Nyɛ̀nɛ̀ŋ 9:36 - WƆŊ FƐ̀Ì EBÒ SÌÀŊ DAYÀA

³⁶ Wo nìe kɛ̀ɛ̀nɛ̀ŋ hààwe bà yaò wa àŋ nyaaŋ wo Tàbità. E Guliì deeuŋ nɛ̀ nàŋ yaà wa wo Dɔkà. Wò hewa jòò ko jawa bà àŋ nyaaŋ ko Jɔpà. Wo nìe wɛɛ̀ hewa nyìnìàŋ anyùùŋ e keì sìàŋ e tèèngà nyiiŋ geuŋ nɔɔ̀ŋ gbiŋ sùà yèè wò kpuumàŋ wa anyuùŋ pɔ̀ɔ nyàŋ zimgbe.

Nyɛ̀nɛ̀ŋ 9:36 ပူးပေါင်းရင်းမြစ်များ

Maafiù 25:17

Wo ɓɔìjɔ̀àa naŋ wa yɛ̀mɛ̀ e tààsùùŋ tìyèeɛ̀ wɔ naŋ nyɛ̀nɛ̀ŋ e kèì guùŋ nɛ, yèè wò naŋ yɛ̀mɛ̀ e tààsùùŋ tìyèe e nɛɛnɛuŋ nɛ̀ diɛŋ.

Jɔ̀ɔŋ 15:5

“Miàŋ nàŋ yaà mààŋ ke kuùkpù gbeeɛ̀, nyɛ̀iŋ nàŋ ya maŋ kuù kpee màŋ. Anyùùŋ nyaŋ gbiŋ nyiniàm wɔŋ nyiiŋ gèe nyiŋ nɔɔ̀ŋ ko sùà nyaŋ, miàŋ pɛɛ mìŋ do nyiŋ nàŋ nyìnìè wɔŋ nyiiŋ gèe miɔ̀ŋ ko sùà. Anyùùŋ nyiiŋ do nàŋ kɛ̀ɛ̀nɛ̀ŋ e hààya zimgbe, esaɓù kɛ̀ aŋ fè ɓɛ̀nɛ̀ŋ nyɛ̀nɛ̀ŋ è keì kɛnɛ gbiŋ èɓìèmàŋjɛ̀wɛ̀ miàŋ.

Jɔ̀ɔŋ 15:8

Sèè naŋ nyɛ̀nɛ̀ŋ e yèɛ mìŋ naiŋ woò wèè naŋ nyɛ̀nɛ̀ŋ lɛ, kɛ̀ e ɗewe lɛɛ̀ sùà nàŋ tɔɔ̀ kɛ̀ nyɛ̀iŋ nàŋ yaà anyùùŋ màŋjɛ̀wɛ̀im nyàŋ yèè e hìàŋ e jòòwo koɓɛ̀ wo Dèda miɔ̀ŋ.

Nyɛ̀nɛ̀ŋ 10:23

Wo Pììlɛ naŋ jɔ̀ɔ̀yɛ̀ aŋ wùìya nyɛɛ̀ŋ ko saaìŋ, yèè wò naŋ nyiŋ woò wààŋ aŋ jàwà wèè wɔŋ dùmɔ̀ɔŋ. Wɔŋ niìsìaà ke ɗɔɔɛ̀ bàa, wo Pììlɛ yèè anyùùŋ màŋjɛ̀wɛ̀ wo Kanaà Jisɛ̀ nyaŋ bà ko Jɔpà naŋ dè aŋ felaa nyàŋ naŋ yèwè ko gbòò Kɔ̀nilìɔ̀ nyaŋ maŋjɛ̀wɛ yèè àŋ naŋ kɔ̀.

Nyɛ̀nɛ̀ŋ 10:31

yèè wò naim woò wààŋ, ‘Kɔ̀nilìɔ̀! Wo Dayà jàà e zòòlo mɔ̀ɛ̀ yèè manɛ̀ŋ kìɛŋ zimgbeum màŋ kùàŋ dèè koɓɛ̀ anyuùŋ pɔ̀ɔ nyàŋ.

Nyɛ̀nɛ̀ŋ 10:8

Wò naŋ nyiŋ wòò e keìɛ naŋ kaaìŋ lɛ yèè wò naŋ nyiŋ tùɔ̀ŋ ko Jɔpà.

