Taitɔ̀ 1:4 - WƆŊ FƐ̀Ì EBÒ SÌÀŊ DAYÀA

⁴ Mìŋ yaà sìngìè ko nɛ̀ɛ̀ŋ muìŋ, Taitɔ̀, wo jɔ̀à tɔ̀ɔ̀nyaàŋ miɔ̀ŋ è kuwa e hààwè guùŋ wɔ̀. Tɔ̀ wo Dayà yaà wo Jisɛ̀ Kulaì wo Nyuùŋ Jòèye wiɔ̀ kiɛ̀iŋ ke jii fàa yaà e tɛ̀ɛ̀tɛ̀ɛ̀.

Taitɔ̀ 1:4 ပူးပေါင်းရင်းမြစ်များ

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Jɔ̀ɔŋ 4:42

Àŋ naŋ wòò wo nìeɔ̀ nyààŋ, “Tɔɔɓaa e gòiŋ naàŋ nɔŋ hààwè wò Jisɛ̀ èsàɓù è yèɛ mùŋ naŋ wi woò lɛ. Yàwi bì èiŋ kùmìàŋ e yèɛ wò naŋ woò lɛ, yèè è naiŋ haawè kɛ̀ wuŋ nàŋ yaà wo yèɔ wo Dayà naŋ tàeɗùù wèè wo nɔ̀ŋ wo Nyuùŋ Jòèyeɔ̀ wèè e ɗuunyaàŋ wɔ!”

Luùm 1:12

E yèɛ mìŋ yaà woo lɛ̀ nàŋ yaà wèè kɛ̀ yàwi nààŋ gbiŋ eiŋ kpùùmàŋ aŋ dàwi e tèèngà guùŋ nɛ, e yìwìà e hààwe wilɛ̀ sùà.

Luùm 1:7

Weètii mìŋ naŋ sìngè wɔŋ fɛi wɛɛ̀ŋ koɓɛ̀ nyɛ̀iŋ nààŋ nyùùŋ nɛɛmaŋ nyàŋ gbiŋ ko Luùm. Wo Dayà mànàìŋ e kìlà wòiŋ tàeɗùù wèè naŋ nɔ̀ŋ anyùùŋ wuŋ bi. Tɔ̀ wo Dayà Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa!

2 Kɔliìŋ 12:18

Mìŋ naŋ pɔ̀wɔ̀ wo Taitɔ̀ wèè wo ka, yèè mìŋ nauŋ dè wo wùìyaà bà maŋjɛ̀wɛ yaà nyaàuŋ naŋ kɔ̀. Nìŋ do nàŋ woò nààŋ wo Taitɔ̀ naiŋ nyìnìè kàaɓì? Yàwi Taitɔ̀ gò tòòmò è gòngò guùŋ nɛ yèè maŋ nyɛ̀nɛŋ wi màŋ naŋ nɔ̀ŋ è ɗèwè guùŋ nɛ?

2 Kɔliìŋ 2:13

Kɛɛ ke jii miɛ̀ŋ naŋ sɛɛɛ̀ tiwìtiwì esaɓù kɛ̀ miŋ gòo mɛ̀ɛ̀ŋ wò wùìya wiɔ̀ Taitɔ̀. Wèètii mìŋ naŋ gbìɛ̀ŋ anyùùŋ nyaŋ e dìàmaaŋ, yèè mìŋ naŋ kɔ̀ ko Mɛ̀sèdonià.

2 Kɔliìŋ 4:13

Wɔŋ fɛ̀ì Dayàa wààŋ, “mìŋ naŋ gbòò esaɓù kɛ̀ mìŋ kuwa e hààwe.” E hààwè guùŋ bi yàwi pɛɛ è kuwa nyiiŋ wi màŋ sùà wèètii è gboo.

2 Kɔliìŋ 7:6

Kɛɛ wo Dayà wo yèɔ kiɛ̀ŋ wo nyuùŋ kùwìè ke jii mɔ̀ɔ̀nɛɔ̀ŋ ke jii nyingè wɔ, naŋ wi fè jii nyingè nààŋ wo Taitɔ̀ naŋ hnè.

2 Kɔliìŋ 8:16

È naiŋ gè Dayà ke sɛ̀ wèè wò naŋ gbìɛ̀ŋ e wùànàŋ kpùùmaŋ wo Taitɔ̀ jiio sùà màànààŋ è yàà wì jiio sùà wèè eiŋ kpuumàŋ lɛ.

