Nyɛ̀nɛ̀ŋ 9:39 - WƆŊ FƐ̀Ì EBÒ SÌÀŊ DAYÀA

³⁹ Ko fɛɛ̀feìŋ, wo Pììlɛ naŋ yèwè dìì yèè àŋ naŋ kɔ̀. Aŋ felaa nyàŋ naŋ kɔ̀ɔ̀ wo Pììlɛ ko sààŋ fùùiŋ yèè wò nao haì. Aŋ jɔ̀ùnèèdàà zimgbe yaào wa ko gulie. Àŋ nauŋ tɔ̀ɔ̀ maŋ kotì maŋ yaà maŋ dèè kɔɔ gbànaŋ màŋ wo Dɔkà naŋ wa banè maŋ e teengaà wò yaà wɔŋ nyiiŋ gèeɔ̀ sùà lɛ.

Nyɛ̀nɛ̀ŋ 9:39 ပူးပေါင်းရင်းမြစ်များ

Maafiù 17:17

Wo Jisɛ̀ naŋ nyiŋ woò wààŋ, “Kuoo nyɛ̀iŋ nààŋ nyuùŋ gò kùwìè hààwe yèè kpèè naanààŋ nyɛɛ̀ŋ! Kiìŋ è teenga mùnlaŋ mìŋ doiŋ naŋ nɔ̀ŋ e kɔɔ? Kiìŋ è teenga mùŋlaŋ mìŋ do nàŋ kùwò ke jii maŋjɛ̀wɛiŋ? Hìaìŋ kià wo felaajɔaà ko nɛ̀ɛ̀ŋ miìŋ.”

Maafiù 26:11

Anyuùŋ pɔ̀ɔ nyàŋ doiŋ nàŋ nɔ̀ŋ e tɛɛ e teengaà gbiŋ, kɛɛ miàŋ mìŋ naìŋ nɔ̀ŋ è tɛɛ è teengaà gbio sùà.

Luù 24:44

Kpeiŋ wò naŋ nyiŋ woò wààŋ, “Maŋ kèì guùŋ mɛɛ̀ŋ mìŋ naiŋ woò e teengaà mìŋ yààìŋ wa e tɛɛ lɛ̀. Maŋ keì maŋ gbiŋ yaà sìnga miŋ maŋ Sàwà Mòòze màŋ sùà, maŋ fɛ̀ì aŋ wɛ̀ijì nyaŋ sùà, yèè wɔŋ fɛ̀ì Saàaŋ sùà, màŋ kuwa maŋ hɛɛnɛ̀ŋ.”

Jɔ̀ɔŋ 12:8

Anyuùŋ pɔ̀ɔ nyàŋ doiŋ nàŋ nɔ̀ŋ e tɛɛ e teenga gbiŋ, yèè e teenga gbiŋ sèè nìŋ mɔnɔŋ, nàŋ nyiŋ ɓɛ̀nɛ̀ŋ kpùùmaŋ. Kɛɛ miàŋ miŋ naìŋ nɔ̀ŋ è tɛɛ è teengaà gbio sùà.”

Jɔ̀ɔŋ 17:12

E teengaà yàwi nyiŋ yààìŋ wa koɓɛ̀ guùŋ lɛ, mìŋ naŋ nyiŋ wa yɛ̀mɛ̀ diɛŋ e yìwìà e gààaŋ mùŋ naim wa kiɛ̀ŋ lɛ sùà. Mìŋ naŋ nyiŋ wa gbònò koɓɛ̀ guùŋ, yèè wo bà gbiŋ gò wa go, sɔɔ̀ wò guùŋ, wo jɔ̀àfèlàà wo nyùùŋ maŋ kpèè naanààŋ bà wo yèɔ naŋ wa sɔ̀ dèè wèè wo go wɔ̀. Tɛɛ̀ zà naŋ wa kaaìŋ wèè kɛ̀ e nyɛ̀nɛ̀ŋ e yèɛ wɔŋ fɛ̀ì Dayàa naŋ wa woò lɛ e hɛɛnɛ̀ŋ.

Nyɛ̀nɛ̀ŋ 1:13

Nààŋ àŋ naŋ hàì ko jawa gbeeì, àŋ naŋ jòwò ko sààŋ fùùiŋ ko yèi àŋ hewa joo lɛ̀. Aŋ yè nyaŋ yao wa ko fɛɛ̀feìŋ nyaŋ nàŋ yaà, wo Pììlɛ, wo Jɔ̀ɔŋ, wo Jìiiŋ yèè wo Anɗù, wo Felè yèè wo Tàmaŋ, wo Bàtolomiò yèè wo Maafiù, wo Jìiiŋ wo jɔ̀àfèlàà Afiɔ̀ɔ yèè wo Saimɔ̀ŋ wo yèɔ manaŋ e kìlà wò toomàŋ e tɔ̀ɔ̀nyaàŋ sùà wèè wɔŋ fuɔuŋ nɔɔ̀ŋ, yaà wo Juɗà wo jɔ̀àfèlàà Jìiɔ̀ŋ.