Nyɛ̀nɛ̀ŋ 11:13

Wò naŋ wi wòò e ɗeweɛ̀ wò naŋ yɛ̀mɛ̀ wo màikà wò sia ko saauŋ niìŋ. Wo màikàa nauŋ woò wààŋ wo tùàŋ anyùùŋ bà ko Jɔpà wèè wo felaa bà àŋ nyaaŋ wo Saimɔ̀ŋ Piilɛ̀.

Nyɛ̀nɛ̀ŋ 11:5

Wò naŋ nyiŋ woò wààŋ, “E teengaà mìŋ yaà dài ko jawaì àŋ nyaaŋ Jɔpà ko zòòlò Dayà lɛ, mìŋ naŋ gò e gɔa yèè mìŋ naŋ yɛ̀mɛ̀ e nɛ̀ŋ bà mààŋ wɔŋ deè fàà gbee, wɔ̀ŋ yaà dèyà sùà e yìwìà ko àìjɛnɛ̀ŋ e teenè mààŋ anyùùŋ bà kùwà wuùŋ maŋ gènè tiinàŋ maŋ, wɔ̀ŋ naŋ hàì koɓɛ̀i mìŋ yaà lɛ yèè wɔ̀ŋ naŋ jɛi gìli.

Nyɛ̀nɛ̀ŋ 9:38

Ko Jɔpà gò wa diidìì e yìwìà kò Leɗià. Yèè nààŋ anyuùŋ hààwe nyàŋ ko Jɔpà naŋ wa kòmò kɛ̀ wo Pììlɛ yaà wa ko Leɗià, àŋ naŋ wa tùɔ̀ŋ aŋ fèlàà tìyèe ko nɛ̀ɛ̀uŋ niìŋ wèè auŋ pɔwɔ̀ nyààŋ, “Kɔ̀nɛɛ̀ŋ, hnaàŋ ko nɛ̀ɛ̀ŋ wiì fiò.”

Nyɛ̀nɛ̀ŋ 9:42

Ebò keì lɛɛ̀ naŋ ɓààyè maŋ tàta màŋ gbiŋ sùà ko Jɔpà, yèè è naŋ wa nyɛ̀nɛ̀ŋ anyuùŋ zimgbe naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Ɛfesɔ̀ 2:10

Wo Dayà manaŋ wèè eiŋ nyɛ̀nɛ̀ŋ maŋ keì sìàŋ, yèè eiŋ nɔ̀ŋ maŋ nyiiŋ gèe wi màŋ sùà e ɗewe kiiɛ̀ wò manaŋ lɛ̀ e teenga gbiŋ. Esaɓùɛ lɛɛ̀ wò naŋ tùɔ̀ŋ wo Jisɛ̀ Kulaì wèè wo wi nyɛ̀nɛ̀ŋ màànààŋ è yààìŋ aŋ bàwibà Jisɛ̀ Kulaì sùà lɛ, wò naŋ wi banè wèè eiŋ kùwìè wɔŋ nyììŋ gèe maŋ kpèè siaŋ, maŋ yè maŋ wò naŋ naàŋ banè tɛ wèè eiŋ miŋ nyɛ̀nɛ̀ŋ maŋ.

Fèle 1:11

Maŋ nyiiŋ gèeiŋ màŋ do nàŋ dìè maŋ kèì tɔ̀ɔ̀nyaàŋ kɛnɛ, maŋ yè maŋ wo Jisɛ̀ Kulaì doiŋ nàŋ kpuumò wèè naŋ nyɛ̀nɛ̀ŋ, wèè e jòòwò yèè e tɛ̀nɛŋ koɓɛ̀ Dayài.

Kòlo 1:10

kɛ̀ nìŋ do nàŋ ɓɛnɛ̀ŋ wèè naŋ nyɛ̀nɛ̀ŋ wɔŋ nyiiŋ gèeiŋ nɔɔ̀ŋ e ɗeweɛ̀ wo Kanaà manaŋ lɛ̀, e kìlà e teenga gbiŋ nìŋ do nàŋ nyɛ̀nɛ̀ŋ e yèɛ wò manaŋ lɛ̀. Nìŋ do nàŋ nyɛ̀nɛ̀ŋ e keì sìàŋ maŋ nyiiŋ gèeiŋ màŋ sùà, e kìlà e jiikɛ̀ɛ̀iŋ nɛ̀ wèè naŋ nyìmàŋ wo Dayà tɛ̀ɛ̀ do nàŋ dɛ̀kɛ̀ sùà.

