Taitɔ̀ 1:1 - WƆŊ FƐ̀Ì EBÒ SÌÀŊ DAYÀA

¹ E yìwìà miàim Pɔɔ̀ sìwè, wo ɓɔ̀ìjɔ̀à Dayàa, yèè wo keela tàeɗùù wèè Jisɛ̀ Kulaì nàŋ yaà sìngìè wɔŋ fɛi wɛɛ̀ŋ. Wo Dayà naim tàeɗùù yèè wò naim tùɔ̀ŋ e wèè ka kpùùmàŋ e hààwè anyùùŋ Dayà nyaŋ wò naŋ tàeɗùù nyaŋ, e kìlà ka nyiŋ kɔ̀à koɓɛ̀ e gòngò tɔ̀ɔ̀nyaàaŋ e Dayà hùmaŋ kii wilɛ̀ sùà,

Taitɔ̀ 1:1 ပူးပေါင်းရင်းမြစ်များ

Luù 18:7

Weètii niŋ gò gongò kɛ̀ wò Dayà do nàŋ gbàì e tɔ̀ɔ̀nyaàŋ sùà wèè àŋ yè nyaŋ wò naŋ tàeɗùù yèè àŋ zoolàuŋ dùùm yèè maŋ gɔɛɛ nyàŋ? Wò do nàŋ dɔɔnɔ̀ŋ wèè wo nyiŋ kpuumàŋ?

Nyɛ̀nɛ̀ŋ 13:48

Ke miè gbìaŋ yɛɛ̀ naŋ wa fɔ̀ɔ̀yɛ̀ anyùùŋ nyaŋ fè àŋ Juùù nyaŋ maŋ jii, yèè àŋ naŋ tɛ̀nɛ̀ŋ ke mìè Dayàa. Kpeiŋ anyùùŋ nyaŋ gbiŋ naŋ wa nɔ̀ŋ ke ɗuù tà nyàŋ wèè wɔŋ nyiiŋ gèe gò jùàa naŋ gbìɛ̀ŋ e hààwe nyiŋ nɛ̀ wo Kanaà Jisɛ̀ sùà.

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

2 Kɔliìŋ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, yèè e yìwìà wo wùìya wiɔ̀ Timetè sìwè, nàŋ yaà sìngìè koɓɛ̀ ke gbòò anyuùŋ hààwe nyàŋ kè yaà ko Kɔliìŋ yɛ, yèè koɓɛ̀ anyùùŋ nɛɛmaŋ nyàŋ gbiŋ ko Àkaayà.

Ɛfesɔ̀ 2:8

E yìwìà e tɛ̀ɛ̀tɛ̀ɛ̀ Dayàa sùà wò naiŋ joeyè, esàɓù e hààwe sùà. Niŋ gò nyɛ̀nɛ̀ŋ è nɛ̀ŋ bà gbiŋ weè niŋ, e wèè wo nyùùŋ gbiŋ go nàŋ kɛ̀ɛ̀ màŋ nyòngà, esaɓù kɛ̀ è yaà e nɛ̀ŋ kìɛŋ wo Dayà naiŋ niŋ kiɛ̀ŋ.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Kòlo 2:2

Mìŋ nyɛnɛŋ tɛɛ̀ wèè ka nyiŋ kiɛ̀ŋ ke jii nyingè e kìlà ka nyiŋ jàànè koɓɛ̀ guùŋ e mànaŋ sùà, wo Dayà do nyiŋ nàŋ kìɛ̀ŋ e kpùùmaŋ gbee wèè aŋ nyìmàŋ kɛ̀ kiìŋ e nɛ̀ŋ nyìmaŋ kɛnɛ hiàŋ. E ɗewe lɛɛ̀ sùà, àŋ do nàŋ nyìmè ke gbùnù Dayàa. Ke gbùnu bi zà nàŋ yaà wo Jisɛ̀ Kulaì wuŋ bi.

1Time 2:4

wo yèɔ manaŋ wèè wo nyùùŋ gbiŋ yɛ̀mɛ̀ e jòèye yèè wo nyìmàŋ e tɔ̀ɔ̀nyaàaŋ wɔ̀.

1Time 3:16

Wo nyùùŋ gbiŋ fè ɓɛ̀nɛ̀ŋ gììyà kè gbùnu gbeeɛ̀ kè yaà e hààwe wilɛ̀ sùà yɛ màŋhɛɛ. Wo Jisɛ̀ Kulaì naŋ wa hnè mààŋ wo nyuùŋkpùuŋ, wo Jìnàŋ Nɛɛmaàŋ nauŋ wa tɔɔ̀ wèè wo nɔ̀ŋ nyuùŋ tɔ̀ɔ̀nyaàaŋ, yèè aŋ màìkà nauŋ wa yɛmɛ̀. Àŋ naŋ dàànè Ebò Siauŋ nɛ̀ maŋ fuɔŋ màŋ gbiŋ sùà, e ɗuunyaàŋ gbiŋ nauŋ sìè e hààwe sùà, yèè wò naŋ nɔ̀ŋ jòòwòuŋ ko àìjɛnɛ̀ŋ.