2 Kɔliìŋ 8:23

Sèè è nɔ̀ŋ wèè Taitɔ̀, wò yaà wo bàimbà yèè yàwiuŋ nàŋ tomàŋ ɓɛ̀ guùŋ wèè eiŋ kpuumàŋ, e wèè aŋ wùìya gbànaŋ nyàŋ yaàùŋ kɔ̀ɔ̀yɛ̀ maŋjɛ̀wɛ nyàŋ, àŋ yaà aŋ keela nyiŋ naŋ dè ɓɛ̀ŋ anyuùŋ hààwe nyaŋ, yèè àŋ hiàŋ e jòòwo koɓɛ̀ Jisɛ̀ Kulaìi.

2 Kɔliìŋ 8:6

E wèètii, è naŋ dàwè wo Taitɔ̀, wo yèɔ naŋ tɔ̀ɔ̀tù e tòmo lɛɛ̀ wɔ, wèè wo kunò niŋ kɔ̀à feìŋ e kìlà wo kpuumàiŋ wo kpɛɛyɛ̀ e tòmò tìtì e mànaŋ lɛɛ̀.

Gàla 2:3

Wo Taitɔ̀ naim wa jèè maŋjɛ̀wɛ e kà ko Jùlusɛ̀làm. Jòòpɛɛ wò yaà wa wo Guliì nyuùŋ, kɛɛ aŋ gòuŋ wa kùwìà màŋ gàangàaŋ wèè auŋ jàà kpùa.

Gàla 3:26

Nyɛiŋ nààŋ gbiŋ nìŋ yaà aŋ jɔ̀à Dayà, esàɓù e hààweɛ̀ niŋ kuwa wo Jisɛ̀ Kulaì sùà lɛ.

Gàla 3:28

E fèemàŋ gòòno bà gbiŋ fè e fèèmàŋ àŋ Juùù ɔ̀ɔ̀ anyùùŋ nyaŋ fè àŋ Juùù nyaŋ, àŋ ɗo ɔ̀ɔ̀ ànyùùŋ nyaŋ fè è ɗo dìì nyaŋ, àŋ felaa ɔ̀ɔ̀ àŋ jɔùŋ, nyɛ̀iŋ nààŋ gbiŋ nìŋ yaà anyùùŋ guùŋ e yìwìà e hààweiŋ nɛ̀ wo Jisɛ̀ Kulaì sùà.

Ɛfesɔ̀ 1:2

Tɔ̀ wo Dayà wo Dèdaà wiɔ̀ yèè wo Kanaà Jisɛ̀ Kulaì fèiŋ tɛ̀ɛ̀tɛ̀ɛ̀ yèè ke jii fàa.

Kòlo 1:2

nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ hààwè nɛɛmaŋ nyàŋ ko Kòlosìà, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ. Tɔ̀ wo Dayà wo Dèda wiɔ̀ wo kiɛ̀iŋ e tɛ̀ɛ̀tɛ̀ɛ̀ yèè ke jii fàa.

1Time 1:12

Mìŋ naŋ gèe wo Kana wiɔ̀ Jisɛ̀ Kulaì ke sɛ̀, wo yèɔ naim kìɛ̀ŋ e gààŋ wèè ka nyɛ̀nɛ̀ŋ e tòmo mɛ̀ wɔ. Mìŋ nauŋ gè ke sɛ̀ wèè wò naìm jàà kùàŋ dìì wèè ka nɔ̀ŋ wo nyuùŋ hààwe, yèè wò naìm tàeɗùù wèè ka tomo e weèuŋ,

2Time 1:1

E yìwìà miàim Pɔɔ̀ sìwè, mìŋ yaà wo keela tàeɗùù wèè Jisɛ̀ Kulaì e yìwìà e gààŋ Dayàa sùà, àŋ naim tùɔ̀ŋ wèè ka wòò e kèè ɗààhiìɛ wo Dayà naŋ wa ɓemè wèè wɔŋ nyiiŋ gèeɔ̀ è kùwaìŋ nààŋ è yààìŋ aŋ bàwibà wo Jisɛ̀ Kulaì sùà lɛ.

2Time 1:2

Miàŋ nàŋ yaà sìngìè wɔŋ fɛi wɛɛ̀ŋ koɓɛ̀ muàum Timetèi, wo jɔ̀à mànaŋ miɔ̀ŋ. Tɔ̀ wo Dayà wo Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀, ke nyowo, yèè ke jii fàa.

