔ̀ ko àìjɛnɛ̀ŋ ko fùùiŋ.

Hiɓu 10:24

Kɛ̀ɛ̀nɛ̀ŋ wiìŋ e gòngo wèè aŋ dàwi e kìlà e kpuumàiŋ e fèemàŋ, e tɔɔ̀iŋ mànaŋ yèè e nyɛ̀nɛ̀iŋ keì sìàŋ.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.

Jìiiŋ 4:8

Gbɛ̀ɛìŋ Dayà kɔɔ, kɛ̀ wò doiŋ nàŋ gbɛ̀ɛ̀ e kɔɔ. Gùoìŋ le sìwè e yìwìà maŋ jùumùiŋ màŋ sùà, nyɛ̀iŋ nààŋ nyùùŋ màŋ jùumù nyaŋ. Yèè niŋ nyɛ̀nɛ̀ŋ maŋ jiiiŋ màŋ zɛ̀nɛ̀ŋ, nyɛ̀iŋ nààŋ nyuùŋ gò kùwìè jìì guùŋ nyaŋ!

1Pììlɛ 1:18

Nàŋ nyìmàŋ kɛ̀ kiìŋ wo Dayà naŋ paawà, wèè woiŋ dangè wèè foo e yìwìà maŋ nyiiŋ gèe foofòò maŋ aŋ nèwàènèweiŋ nyàŋ naiŋ jùùyè sùà maŋ. E fè wa è nɛ̀ŋ bà è yèɛ nyùùŋ naŋ ɓɛ̀nɛ̀ŋ pɔ̀ɔ lɛ̀, mààŋ è kaiŋ fua ɔ̀ɔ̀ è gòoò.

1Pììlɛ 1:22

Nààŋ nìŋ yaà naàŋ jɔ̀ɔ̀lɔ sùà e tɔ̀ɔ̀nyaàŋ dìì, e tɔ̀mɛ jùumù fè ɓɛìŋ màŋ nyiiiŋ màŋ, nàŋ naàŋ zɛ̀nɛ̀ŋ. Yèè nàŋ kùwìè e mànaŋ kɛnɛ wèè anyùùŋ hààwè dawiiŋ nyàŋ. Kùwieìŋ e mànaŋ e fèemàŋ e yìwìà maŋ jiiiŋ màŋ diɛŋ.

1Pììlɛ 2:12

Maŋ keì kààŋ kiiŋ màŋ anyuùŋ gò hààwè Dayà nyaŋ e fèemàŋ, maŋ nɔ̀ŋ tɛ̀ɛ̀ kaiŋ. Wèè sèè pɛɛ aŋ woò nyààŋ nìŋ yaà anyuùŋ nyɛ̀nɛ̀ŋ maŋ keì naanààŋ, aŋ yɛmɛ̀ maŋ kpèè siaŋ sìàiŋ màŋ aŋ tɛnɛ̀ŋ Dayà ke ɗɔɔɛ̀ wò hiàŋ e jààme ko nɛ̀ɛ̀ŋ wiì lɛ̀.

1Pììlɛ 2:9

Kɛɛ nyɛ̀iŋ nàŋ yaà anyuùŋ tàeɗùù Dayà nyaŋ, aŋ sìèfèìŋ e zòòlò Kanaà, wɔŋ fùɔ̀ŋ nɛɛmaàŋ, anyùùŋ Dayà nyaŋ wuŋ bi naŋ tàeɗùù, wèè aŋ daanè ebò maŋ kpèè sìàŋ Dayà maŋ wò nyɛnɛŋ màŋ, wo yèɔ naiŋ nyààŋ wò naiŋ gè ke nyìwì sùà, yèè wò naiŋ hnìɛ̀ŋ e gbòlòùŋ gbèè wuŋ bi sùà lɛ.

