Taitɔ̀ 1:15 - WƆŊ FƐ̀Ì EBÒ SÌÀŊ DAYÀA

¹⁵ Wo nyùnɔ̀ɔŋ gbiŋ zɛnɛŋ wɔ̀, manɛ̀ŋ maŋ gbiŋ zɛnɛŋ weèuŋ. Kɛɛ wo nyùnɔ̀ɔŋ fè zɛ̀nɛ̀ŋ yèè wo kuwà è hààwe wɔ, e nɛ̀uŋ gbiŋ fè zɛ̀nɛ̀ŋ ke jiiuŋ nɛɛ̀ŋ kànɛ̀ɛŋ yèè e gòngouŋ nɛ̀ gbiŋ è naŋ pɔɔpɔ̀ɔ̀.

Taitɔ̀ 1:15 ပူးပေါင်းရင်းမြစ်များ

Maafiù 15:18

Kɛɛ e nɛ̀ɛŋ fuliàìŋ ko nyààŋ lɛ tiŋ nàŋ yewe maŋ jii komaiŋ màŋ diɛŋ, yèè mɛɛ̀ŋ nàŋ nyɛnɛŋ maŋ nɔ̀ŋ wo nyuùŋ gò zɛ̀nɛ̀ŋ.

Nyɛ̀nɛ̀ŋ 10:15

Ke mìèɛ naŋ ɓɛìŋ gbòò ko nɛ̀ɛ̀uŋ niìŋ wààŋ, “Sèè wo Dayà wo woò wààŋ e nɛ̀ŋ yaà tɛ̀ɛ̀ wèè e nɛ̀ŋjè, ɓɔ̀ mùŋ woò mààŋ e fè zɛ̀nɛŋ niŋ yèè e fè tɛ̀ɛ̀ wèè jèe.”

Luùm 14:14

Mìŋ naŋ tùlìè wo Kanaà Jisɛ̀ Kulaì jii, yèè wòim nyɛ̀nɛ̀ŋ kà nyìmàŋ kɛ̀ e nɛ̀ŋje gò zɛ̀nɛ̀ŋ bà gbiŋ fè wèè wò nyuùŋkpùuŋ. Kɛɛ sèè mùŋ gongà kɛ̀ manɛ̀ŋ je bà kòò màŋ yaào maŋ yè maŋ fè zɛ̀nɛŋ miŋ wèè jèe màŋ, kɛ̀ màŋ do nàŋ nɔ̀ŋ manɛ̀ŋ jè gbàŋ weèum.

Luùm 14:20

Ɓɔ̀ mùŋ dangè esàɓù è wànàŋ nɛ̀ŋjeɛ̀ mùŋ manaŋ lɛ̀ è do pɔ̀ɔ̀pɔ̀ɔ̀ è tòmoɛ̀ wò Dayà naŋ nyɛ̀nɛ̀ŋ lɛ. Wo nyùùŋ wò wɛ̀i ɓɛ̀nɛ̀ŋ jè manɛ̀ŋ je màŋ gbiŋ, kɛɛ è do nàŋ nɔ̀ŋ e keì ɓàa wèè maŋ jè e nɛ̀ŋje ɗewe gbiŋ e yèɛ do nàŋ nyɛ̀nɛ̀ŋ wo nyùùŋ ɓà ke dòmaŋ sìaŋ yèè wo sɛ̀ɛ̀ maŋ jùumù sùà.

Luùm 14:23

Kɛɛ sèè àŋ go kɛ̀ɛ̀nɛ̀ŋ hààwe e nyaàiŋ dè e nɛ̀ŋjeɛ̀ àŋ jè lɛ, wo Dayà do nyiŋ nàŋ hèè e kiti diɛŋ, esaɓù kɛ̀ aŋ gò nyìnìàŋ è keì bi è hààwe sùà. Ke nyɛ̀nɛŋ gbiŋ ke yèɛ gò jàànè kòɓɛ̀ è hààwe lɛ̀ è yaà e jùumù.

1 Kɔliìŋ 10:23

“È yààìŋ nyaàŋ gè diɛŋ wi wèè eiŋ nyɛ̀nɛ̀ŋ e nɛ̀ŋ gbiŋ,” tii àŋ woà. Tɛɛ̀ yaà tɔɔɓaa, kɛɛ e nɛ̀ɛŋ gbiŋ nààŋ fè tɛ̀ɛ̀. “È yààìŋ nyaàŋ gè diɛŋ wi wèè eiŋ nyɛ̀nɛ̀ŋ e nɛ̀ŋ gbiŋ,” kɛɛ e nɛ̀ɛŋ gbiŋ nààŋ fè kpuumàŋ.

