Nyɛ̀nɛ̀ŋ 9:42 - WƆŊ FƐ̀Ì EBÒ SÌÀŊ DAYÀA

⁴² Ebò keì lɛɛ̀ naŋ ɓààyè maŋ tàta màŋ gbiŋ sùà ko Jɔpà, yèè è naŋ wa nyɛ̀nɛ̀ŋ anyuùŋ zimgbe naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 9:42 ပူးပေါင်းရင်းမြစ်များ

Jɔ̀ɔŋ 11:4

Kɛɛ nààŋ wo Jisɛ̀ naŋ wa tɛɛ̀ kòmò, wò naŋ woò wààŋ, “Ko jee ɗìi wèè e sàauŋ nɛ̀ e naàŋ nɔ̀ŋ è fàa. È do nàŋ hìɛ̀ŋ e jòòwo koɓɛ̀ Dayài yèè miàim wo Jɔ̀àfèlàà Dayàa.”

Jɔ̀ɔŋ 11:45

Anyùùŋ nyaŋ fè àŋ Juùù nyaŋ zimgbe nyiŋ naŋ wa hnè ko zùùmò Mèèle nyàŋ naŋ yɛ̀mɛ̀ e nɛ̀ɛŋ wo Jisɛ̀ naŋ nyɛ̀nɛ̀ŋ lɛ, yèè àŋ nauŋ sìè e hààwe sùà.

Jɔ̀ɔŋ 12:11

e fèfoo e saɓùuŋ nɛ̀ sùà aŋ Juùù nyaŋ zimgbe nyiŋ yaà wa fè sùà aŋ kànà sìèfèìŋ zòòlo nyàŋ jɛwɛ yèè àŋ yaà hààwe sùà wo Jisɛ̀ e kìlà àŋ yàaùŋ dè sùà maŋjɛ̀wɛ.

Jɔ̀ɔŋ 12:44

Yèè ke miè gbeeo sùà wo Jisɛ̀ naŋ woò wààŋ, “Wo nyùnɔ̀ɔŋ gbiŋ kùwàìm e hààwe ko sùà wɔ, wò kuwa e hààwe wo nyùnɔ̀ɔŋ naim tùɔ̀ŋ wɔ ko sùà wuŋ pɛɛ.

Nyɛ̀nɛ̀ŋ 10:5

Weètii tuàŋ anyùùŋ ko Jɔpà, wèè wo felaa bà àŋ nyaaŋ wo Saimɔ̀ŋ Piilɛ̀.

Nyɛ̀nɛ̀ŋ 10:8

Wò naŋ nyiŋ wòò e keìɛ naŋ kaaìŋ lɛ yèè wò naŋ nyiŋ tùɔ̀ŋ ko Jɔpà.

Nyɛ̀nɛ̀ŋ 11:13

Wò naŋ wi wòò e ɗeweɛ̀ wò naŋ yɛ̀mɛ̀ wo màikà wò sia ko saauŋ niìŋ. Wo màikàa nauŋ woò wààŋ wo tùàŋ anyùùŋ bà ko Jɔpà wèè wo felaa bà àŋ nyaaŋ wo Saimɔ̀ŋ Piilɛ̀.

Nyɛ̀nɛ̀ŋ 11:21

E gààŋ Kanaà yaà nyiìŋ wa maŋjɛ̀wɛ, yèè anyuùŋ zimgbe naŋ wa kìlè koɓɛ̀ wo Kanaà yèè àŋ nauŋ sìè e hààwe sùà.

Nyɛ̀nɛ̀ŋ 11:5

Wò naŋ nyiŋ woò wààŋ, “E teengaà mìŋ yaà dài ko jawaì àŋ nyaaŋ Jɔpà ko zòòlò Dayà lɛ, mìŋ naŋ gò e gɔa yèè mìŋ naŋ yɛ̀mɛ̀ e nɛ̀ŋ bà mààŋ wɔŋ deè fàà gbee, wɔ̀ŋ yaà dèyà sùà e yìwìà ko àìjɛnɛ̀ŋ e teenè mààŋ anyùùŋ bà kùwà wuùŋ maŋ gènè tiinàŋ maŋ, wɔ̀ŋ naŋ hàì koɓɛ̀i mìŋ yaà lɛ yèè wɔ̀ŋ naŋ jɛi gìli.

Nyɛ̀nɛ̀ŋ 9:35

Anyùùŋ nyaŋ zimgbe nyiŋ hewa jòò ko Leɗià yèè ko Sàlɔɔ̀ŋ nyaŋ naŋ yɛ̀mɛ̀ wo Enià, yèè àŋ naŋ wa kìlè koɓɛ̀ wo Kanaà Jisɛ̀.

Nyɛ̀nɛ̀ŋ 9:36

Wo nìe kɛ̀ɛ̀nɛ̀ŋ hààwe bà yaò wa àŋ nyaaŋ wo Tàbità. E Guliì deeuŋ nɛ̀ nàŋ yaà wa wo Dɔkà. Wò hewa jòò ko jawa bà àŋ nyaaŋ ko Jɔpà. Wo nìe wɛɛ̀ hewa nyìnìàŋ anyùùŋ e keì sìàŋ e tèèngà nyiiŋ geuŋ nɔɔ̀ŋ gbiŋ sùà yèè wò kpuumàŋ wa anyuùŋ pɔ̀ɔ nyàŋ zimgbe.

Nyɛ̀nɛ̀ŋ 9:38

Ko Jɔpà gò wa diidìì e yìwìà kò Leɗià. Yèè nààŋ anyuùŋ hààwe nyàŋ ko Jɔpà naŋ wa kòmò kɛ̀ wo Pììlɛ yaà wa ko Leɗià, àŋ naŋ wa tùɔ̀ŋ aŋ fèlàà tìyèe ko nɛ̀ɛ̀uŋ niìŋ wèè auŋ pɔwɔ̀ nyààŋ, “Kɔ̀nɛɛ̀ŋ, hnaàŋ ko nɛ̀ɛ̀ŋ wiì fiò.”

Nyɛ̀nɛ̀ŋ 9:43

Wo Pììlɛ naŋ wa nɔ̀ŋ ko Jɔpà ko gbòò wo kenàŋ bà àŋ nyaaŋ wo Saimɔ̀ŋ, wo yèɔ hewa tòòmò maŋ fɛ̀ì yilì wèè manɛ̀ŋ zimgbe bàne.