Taitɔ̀ 1:16 - WƆŊ FƐ̀Ì EBÒ SÌÀŊ DAYÀA

¹⁶ Àŋ ɓulo ke sɔɔ kɛ̀ àŋ nyìmàŋ Dayà, kɛɛ maŋ kpèè nyiŋ màŋ giiyà niìŋ maŋhɛɛ. Àŋ kuwa maŋ jìì wùòno, yèè aŋ fè jɔ̀ɔ̀lɔ̀ Dayà dìì, aŋ fè tɛ̀ɛ̀ wèè aŋ nyɛ̀nɛ̀ŋ è keì sìàŋ bà gbiŋ.

Taitɔ̀ 1:16 ပူးပေါင်းရင်းမြစ်များ

Luùm 1:28

Nààŋ anyùùŋ nyɛɛ̀ŋ naŋ gè maŋhɛɛ wèè aŋ ngèè pɛɛ gòngò e kèè Dayàa, wò dangà wèè maŋ jìì kòmàŋ kàaɓì nyiŋ màŋ maŋ nyiŋ toomò. Weètii àŋ nyɛnɛŋ maŋ keì sàngè maŋ yè maŋ gò tɛɛwɛ̀ wèè aŋ nyɛ̀nɛ̀ŋ maŋ.

Ɛfesɔ̀ 5:6

Ɓɔ̀ nìŋ nyimèè wèè wò nyùùŋ gbiŋ woiŋ zùùwò màŋ mìè gbòà foo kpàna. Esàɓù maŋ kèì guùŋ mɛɛ̀ŋ sùà, wo Dayà do nàŋ nyìnìè anyùùŋ nyaŋ fòuŋ kòmàŋ è mìè nyaŋ e wùàŋ.

1Time 1:9

Nyìmaìŋ tɔɔɓaa kɛ̀, maŋ sàwà gò wa nɔ̀ŋ bàne miŋ wèè ànyùùŋ tɔ̀ɔ̀nyaàŋ nyaŋ, kɛɛ màŋ yaà wa wèè anyuùŋ gò nɔ̀ŋ màŋ sàwà dìì nyaŋ, yèè anyuùŋ nyɛ̀nɛ̀ŋ maŋ kpèè naanààŋ nyaŋ, e kpùlìà anyuùŋ gò nyìmàŋ Dayà nyaŋ, yaà anyùùŋ maŋ jùumù nyaŋ. Màŋ yaà wa wèè anyùùŋ nyaŋ gboo maŋ mìè gbòà ɓɛ̀ɛ̀pɔ̀ɔ nyàŋ, yèè anyuùŋ jìwà nyùùŋ, aŋ yè nyaŋ kàìŋ nyaŋ pɛɛ àŋ jiwe aŋ dèda nyiŋ nyaŋ yaà aŋ yèye nyiŋ nyaŋ lɛ,

1Time 5:8

Kɛɛ sèè wo nyùùŋ gbiŋ go yɛ̀mɛ̀ ke kpoouŋ nɛɛ̀ŋ diɛŋ, ɓɔɔɓɔɔ ngèè aŋ yè nyaŋ yaà ke kpòò nyiiŋ biɛ̀ sùà nyaŋ, àŋ gììyà e hààweɛ̀ maŋhɛɛ, yèè àŋ nìàŋ anyuùŋ gò kùwìè hààwe nyàŋ.

2Time 3:17

wèè kɛ̀ wo nyùnɔ̀ɔ̀ŋ naŋ hààwè Dayà wɔ, wo ɓɛnɛ̀ŋ yèè wo nyìmàŋ ɗèwè e keì sìàŋ ziì gbiŋ nyɛ̀nɛŋ.

Taitɔ̀ 3:1

Kùnoò dìkà maŋ jìì anyuùŋ ko Kuliì nyaŋ koɓɛ̀ maŋ keì mɛɛ̀ŋ, aŋ kòmàŋ anyuùŋ gbeegbèè nyiŋ nyàŋ mìè yèè aŋ jɔɔlɔ̀ nyiŋ dìì, yèè aŋ nɔ̀ŋ e bànèbane nyiŋ wèè aŋ nyɛ̀nɛ̀ŋ tɛ̀ɛ̀ dòmaŋ nyaaŋ ɗewe gbiŋ sùà.

