Nyɛ̀nɛ̀ŋ 9:4 - WƆŊ FƐ̀Ì EBÒ SÌÀŊ DAYÀA

⁴ Wò naŋ sɔ̀ɔ̀ ko dììnaŋ yèè wò naŋ kòmò ke mìè nyùùŋ kè nauŋ woò wààŋ, “Sɔɔ̀, Sɔɔ̀, wèè kiìŋ mùŋ yààìm nìmila sùà?”

Nyɛ̀nɛ̀ŋ 9:4 ပူးပေါင်းရင်းမြစ်များ

Maafiù 25:40

Miàim wo Kanaà do nàŋ fasaì mìàŋ, ‘Miŋ woòiŋ e tɔɔɓaaà, sèè mùŋ naŋ niŋ wa nyɛ̀nɛ̀ŋ wèè wo wùìya miɔ̀ŋ bà guùŋ, miŋ gò kpɛɛ̀ŋ kɛ̀ dièsɔa è nɔ̀ŋ kiiuŋ nɛ̀ è yaà, kɛ̀ màŋ niŋ nyɛ̀nɛ̀ŋ e weèim.’

Luù 10:41

Wo Kanaà nauŋ fasàì wààŋ, Mààta lèè, “Mùŋ sɛɛ̀ jii e kìlà ke jii mɔɛ̀ŋ mɔɔnɛ̀ŋ wèè maŋ keì zimgbe,

Jɔ̀ɔŋ 18:6

Yèè nààŋ wo Jisɛ̀ naŋ nyiŋ wa woò wààŋ, “Miàŋ nàŋ yaà wo Jisɛ̀,” aŋ gbiŋ naŋ bɔ̀mɔ̀ŋ maŋjɛ̀wɛ yèè àŋ naŋ sɔ̀ɔ̀ ko dììnaŋ.

Jɔ̀ɔŋ 20:16

Yèè wo Jisɛ̀ nauŋ woò wààŋ, “Mèèle!” Wo Mèèle naŋ kìlè ko nɛ̀ɛ̀uŋ niìŋ yèè wò naŋ woò e Hiɓulù mieɛ̀ sùà wààŋ, “Làbonìŋ!” E fàsàì tɛɛ̀ nàŋ yaà, “Kààmɔɔŋ!”

Jɔ̀ɔŋ 21:15

Nààŋ wo Jisɛ̀ yèè anyùùŋ màŋjɛ̀wɛ̀uŋ nyàŋ naŋ wa kpɛ̀ɛ̀yɛ̀ e nɛ̀ŋ jèe, wo Jisɛ̀ naŋ dàwè wo Saimɔŋ Piilɛ̀, wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, mùŋ mànàìm maŋ nìàŋ anyùùŋ màŋjɛ̀wɛ̀ gbànaŋ nyàŋ?” Wo Saimɔŋ Piilɛ̀ naŋ fasàì wààŋ, “Hɛ̀ɛɛ̀ŋ Kanaà, màŋ nyìmàŋ kɛ̀ mìŋ mànàùm.” Yèè wo Jisɛ̀ naŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Nyɛ̀nɛ̀ŋ 5:10

Ko fɛɛ̀feìŋ wo nìeɔ̀ naŋ sɔ̀ɔ̀ ko dììnaŋ yèè wò naŋ fɔ̀. Aŋ felaa nyàŋ naŋ hnè aŋ yɛmɛ̀ kɛ̀ wò fà, yèè àŋ nauŋ fuliè aŋ ka auŋ sììyà wo faniuŋ nɔɔ̀ŋ kɔɔ.

Nyɛ̀nɛ̀ŋ 9:5

Wo Sɔɔ̀ naŋ dawè wààŋ, “Ɓòò nàŋ yààùm, Kanaà?” Yèè ke mìèɛ naŋ woò wààŋ, “Miàŋ nàŋ yaà wo Jisɛ̀, wo yèɔ mùŋ yaà nìmila sùà wɔ.”

Luùm 11:22

Nyìmaìŋ kɛ̀ wo Dayà ɓɛ̀nɛ̀ŋ nɔ̀ŋ tɛ̀ɛ̀ ko nɛ̀ɛ̀iŋ niìŋ, yèè wòiŋ ɓɛ̀nɛ̀ŋ kìɛ̀ŋ e keì nyìnga. Wò kiɛ̀ŋ e keì nyìnga koɓɛ̀ anyùùŋ nyaŋ nauŋ fè jɛwɛ nyàŋ, kɛɛ wò nɔ̀ŋ tɛ̀ɛ̀ ko nɛ̀ɛ̀iŋ niìŋ sèè nìŋ jeeà ke nyɛ̀nɛŋ siauŋ nɛɛ̀ŋ sùà. Kɛɛ sèè nìŋ fòuŋ jɛwɛ, wò doiŋ nàŋ gè kùàŋ dìì woiŋ jàà e ɓula nyɛ̀iŋ pɛɛ.

1 Kɔliìŋ 12:12

Wo Jisɛ̀ Kulaì wò yaà mààŋ ke kpùnàŋ guùŋ, ke yèɛ kuwa manɛ̀ŋ è kɔɔ zimgbe lɛ̀, kɛɛ kè yaà nɔŋ ke kpùnàŋ guùŋ kpò, jòòpɛɛ manɛ̀ŋ è kɔɔ nyiŋ màŋ yaà gbàgbà.

1 Kɔliìŋ 4:7

Kiìŋ kai nàŋ yaà e kiium sùà è yaà è gbà? Wo Dayà nààŋ gòum fè è nɛ̀ɛŋ gbiŋ mùŋ kuwa lɛ̀? Sèè è nɔ̀ŋ yɛi, kɛ̀ wèè kiìŋ mùŋ kɛɛ maŋ nyòngà, mààŋ koɓɛ̀i e nɛ̀ɛŋ mùŋ kuwa lɛ̀, e fè è nɛ̀ŋ kìɛ̀ŋ Dayà?

Ɛfesɔ̀ 5:30

Esaɓù kɛ̀ è yààìŋ aŋ bàwibà ke kpùnauŋ nɛɛ̀ŋ sùà.