Taitɔ̀ 1:9 - WƆŊ FƐ̀Ì EBÒ SÌÀŊ DAYÀA

⁹ Wo kùwà ke mìè gbìàŋ tɔ̀ɔ̀nyaàŋ wò naŋ gbeè yɛ kpaŋ, ke yèɛ ke jii tùlia yaà sùà lɛ. Wèè e kàà kii siaŋ sìàuŋ nɛ̀ e fè anyùùŋ jii nyingè, e kìlà e dè anyùùŋ nyaŋ gbiŋ giiyà ke mìè gbìaàŋ maŋhɛɛ nyàŋ ke dòmaŋ diɛŋ.

Taitɔ̀ 1:9 ပူးပေါင်းရင်းမြစ်များ

Nyɛ̀nɛ̀ŋ 18:28

Wò naŋ wa gììyè aŋ Juùù nyaŋ maŋhɛɛ yèè yaà nyiŋ naŋ kpaane kpàànè ko ɓài. Yèè wò naŋ nyiŋ tɔɔ̀ janyai e yìwìà wɔŋ fɛ̀ì Dayàa sùà kɛ̀ wo Jisɛ̀ nàŋ yaà wo Kulaìɔ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

1 Kɔliìŋ 14:24

Kɛɛ sèè anyùùŋ nyaŋ gbiŋ nɔ̀ŋ wòò ke mìè gbìàŋ Dayàa sèè anyuùŋ gò kùwìè è hààwe nyàŋ bà ɔ̀ɔ̀ anyuùŋ joo aŋ jɔ̀à, àŋ do nàŋ fè maŋ jùumù nyiŋ màŋ jɛwɛ aŋ gbeè, esàɓù e nɛ̀ɛŋ àŋ komo lɛ̀. E nɛ̀ɛŋ àŋ komo lɛ̀ do nyiŋ nàŋ tùɔ̀ŋ maŋ nɔnɔŋ,

1Tɛsè 5:21

E nɛ̀ŋ gbiŋ sɔɔ̀ naŋ niŋ tùàŋ maŋ nɔnɔŋ, e yèɛ siaŋ lɛ̀ naŋ niŋ ɓemè

2Tɛsè 2:15

E wèètii nyɛ̀iŋ nààŋ wùìya wi nyàŋ, nyìngaìŋ sùà niŋ kùwìè e tɔ̀ɔ̀nyaàŋ è naiŋ woò ke mìè Dayà gbòa wiɛ̀ sùà yèè è naŋ niŋ ɓɛìŋ sìngè wɔŋ fɛi wiɔ̀ sùà lɛ.

1Time 1:10

e kpùlìà anyùùŋ maŋ kpèè naanààŋ nyaŋ, anyuùŋ nyɛ̀nɛ̀ŋ hmɔ̀ŋtù fɛɛ̀ nìngè nyaŋ, anyuùŋ ɓèmè anyùùŋ e ɗo dìì, aŋ yè nyaŋ tɔɔ e kìlà àŋ fè maŋ mìè seì tòa nyàŋ, ɔ̀ɔ̀ aŋ yè nyaŋ kaà e keì gò kɛ̀ɛ̀nɛ̀ŋ jiikɛ̀ɛ è hààweɛ̀ sùà nyaŋ.

1Time 1:15

E keì wòo lɛɛ̀ yaà e tɔ̀ɔ̀nyaàŋ, wèè maŋ niŋ jàà kùàŋ dìì yèè maŋ niŋ haawè tɛ̀ɛ̀. Wò Jisɛ̀ Kulaì naŋ wa hnè e ɗuunyaàŋ wèè wo jòèyè anyùùŋ maŋ jùumù. Maŋ jùumùim maŋ naŋ nìè maŋ jè anyuùŋ gbànaŋ nyàŋ gbiŋ,

1Time 1:19

yèè jèèe e hààwe mɔ̀ɛ̀ sùà e kìlà muŋ kɛɛnɛ̀ŋ e gòngò siaŋ. Ànyùùŋ nyaŋ bà nyiŋ kòò àŋ kùmìè e gòngo siaŋ nyiŋ nɛ̀ yèè àŋ nyɛ̀nɛ̀ŋ maŋ hààwe nyiŋ màŋ pɔɔpɔ̀ɔ̀.

1Time 4:9

E keì wòo lɛɛ̀ yaà tɔ̀ɔ̀nyaàŋ, wèè eiŋ niŋ jàà kùàŋ dii yèè eiŋ niŋ hààwe.