1 Kɔliìŋ 10:25

Nìŋ yaà e nyaàŋ gè diɛiŋ wèè naŋ gbìlà yilì gbiŋ e yìwìà e bòliɛ̀ sùà, e yèɛ niŋ fè tùàŋ màŋ nɔnɔŋ gbiŋ èsàɓù è gòngoiŋ nɛ̀ sùà.

1 Kɔliìŋ 10:31

E ɗewe gbiŋ sùà, e yèɛ gbiŋ mùŋ nyɛnɛŋ lɛ̀, màŋ jènɛ̀ŋ, màŋ tìà nɛ̀, nyɛnɛ̀ŋ niŋ e jòòwo Dayà sùà.

1 Kɔliìŋ 8:7

Kɛɛ anyùùŋ nyaŋ gbiŋ nààŋ nyimààŋ è tɔɔɓaa lɛɛ̀. Aŋ dayà joo nyɛɛ̀ŋ àŋ naàŋ ɓɔlɛ̀ɛ̀ anyùùŋ nyaŋ bà nyiŋ è jèèsùà e teenga lɛɛ̀ pɛɛ sèè àŋ gbile e hòònɛ̀ŋ nɛ̀ŋje mààŋ tii, àŋ gongà nɔŋ kpɛ kɛ̀ è yaà e nɛ̀ŋjè dayà joo. E gòngo nyiŋ nɛ̀ naŋ yɔkpɔ̀, yèè è mɔɔnɛ̀ŋ nyiìŋ.

1Time 6:5

yèè maŋ nyaàŋ tàaŋ gò kɛ̀ɛ̀nɛ̀ŋ dìa e yìwìà anyuùŋ kùwìè maŋ jiikɛ̀ɛ gò tomo nyàŋ, yèè aŋ yè nyaŋ kuwà wa ɓɛìŋ è tɔ̀ɔ̀nyaàŋ lɛ̀. Àŋ gongà kɛ̀ e hààwe nyiŋ nɛ nàŋ yaà e ɗeweɛ̀ wèè aŋ banè.

Hiɓu 10:22

Weètii, hnàŋ wiìŋ e gbɛ̀ɛ̀iŋ wo Dayà, maŋ jii tɔ̀ɔ̀nyaàŋ yaà ke jii tùlia gbee e yìwìà hààwe kɛnɛ sùà. È kùwàìŋ naàŋ maŋ jii zɛ̀nɛŋ, e kìlà maŋ fè ɓɛìŋ màŋ keì naanààŋ mɛɛ̀ŋ màŋjɛ̀wɛ, yèè maŋ kpùnaŋ wi màŋ nɔ̀ŋ gùa miŋ e wuiyè sengèì sùà.

Hiɓu 12:15

Yɛ̀mɛìŋ nyɛ̀iŋ bi diɛŋ, wèè niŋ go nàŋ fè e tɛ̀ɛ̀tɛ̀ɛ̀ Dayàa jɛwɛ. Ɓɔ̀ nìŋ dangè wò nyùùŋ gbiŋ wò do nɔ̀ŋ mààŋ e kùù gùlò kè kuù fiìì, yèè wo nyɛ̀nɛ̀ŋ anyuùŋ zimgbe aŋ nɔ̀ŋ è keì nyìnga sùà.

Hiɓu 9:14

Nààŋ tɛɛ̀ è yaà tɔɔɓaa lɛ̀, maŋ sɛ̀ìŋ Jisɛ̀ Kulaì maŋ kuwa ngèè e gaàŋ e nìàŋ miiŋ gbiŋ, nààŋ wò naŋ wa wùɔ̀ŋ maŋ sɛ̀ìŋ e teengaà àŋ nauŋ wa jìwè lɛ. E yìwìà esàɓù wo Jìnàŋ Nɛɛmaàŋ yaà wɔŋ nyiiŋ gèeɔ̀ sùà wèè julɔfɔ wɔ̀, wò naŋ kìɛ̀ŋ wuŋ bi wèè wo nɔ̀ŋ e nɛ̀ŋ kìɛŋ, e saaà gèe tùlìà jii sùà koɓɛ̀ Dayài. Maŋ sɛnùuŋ màŋ do nàŋ nyɛ̀nɛ̀ŋ maŋ jii wi màŋ maŋ zɛ̀nɛ̀ŋ e yìwìà maŋ langi foo sùà, wèè kɛ̀ è naiŋ ɓɛ̀nɛ̀ŋ zòòlò wo Dàyà nyiiŋ gèeɔ̀.