Nyɛ̀nɛ̀ŋ 20:35

Kàiŋ tɔ̀ɔ̀ maŋ keì nyɛ̀nɛŋ màŋ gbiŋ sùà kɛ̀ sèè nìŋ tomàŋ nyìnga e ɗewe lɛɛ̀ sùà, nìŋ do nàŋ kpùùmò wo yèɔ yaà e zɔ̀kpɔ̀ sùà wɔ. Jàaìŋ jii, maŋ mìè maŋ wo Kanaà Jisɛ̀ wuŋ bi naŋ wa woò maŋ wààŋ, ‘E zɔlɔ̀ zimgbe doum nàŋ nɔ̀ŋ sèè mùŋ kiɛ̀ŋ wo nyùùŋ, e nìàŋ sèè wo nyùùŋ woum kiɛ̀ŋ.’ ”

Nyɛ̀nɛ̀ŋ 6:1

Nààŋ e teenga bà naŋ mààŋ, ke gbòò anyùùŋ màŋjɛ̀wɛ̀ nyaŋ naŋ kùùnò dɛ̀kɛ̀ sùà. Aŋ bà nyiŋ yewe wa maŋ fuɔŋ joo e kìlà e Guliì mie nɔŋ àŋ hewa gbòà, kɛɛ aŋ zimgbe nyiŋ hewa jòò wɔŋ fùɔ̀ŋ Ezɔ̀ɛ̀ɔ sùà e kìlà àŋ hewa gbòà e Hiɓulù mie. Aŋ yè nyaŋ gboo wa e Guliì mieɛ̀ nyaŋ, naŋ kìɛ̀ŋ e zàwè aŋ yè nyaŋ gboo e Hiɓulù mieɛ̀ nyaŋ, koɓɛ̀ aŋ keela tàeɗùù nyaŋ. Aŋ Juùù gbòà Guliì mie nyàŋ naŋ woò nyààŋ aŋ Hiɓulù nyuuŋ nyàŋ gboo wɔŋ kàìŋ nyiŋ biɔ̀ nyaŋ yaà wa nyìnìè e kèì fɛɛ̀ nìngè koɓɛ̀ aŋ jɔ̀ùnèèdàà nyiŋ nyàŋ e kèè e tòmò nɛɛnɛŋ gòònoɛ̀ sùà ke ɗɔɔ gbiŋ.

Nyɛ̀nɛ̀ŋ 8:2

Anyuùŋ zòòlò Dayà bà naŋ wa sìè wo Siiwììŋ, àŋ yaà ke nyowo sùà àŋ golo weèuŋ.

Nyɛ̀nɛ̀ŋ 9:41

Wo Pììlɛ nauŋ kùwò kùàŋ wouŋ kpuumàŋ wo yèwà dìì wo sie. Wò naŋ nyààŋ aŋ jɔ̀ùnèèdàà nyaŋ yèè anyuùŋ hààwe gbànaŋ nyàŋ ko saaìŋ yèè wò naŋ nyiŋ kìɛ̀ŋ wo Dɔkà wɔŋ nyiiŋ gèe sùà.

2 Kɔliìŋ 8:12

Sèè e wùànàŋ e kìɛŋ è nɔ̀ìŋ, wo Dayà do nàŋ jàà e kìɛiŋ nɛ̀ kùàŋ dìì e yìwìà e yèɛ nìŋ kuwa wèè naŋ kiɛ̀ŋ lɛ sùà, e fè wèè è yèɛ fèìŋ sìwè lɛ.

Ɛfesɔ̀ 4:28

Sèè mùŋ nɔ̀ŋ wo nyuùŋ wùa, gè kùàŋ e kèè wùa sùà, muŋ tomo nyìnga wèè muŋ kàmè e nɛ̀ŋ wèè muàŋ bi e ɓɛ̀ɛ̀jàa sùà, e kìlà muŋ ɓɛnɛ̀ŋ wèè maŋ nyɛ̀nɛ̀ŋ e keì sìàŋ, koɓɛ̀ anyùùŋ nyaŋ kuwà è nɛ̀ŋ bà nyaŋ.

1Tɛsè 1:3

Esaɓù kɛ̀ èiŋ jàà jii ko fɛ̀ɛ̀fèìŋ Dayà wo Dèdaà wiɔ̀ e ɗeweɛ̀ nìŋ naŋ gbìɛ̀ŋ e hààweiŋ nɛ̀ e gbèe maŋjɛ̀wɛ yèè eɗewɛ̀ e mànaiŋ nɛ̀ naŋ nyɛ̀nɛ̀ŋ nìŋ naŋ tomo nyìnga, e kìlà e ɗeweɛ̀ ke jii tùliaiŋ nɛɛ̀ŋ wo Kana wiɔ̀ Jisɛ̀ Kulaì sùà naŋ nyìngè sùà lɛ.

1Tɛsè 4:13

Nyɛ̀iŋ nààŋ wùìya wi nyàŋ, è manaŋ wèè naŋ nyìmàŋ e tɔɔɓaà nyaàiŋ dè anyùùŋ nyaŋ naŋ fɔ̀ nyaŋ, wèè ke nyowo goiŋ nàŋ nɔ̀ŋ nyinie mààŋ ànyuùŋ gò kùwìè kè jii tùlia.

1Time 5:3

Tɔ̀ɔ̀ e ɓɛ̀ɛ̀jàa koɓɛ̀ aŋ jɔ̀ùnèèdàà nyaŋ yaà kùàŋ nyiìŋ bi nyàŋ.

1Time 5:5

Wo jɔ̀ùŋèèdààa yaà wèè wuŋ bi wɔ̀, wo yèɔ kuwà nyuùŋ kpùùmauŋ wɔ̀, wò naŋ sìè ke jii tùliauŋ nɛɛ̀ŋ wo Dayà sùà yèè wò do nàŋ nɔ̀ŋ zoolo keleiŋ wò yaà dààwè Dayà wèè è kpùùmaŋ e dùùm yaà maŋ gɔɛ.

1Jɔ̀ɔŋ 3:18

Nyɛ̀iŋ nààŋ jɔ̀àim nyàŋ, nìŋ tɔɔ̀ e mànaŋ wèè aŋ dàwi sèè nìŋ kpuumàŋ nyìŋ e tɔ̀ɔ̀nyaàŋ sùà, kɛɛ e fè nɔŋ wèè naŋ niŋ wòò kò nyààŋ.