Nyɛ̀nɛ̀ŋ 9:40 - WƆŊ FƐ̀Ì EBÒ SÌÀŊ DAYÀA

⁴⁰ Wo Pììlɛ naŋ tùɔ̀ŋ anyùùŋ nyaŋ gbiŋ ko jɔɔlèi, wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ zoolò. Yèè wò naŋ kìlè koɓɛ̀ e fàaà wò naŋ woò wààŋ, “Tàbità, yewà dìì!” Wo nìeɔ̀ naŋ gbàì le fɛɛ̀uŋ nɛ̀, yèè nààŋ wò naŋ yɛ̀mɛ̀ wo Pììlɛ, wo naŋ yèwè dìì wo jɛi.

Nyɛ̀nɛ̀ŋ 9:40 ပူးပေါင်းရင်းမြစ်များ

Maafiù 6:6

Kɛɛ sèè mùŋ woà mààŋ muŋ zoolò, jɔ̀à ko saaŋ zɔ̀nù moo muŋ yìlà wɔŋ gbemgbeeɔ̀. Zòòloò koɓɛ̀ wo Dèda mɔɔ̀ŋ ke gbùnuo sùà. Yèè wo Dèda mɔɔ̀ŋ naŋ nyìmè e nɛ̀ɛŋ mùŋ naŋ nyɛ̀nɛ̀ŋ ke gbùnuo sùà lɛ, wò doum nàŋ kìɛ̀ŋ e jìwààjɛ̀wɛ̀ siaŋ.

Maafiù 9:25

Kɛɛ nààŋ wò naŋ wa nyɛ̀nɛ̀ŋ àŋ naŋ fòlò ko jɔɔlèi, wo Jisɛ̀ naŋ jɔ̀ ko saaìŋ wo jɔùŋjɔaà hawa lɛ̀, yèè wò nauŋ kùwò kùàŋ wouŋ kpuumàŋ wo yèwà dìì.

Luù 22:41

Kpeiŋ wò naŋ nyiŋ jòò wo kà ko fènòo tòloò, wo dè maŋ gɛ̀ɛ̀ŋ nùuŋ màŋ ko dììnaŋ, yèè wò naŋ zoolò.

Luù 8:54

Kɛɛ wo Jisɛ̀ nauŋ kùwò kùàŋ yèè wò naŋ woò wààŋ, “Ɓɔ̀jɔa wɛɛ̀, yewà dìì!”

Nyɛ̀nɛ̀ŋ 20:36

Nààŋ wo Pɔɔ̀ naŋ wa kpɛ̀ɛ̀yɛ̀ gbòa, wò naŋ dè maŋ gɛ̀ɛ̀ŋ dìì, yèè yaà nyiŋ naŋ zoolò.

Nyɛ̀nɛ̀ŋ 21:5

Kɛɛ nààŋ e teengaà è manaŋ wa è nɔ̀ŋ ko nɛ̀ɛ̀ŋ nyiŋ niìŋ lɛ naŋ jùò, è naiŋ wa ɓɛìŋ tɔ̀ɔ̀tù e kàaiŋ wilɛ̀. Aŋ kpàkòò nyaŋ gbiŋ, e hààwè aŋ jàwè yèè aŋ jɔ̀à nyiŋ nyàŋ, naŋ wi wa dè maŋjɛ̀wɛ e yìwìà ko jawaì eiŋ kà wɔŋ juwoɔ̀ kɔɔ, kuŋ yàwi nààŋ gbiŋ naiŋ wa dè maŋ gɛ̀ɛ̀ŋ dìì yèè è naiŋ zoolò.

Nyɛ̀nɛ̀ŋ 28:8

Wo kɛ̀ɛ̀ Pɔbilɔ̀ɔ hawa wa wɔŋ gbùmauŋ nɔɔ̀ŋ sùà wò yaà siinyɛŋ. Wò kuwa wa e sààŋ kɔɔ bìya yèè ko suàdèe, yèè wo Pɔɔ̀ naŋ kɔ̀ ko jaameuŋ. Wo kenàaŋ naŋ wa jòèyè nààŋ wo Pɔɔ̀ nauŋ wa gbùwò maŋ kùàŋ diɛŋ yèè wò nauŋ zòòlò diɛŋ.

Nyɛ̀nɛ̀ŋ 7:60

Kpeiŋ wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ kpààŋ ke miè gbeeo sùà wààŋ, “Kanaà! Ɓɔ̀ mùŋ kuwià nyiŋ màŋ jùumù mɛɛ̀ŋ!” Wò naŋ tɛɛ̀ woò yèè wò naŋ mìè nyiiŋ.