1Time 6:3

Wo nyùnɔ̀ɔŋ gbiŋ naŋ kàà e hààwe joo, yèè wo fè nyìmèè màŋ mìè gbòà tɔ̀ɔ̀nyààŋ Kana wiɔ̀ Jisɛ̀ Kulaì maŋ, yèè è nɛ̀ɛŋ e hààwe wilɛ̀ kàa lɛ,

2Time 1:13

Kùwià maŋ mìè tɔ̀ɔ̀nyaàŋ maŋ mìŋ naum wa kaà maŋ ke di, wèè maŋ nɔ̀ŋ e tɔ̀ɔ̀màŋseì maŋ niŋ dè maŋjɛ̀wɛ̀, yèè muŋ jeeè e hààweɛ̀ yaà e mànaàŋ e yèɛ yaà weè wi nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 2:2

E yèɛ mùŋ naim kumìè mìŋ naŋ kaà ko fɛ̀ɛ̀fèìŋ aŋ seì zimgbe lɛ̀, kàà niŋ anyuùŋ tùlìà jii aŋ yè nyaŋ do nàŋ ɓɛnɛ̀ŋ wèè aŋ kàà anyuùŋ joo lɛ̀.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

2Time 3:14

E weèum, jèèe e tɔ̀ɔ̀nyaàaŋ àŋ naum wa kaà lɛ sùà, yèè muŋ sìà niŋ e hààwè tɔ̀ɔ̀nyaàŋ sùà. Màŋ nyìmàŋ ɓòò nyiŋ nàŋ yaà wa aŋ kààmɔɔiŋ nyàŋ,

2Time 4:3

E teenga do nàŋ hnè, anyùùŋ naàŋ mɔ̀nɔ̀ŋ àŋ do kùmìàŋ è kàà tɔ̀ɔ̀nyaàŋ, kɛɛ àŋ do nàŋ dè e ɗèwè nyiŋ biɛ̀ maŋjɛ̀wɛ, àŋ do nàŋ kàmè aŋ kààmɔɔŋ wèè aŋ nyiŋ wòò e yèɛ do nyiŋ kai nàŋ fɔ̀ɔ̀yɛ̀ jii lɛ̀.

Taitɔ̀ 1:11

Kɛɛ hàà nyiŋ nàà sìwè kɛ̀ ɓɔ̀ àŋ nyɛ̀nɛ̀ŋ niŋ. E nɛɛnɛŋ àŋ yaà maŋjɛ̀wɛ, e nɛ̀ɛŋ àŋ yaà kàa sùà lɛ, e fè tɔ̀ɔ̀nyaàŋ wèè aŋ niŋ kaà. Yèè esàɓù e kàa bi sùà àŋ yaà kìla sùà maŋ jìì maŋ kpoo zimgbe.

Taitɔ̀ 2:1

E wèè muàŋ Taitɔ̀, kàà e keì kɛnɛɛ̀ yaà e hààweɛ̀ sùà lɛ.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.

Maŋ kèì nyɛɛnɛŋ 2:25

Kɛɛ wèè paŋ miŋ hnàŋ, e hààweɛ̀ nìŋ kùwàìm sùà lɛ̀, sɔɔ̀ nàŋ niŋ kùwà kpaŋ.

Maŋ kèì nyɛɛnɛŋ 3:11

Mìŋ yaà hinie e teenga kpuu sùà. Weètii e hààweɛ̀ nìŋ kùwàìm sùà lɛ, sɔɔ̀ naŋ niŋ kùwà kpaŋ, wèè kɛ̀ wo nyùùŋ bà goiŋ nàŋ gè e jìwààjɛ̀wɛ̀ɛ nìŋ yɛmɛ̀ mààŋ ke ɓɔ̀ɗì kanaà yɛ sìwè.

Maŋ kèì nyɛɛnɛŋ 3:3

Kɛ̀ɛ̀nɛìŋ jii jàa wèè e nɛ̀ɛŋ àŋ naiŋ wa kaà yèè e nɛ̀ɛŋ nìŋ naŋ wa kòmò lɛ. Jɔ̀ɔ̀lɔìŋ niŋ dìì e kìlà niŋ fè maŋ tùwo naanààiŋ màŋ jɛwɛ. Sèè nìŋ go yèwà dìì naŋ nyɛ̀nɛ̀ŋ e hààweiŋ nɛ̀ e kɛ̀ɛ̀nɛ̀ŋ gààŋ, mìŋ do nàŋ hnè ko nɛ̀ɛ̀iŋ niìŋ ke ɗɔɔɛ̀ niŋ naàim nɔ̀ɔ̀ŋ yɛ̀ɛ̀mɛ̀ dòmaŋ, màànààŋ wo nyuùŋ wùa nyɛnɛŋ lɛ̀.