1Pììlɛ 3:18

Wo Jisɛ̀ Kulaì naŋ fɔ̀ wèè maŋ jùumù è guùŋ kpò wèè maŋ gbiŋ, wo nyùùŋ tɔ̀ɔ̀nyaàŋ naŋ fɔ̀ wèè anyuùŋ gò haawè nyaŋ, wèè wo tɔɔ̀ nyiŋ ke dòmaàŋ koɓɛ̀ Dayà. Àŋ nauŋ jìwè e yìwìà maŋ kèìŋ maŋ sùà, kɛɛ wò naŋ nɔ̀ŋ wɔŋ nyiiŋ gèeɔ̀ sùà wo jinàaŋ sùà,

1Jɔ̀ɔŋ 1:7

Kɛɛ sèè eiŋ kààìŋ e gbolòùŋ nɛ sùà, màànààŋ wo Dayà yaà e gbolòuŋ sùà lɛ, kɛ̀ è doiŋ nàŋ nɔ̀ŋ ke gbòò Dayà zòòloɛ̀ sùà, yèè maŋ sɛ̀ìŋ Jisɛ̀ maŋ, wo Jɔ̀àfèlàà Dayàa, do naŋ gùò maŋ jùumù wi maŋ gbiŋ.

1Jɔ̀ɔŋ 1:9

Kɛɛ sèè eiŋ kìlìà maŋ jùumù wi màŋ dèè koɓɛ̀ Dayài, wo Dayà wò yaà wo nyuùŋ jìlɛŋ yèè wo nyùùŋ tɔ̀ɔ̀nyaàŋ, èuŋ ɓɛ̀nɛ̀ŋ tùlìà jii wèè wo wi jùùyà hakɛ̀ e kìlà wo gùà maŋ jùumù wi màŋ.

1Jɔ̀ɔŋ 3:2

Dàwi mànaim nyàŋ, è yààìŋ naàŋ aŋ jɔ̀à Dayà. Yèè kòò è nyìmèìŋ weè janjai kɛ̀ ɓòò è doiŋ nàŋ nɔ̀ŋ, kɛɛ èiŋ nyìmàŋ kɛ̀ sèè wo Jisɛ̀ hnàŋ wa nàwèè è doiŋ nàŋ nɔ̀ŋ màànààŋ wò yaà lɛ. Yèè è douŋ nàŋ yɛmɛ̀ màànààŋ wò yaà lɛ.

Maŋ kèì nyɛɛnɛŋ 1:5

e yìwìà wo Jisɛ̀ Kulaì sìwè, wo sèì tɔ̀ɔ̀nyaàaŋ, wo jiɛ̀jiɛ̀ɔ wo yèɔ wo Dayà naŋ gè e fàaà dìì wɔ. Wuŋ nàŋ yaà wo sìèfèìŋ aŋ kana nyàŋ gbiŋ e ɗuunyaàŋ diɛŋ. Wo Jisɛ̀ Kulaì mànàŋ wì, yèè e yìwìà maŋ sɛnùuŋ màŋ wò naŋ wi gè maŋ jùumù wi màŋ sùà,

Maŋ kèì nyɛɛnɛŋ 5:9

Àŋ naŋ dàà wɔŋ nuùŋ jɛ̀ì nyààŋ, “Mùŋ yaà tɛ̀ɛ̀ wèè maŋ ɓèmè wɔŋ fɛi fùngò fungoɔ̀ yèè maŋ yìlè e fèè manɛ̀ŋ yìlia màŋ yàa wuùŋ maŋ, esaɓù kɛ̀ àŋ naum wa jìwè, yèè e yìwìà maŋ sɛ̀ìŋ muàŋ bi màŋ, mùŋ naŋ bìlɛ̀ŋ anyùùŋ wèè Dayà, anyùùŋ e yìwìà e ziì gbiŋ sùà, maŋ kàìŋ gbiŋ sùà, wɔŋ fuɔŋ gbiŋ sùà, yèè anyuùŋ kpùuŋ ziì gbiŋ.