2Time 4:10

Wo Dimà naŋ wa sɛ̀ɛ̀ e mànàŋ e ɗuunyaàŋ lɛɛ̀ sùà yèè wò naim gììyè kɛ̀ɛ, wò naŋ kɔ̀ ko Tɛsèlonikà. Wo Kùlìsɛɛ̀ŋ naŋ kɔ̀ ko Gàlatìà, yèè wo Taitɔ̀ naŋ kɔ̀ ko Dàmatià.

Taitɔ̀ 1:3

kpeiŋ wo Dayà, Nyuùŋ Jòèye wiɔ̀ naŋ fè ke miè gbìaŋ yɛɛ̀ e teenga nyiŋ nɛ̀ diɛŋ, wò naim haawè yèè wò naim woò wèè miŋ daanè ebò e nɛ̀ɛŋ wò naŋ woò lɛ.

Taitɔ̀ 2:13

nààŋ è yààìŋ fùlìè ke ɗɔ̀ɔ̀ e keì sìàaŋ è naiŋ tùlìè jii lɛ̀, ke ɗɔɔɛ̀ e jòòwò Dayà gbee wiɔ̀ yèè wo Nyuùŋ Jòèye wiɔ̀ Jisɛ̀ Kulaì kè hnàŋ lɛ.

2Pììlɛ 1:1

E yìwìà miàim Saamɔ̀ŋ Pììlɛ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔìjɔ̀à yèè wo yèɔ yaà keela tàeɗùù wèè Jisɛ̀ Kulaì. Mìŋ yaà sìngìè koɓɛ̀ anyùùŋ nyaŋ aŋ yè nyaŋ esàɓù e tɔ̀ɔ̀nyààŋ Dayàa sùà yaà wo Nyuùŋ Jòèyeɔ̀ Jisɛ̀ Kulaì, àŋ naŋ nyiŋ fè e hààwè jii nyiŋ nɛ̀ mààŋ e je wilɛ̀ nyaŋ.

2Pììlɛ 1:11

E ɗèwè guùŋ nɛɛ̀ sùà wo Dayà doiŋ nàŋ gè nyààŋ diɛŋ wèè naŋ nɔ̀ŋ e Kànàŋ nyiiŋ gèe gò jùà Kana wiɔ̀, wo Nyuùŋ Jòèyeɔ̀ Jisɛ̀ Kulaìɛ sùà.

2Pììlɛ 2:20

Sèè anyùùŋ dùàŋ aŋ fòlà e gààŋ kààkàà ɗuunyaàŋ dìì esàɓù e jiikɛ̀ɛɛ̀ àŋ kuwa e nyaàiŋ dè wo Kanaà yèè wo Nyuùŋ Jòèye wiɔ̀ Jisɛ̀ Kulaì, kpeiŋ maŋ kààkàà bi maŋ nyiŋ ɓɛìŋ kùwà maŋ nyiŋ gbùwò diɛŋ, anyùùŋ mààŋ nyiiŋ e nɔ̀ŋ kii nyiŋ nɛ̀ è nyɛnɛŋ naàŋ e nànàŋ e nìàŋ ko tɔɔtuì.

2Pììlɛ 3:18

Kɛɛ kùnoìŋ nɔŋ dɛ̀ɛ e tɛ̀ɛ̀tɛ̀ɛ̀ sùà yaà e jììkɛ̀ɛ̀ Kanaà, yèè wo Nyuùŋ Jòèyeɔ̀ Jisɛ̀ Kulaì sùà. E jòòwo nɔ̀ŋ ko nɛ̀ɛ̀uŋ niìŋ nàaŋ yèè julɔfɔ. Àmiinàŋ.

2Pììlɛ 3:2

Mìŋ manaŋ naŋ jàà jii e nyaàiŋ dè maŋ mìè maŋ aŋ wɛ̀ijì nɛɛmaŋ nyàŋ naŋ wa gbòò e gɔuo sùà maŋ yaà maŋ miè gbìaŋ màŋ e yìwìà wo Kanaà yèè wo Nyuùŋ Jòèyeɔ̀ sìwè maŋ yè maŋ aŋ keela tàeɗùùiŋ nyaŋ naiŋ wa fè maŋ.

1Jɔ̀ɔŋ 5:14

È kùwàìŋ ke jii nyingè ko fɛ̀ɛ̀fèìŋ Dayà, esaɓù èiŋ nyìmàŋ kɛ̀ wò komo ke miè wiɛ̀ sèè è dawàuŋ wèè e keì ɗewe gbiŋ e yìwìà e mànauŋ nɛ̀ sùà wò do wi niŋ nàŋ kiɛ̀ŋ.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.