Nyɛ̀nɛ̀ŋ 9:41 - WƆŊ FƐ̀Ì EBÒ SÌÀŊ DAYÀA

⁴¹ Wo Pììlɛ nauŋ kùwò kùàŋ wouŋ kpuumàŋ wo yèwà dìì wo sie. Wò naŋ nyààŋ aŋ jɔ̀ùnèèdàà nyaŋ yèè anyuùŋ hààwe gbànaŋ nyàŋ ko saaìŋ yèè wò naŋ nyiŋ kìɛ̀ŋ wo Dɔkà wɔŋ nyiiŋ gèe sùà.

Nyɛ̀nɛ̀ŋ 9:41 ပူးပေါင်းရင်းမြစ်များ

Luù 7:12

Nààŋ àŋ yaà wa gbɛ̀ɛ̀ sùà wɔŋ gbàngè jawaà, àŋ naŋ yɛ̀mɛ̀ anyùùŋ àŋ yaà kòà sùà e dìè wo jɔ̀àfèlàà jɔ̀ùnèèdàà bà. Wo jɔ̀àfèlàà guùŋ wɛɛ̀ nɔŋ wo nìe wɛɛ̀ naŋ wa kòmò. Anyùùŋ jawa nyàŋ zimgbe nyiŋ yàaùŋ wa kɔɔ.

Luù 7:15

Wo felaaà naŋ fɔ̀ wɔ naŋ yèwè dìì wo jɛi, yèè wò naŋ tɔ̀ɔ̀tù gbòa. Kpeiŋ wo Jisɛ̀ nauŋ kɛ̀lɛ̀ɛ̀ koɓɛ̀ wo nààŋ kòmauŋ nɔɔ̀ŋ.

Nyɛ̀nɛ̀ŋ 20:12

Kpeiŋ anyuùŋ hààwe nyàŋ naŋ kɔ̀ɔ̀ wo felaajɔaà wɔŋ nyiiŋ gèeo sùà ko gboouŋ noo ke jìì fà zɔlɔ̀ gbee sùà.

Nyɛ̀nɛ̀ŋ 3:7

Kpeiŋ wò nauŋ kùwò wɔŋ kùàŋ jìka wouŋ kpuumàŋ wo yèwà dìì wo sie. Yèè ko fɛɛ̀feìŋ wo felaaà maŋ kpainɓɔwɔuŋ màŋ yèè maŋ sààkpɔ̀ɔ̀kɔ̀uŋ màŋ naŋ nyìngè sùà.

Nyɛ̀nɛ̀ŋ 6:1

Nààŋ e teenga bà naŋ mààŋ, ke gbòò anyùùŋ màŋjɛ̀wɛ̀ nyaŋ naŋ kùùnò dɛ̀kɛ̀ sùà. Aŋ bà nyiŋ yewe wa maŋ fuɔŋ joo e kìlà e Guliì mie nɔŋ àŋ hewa gbòà, kɛɛ aŋ zimgbe nyiŋ hewa jòò wɔŋ fùɔ̀ŋ Ezɔ̀ɛ̀ɔ sùà e kìlà àŋ hewa gbòà e Hiɓulù mie. Aŋ yè nyaŋ gboo wa e Guliì mieɛ̀ nyaŋ, naŋ kìɛ̀ŋ e zàwè aŋ yè nyaŋ gboo e Hiɓulù mieɛ̀ nyaŋ, koɓɛ̀ aŋ keela tàeɗùù nyaŋ. Aŋ Juùù gbòà Guliì mie nyàŋ naŋ woò nyààŋ aŋ Hiɓulù nyuuŋ nyàŋ gboo wɔŋ kàìŋ nyiŋ biɔ̀ nyaŋ yaà wa nyìnìè e kèì fɛɛ̀ nìngè koɓɛ̀ aŋ jɔ̀ùnèèdàà nyiŋ nyàŋ e kèè e tòmò nɛɛnɛŋ gòònoɛ̀ sùà ke ɗɔɔ gbiŋ.

Nyɛ̀nɛ̀ŋ 9:13

Wo Ananaayà naŋ fasàì wààŋ, “Kanaà, anyuùŋ zimgbe àim wòò e kèè wo felaa wɛɛ̀, e nyaàiŋ dè maŋ keì naanààŋ maŋ kinɛiŋ wò naŋ nyìnìè anyùùŋ nɛɛmauŋ nyàŋ ko Jùlusɛ̀làm lɛ.

Nyɛ̀nɛ̀ŋ 9:32

Kpeiŋ nààŋ wo Pììlɛ yaà wa kɔ̀ɔ̀yɛ̀ maŋ tàta màŋ sùà, wò naŋ wa jààmè anyùùŋ nɛɛmaŋ nyàŋ hewa jòò ko jawaì àŋ nyaaŋ ko Leɗià.

1Time 5:3

Tɔ̀ɔ̀ e ɓɛ̀ɛ̀jàa koɓɛ̀ aŋ jɔ̀ùnèèdàà nyaŋ yaà kùàŋ nyiìŋ bi nyàŋ.

1Time 5:5

Wo jɔ̀ùŋèèdààa yaà wèè wuŋ bi wɔ̀, wo yèɔ kuwà nyuùŋ kpùùmauŋ wɔ̀, wò naŋ sìè ke jii tùliauŋ nɛɛ̀ŋ wo Dayà sùà yèè wò do nàŋ nɔ̀ŋ zoolo keleiŋ wò yaà dààwè Dayà wèè è kpùùmaŋ e dùùm yaà maŋ gɔɛ.