1Time 6:3

Wo nyùnɔ̀ɔŋ gbiŋ naŋ kàà e hààwe joo, yèè wo fè nyìmèè màŋ mìè gbòà tɔ̀ɔ̀nyààŋ Kana wiɔ̀ Jisɛ̀ Kulaì maŋ, yèè è nɛ̀ɛŋ e hààwe wilɛ̀ kàa lɛ,

2Time 2:10

weètii mìŋ kɔ̀à maŋ keì nyìnga mɛɛ̀ŋ dìì, wèè esàɓù anyùùŋ Dayà nyaŋ wò naŋ tàeɗùù nyaŋ, wèè kɛ̀ nyiiŋ pɛɛ aŋ yɛmɛ̀ e jòèyeɛ̀ naŋ hnè esàɓù Jisɛ̀ Kulaì sùà lɛ, yèè e hìàŋ e jòòwo gò jùà.

2Time 2:23

Kɛɛ gè kùàŋ maŋhɛɛ gèe zùwo gò kùwìè jiikɛ̀ɛ maŋ kùàŋ sùà. Màŋ nyìmàŋ kɛ̀ ko jèè ɗì miŋ niìŋ è yaà e nyaàŋ tàaŋ.

2Time 2:25

ɓòò nàŋ yaà nyuùŋ tɔ̀ùmtɔ̀ùm jiiɔ̀ wèè wo dè wo joouŋ nɔɔ̀ŋ ke dòmaŋ diɛŋ sèè wò nyɛnɛŋ e keì ɓàa wɔ̀, è do nàŋ nɔ̀ŋ mààŋ kɛ̀ wo Dayàa naŋ nyiŋ kìɛ̀ŋ e ɗeweɛ̀ wèè aŋ fè maŋ tùwo naanààŋ nyiŋ maŋ jɛwɛ yèè aŋ hnàŋ koɓɛ̀ e tɔ̀ɔ̀nyaàaŋ.

Jìiiŋ 1:1

E yìwìà miàŋ Jìiiŋ sìwè, nàŋ yaà sìngìè wɔŋ fɛi wɛɛ̀ŋ. Mìŋ yaà wo ɓɔ̀ìjɔ̀à Dayàa yèè wo ɓɔ̀ìjɔ̀à Kanaà Jisɛ̀ Kulaìɔ. Mìŋ yaà sìngìè wɔŋ fɛi wɛɛ̀ŋ koɓɛ̀ anyùùŋ Dayà nyaŋ gbiŋ naŋ ɓààyè e ɗuunyaŋ lɛɛ̀ sùà nyaŋ. Mìŋ zuumàŋ nyɛ̀iŋ nààŋ gbiŋ.

2Pììlɛ 1:3

E nɛ̀ɛ̀màŋ Dayàa, e gaàiŋ nɛ̀ è wi kìɛ̀ŋ e nɛ̀ɛŋ gbiŋ è mànàìŋ wèè eiŋ nɔ̀ŋ wɔŋ nyiiŋ gèeɔ̀ fɔɔyɛ̀ Dayà jii wɔ̀ŋ sùà, esaɓù kɛ̀ eiŋ nyìmàŋ wo yèɔ naŋ wi nyààŋ wèè wo wi gòònò e jòòwouŋ nɛ̀ yèè e tɛ̀ɛ̀tɛ̀ɛ̀uŋ nɛ̀ e fèemàŋ wɔ.

2Pììlɛ 3:11

Nààŋ manɛ̀ŋ mɛɛ̀ŋ gbiŋ do nàŋ yɛ̀mɛ̀ e pɔ̀ɔ̀pɔɔ e ɗewe mààŋ tɛɛ̀ sùà lɛ, kiìŋ ànyuùŋ kpùuŋ ziì nìŋ kuwa wèè naŋ nɔ̀ŋ? Maŋ nyiiŋ màŋ nɔ̀ŋ nɛɛmaŋ sùà, yèè niŋ tulìà miŋ wo Dayà.

1Jɔ̀ɔŋ 2:23

Aŋ yè nyaŋ gò jàà wò Jɔ̀àfelaaà kùàŋ dìì nyaŋ, aŋ gò jàà wò Dèdaà kùàŋ dìì. Aŋ yè nyaŋ gbiŋ naŋ jàà wo Jɔ̀àfelaaà kùàŋ dìì nyaŋ, àŋ naŋ jàà wo Dèdaà kùàŋ dìì.

Maŋ kèì nyɛɛnɛŋ 1:1

Wɔŋ fɛi wɛɛ̀ŋ nàŋ yaà maŋ keì maŋ yaà wa ko nyɛɛnɛŋ maŋ yè maŋ wo Jisɛ̀ Kulaì naŋ wa gɔ̀àì sùà maŋ. Wo Dayà nauŋ wa tɔ̀ɔ̀ maŋ kèì ko nyɛɛnɛŋ mɛɛ̀ŋ wèè wo woò anyuùŋ hààweuŋ nyàŋ kɛ̀ kiìŋ nàŋ do nàŋ kaaìŋ e teenga kpuu sùà. Kpeiŋ wo Jisɛ̀ Kulaì naŋ kìɛ̀ŋ ke miè gbìaàŋ koɓɛ̀ wo màikàuŋ nɔɔ̀ŋ wèè wo koà nyiŋ koɓɛ̀ wo ɓɔìjɔ̀àuŋ nɔɔ̀ŋ Jɔ̀ɔŋ.