Taitɔ̀ 3:3

Yàwi bi è naiŋ wa zuwò, è naiŋ gangà, è yààìŋ wa ɓàaɓàa. Yèè è yààìŋ wa aŋ ɗo koɓɛ̀ maŋ ɗèwe kà tinàŋ zimgbe yaà maŋ gbana. Maŋ keì sìà jii yaà le koo nɔŋ nàŋ yaà wa maŋ nyiiŋ gèe wi màŋ sùà, aŋ bà naŋ wi wùɔ̀ŋ, yèè yàwi pɛɛ è naŋ nyiŋ wùɔ̀ŋ.

1Jɔ̀ɔŋ 2:4

Sèè è naiŋ woò wìàà èiŋ nyìmàŋ wo Dayà, kɛɛ e fèiŋ jɔ̀ɔ̀lɔ̀ màŋ Sàwàuŋ màŋ dìì, kɛ̀ è yààìŋ anyuùŋ tòa e kìlà e fèiŋ anyùùŋ tɔ̀ɔ̀nyaàŋ.

Juù 1:4

Anyuùŋ gò nyìmàŋ Dayà nyaŋ, aŋ bà nyiŋ àŋ kɔ̀ɛ̀ kùàŋ dìì àŋ wi sɛ̀ɛ̀ e tɛɛ ke gbùnu sùà e gòiŋ nyìmàŋ, aŋ yè nyaŋ yaà pɔ̀ɔ sùà ke miè gbìaàŋ nyaàiŋ dè e tɛ̀ɛ̀tɛ̀ɛ̀ Dayà wiɔ̀ nyaŋ, wèè kàìsa aŋ yɛmɛ̀ ke kàfaì wèè maŋ kpèè naanààŋ nyiŋ màŋ, aŋ yè nyaŋ naŋ gè wo Jisɛ̀ Kulaì wo kɛ̀ɛ̀nɛŋ yèè wo Kana wiɔ̀ kùàŋ dìì nyaŋ. E gɔuo sùà, wɔŋ fɛ̀ì Dayàa wa kpɛ̀ɛ̀yɛ̀ wòò e kèì e kitiɛ̀ wo Dayà naŋ nyiŋ hèè diɛŋ lɛ̀.

Maŋ kèì nyɛɛnɛŋ 21:27

E nɛ̀ŋ gò zɛ̀nɛ̀ŋ gbiŋ naàŋ jɔ̀ kò jawa gbeeì, e kìlà wo nyùnɔ̀ɔŋ gbiŋ wò kuwa ke jii kùwà ninaŋ wɔ̀ ɔ̀ɔ̀ wo yèɔ tɔɔ wɔ̀ wo naàŋ jɔ̀ kò jawa gbeeì. Anyùùŋ nyaŋ nɔŋ nàŋ doo nàŋ jɔ̀ nyaŋ nàŋ yaà anyùùŋ nyaŋ maŋ deè nyiŋ màŋ yaà sìnga miŋ wɔ̀ŋ fɛ̀ì fùngò fùngò Ɓaawaaà sùà e nyaàiŋ dè aŋ yè nyaŋ kuwa nyiiŋ gèe wèè julɔfɔ nyàŋ.

Maŋ kèì nyɛɛnɛŋ 21:8

Kɛɛ tɔ̀ miŋ woòiŋ e nɛ̀ɛŋ dò nàŋ kààìŋ koɓɛ̀ anyùùŋ nyaŋ kuwà jii tùlia nyàŋ, anyuùŋ gò kɛ̀ɛ̀nɛ̀ŋ tɔ̀ɔ̀nyaàŋ nyaŋ, anyuùŋ kùwìè maŋ jii naanààŋ nyaŋ, ɔ̀ɔ̀ nyuùŋ jìwà nyùùŋ nyaŋ, anyuùŋ nyɛ̀nɛ̀ŋ yɛɛ̀ hmɔŋtu naanààŋ nyaŋ, anyuùŋ fɔ̀ɔ̀wɔ̀ kɔìɗòlò nyaŋ, anyuùŋ zòòlò maŋ gòò nyaŋ, yaà anyuùŋ tòa nyàŋ, mìŋ do nyiŋ nàŋ gbìɛ̀ŋ e hmɔ̀ɔ̀ŋ kàànè sɔfɔ̀ sùà. Tɛɛ̀ nàŋ yaà e fàa dìà tìyèeɛ̀.”