1Tɛsè 4:10

yèè kòò nìŋ yaà nyìnìè maŋ kpèè mɛɛ̀ŋ koɓɛ̀ anyuùŋ hààwe nyàŋ gbiŋ maŋ kpàlàùŋ kpàlàùŋ maŋ gbiŋ sùà wɔŋ fàà ko Mɛ̀sèdonià. E wèètii nyɛ̀iŋ nààŋ wùìya wi nyàŋ, è yààìŋ dàwe sùà wèè naŋ nyɛ̀nɛ̀ŋ zimgbe e tii nìàŋ.

1Time 5:10

yèè wo nɔ̀ŋ wo nyùnɔ̀ɔŋ àŋ gboo tɛ̀ɛ̀ e nyaàiŋ euŋ dè wèè ke kpèè siaŋ wɔ̀. Wo nɔ̀ŋ wo jɔunɔ̀ɔŋ wo yèɔ naŋ gè aŋ jɔ̀àuŋ nyàŋ dìì tɛ̀ɛ̀ wɔ, wo yèɔ naŋ jàà aŋ nyùnèènyɛiŋ kùàŋ dìì ko gboo noo wɔ̀, wo nɔ̀ŋ nyùnɔ̀ɔŋ deeyà wuŋ bi e tòmò nɛɛmaŋ sùà wèè anyuùŋ hààwe joo wɔ̀, wo kpuumàŋ anyùùŋ nyaŋ yaà maŋ keì nyìnga sùà nyaŋ, yèè wò naŋ gbìɛ̀ŋ ke nyɛ̀nɛ̀uŋ nɛɛ̀ŋ gbiŋ e keì sìàŋ nyɛ̀nɛŋ maŋjɛ̀wɛ wɔ̀.

Taitɔ̀ 2:14

Wò naŋ fè wuŋ bi wèè yàwi, yèè wo naŋ wi bilɛ̀ŋ e yìwìà maŋ keì naanààŋ gbiŋ sùà, e kìlà wò naŋ wi nyɛ̀nɛ̀ŋ eiŋ nɔ̀ŋ anyuùŋ zɛ̀nɛŋ, aŋ yè nyaŋ wuŋ guùŋ kpò kanaŋ yèè àŋ naŋ haamìŋ wèè e keì sìàŋ nyɛ̀nɛŋ nyàŋ.

Taitɔ̀ 2:7

E gbio sùà, muàŋ bi nɔ̀ŋ e tɔ̀ɔ̀màŋsèì maŋ kpèè siaŋ. Mùŋ kuwa maŋ jilɛ̀ŋ, e kìlà maŋ sìà ke di e kàa mɔ̀ɛ̀ sùà.

Taitɔ̀ 3:8

E keì wòo lɛɛ̀ è yaà e tɔɔɓaa. Maŋ kàa mɛɛ̀ŋ, màŋ tomàŋ yèè màŋ kuwa e kpùùmaŋ wèè nyùùŋ gbiŋ. Mìŋ manaŋ wèè maŋ nɔ̀ŋ wòò maŋ keì mɛɛ̀ŋ mìŋ naŋ yaà wòò e kii miŋ màŋ nyìnga, yèè maŋ yɛmɛ̀ kɛ̀ anyùùŋ nyaŋ àŋ miŋ dè maŋjɛ̀wɛ, e wèè anyùùŋ nyaŋ naŋ hààwè Dayà nyaŋ aiŋ nyɛ̀nɛ̀ŋ e kpàŋ è kɔɔ nyiŋ, wèè aŋ nyɛ̀nɛ̀ŋ maŋ keì sìàŋ.

Jìiiŋ 1:27

Wo Dayà wo Dèda wiɔ̀, wo nyùnɔ̀ɔŋ wò naŋ jàà kùàŋ dìì wèè wo nɔ̀ŋ wo nyuùŋ zòòlò tɔ̀ɔ̀nyaàŋ wɔ, yèè wò yaà zɛ̀nɛuŋ e tɔ̀mɛ fèeùŋ wɔ̀, mɛɛ̀ŋ nàŋ yaà maŋ keì maŋ wò kuwa wo nyɛ̀nɛ̀ŋ maŋ, wèè wo kìɛ̀ŋ e kpùùmaŋ koɓɛ̀ aŋ jɔ̀à è dàà nyaŋ yaà aŋ jɔ̀ùŋnèèdàà nyaŋ, e teengaà àŋ yaà e keì nyìnga nyiŋ nɛ̀ sùà lɛ, e kìlà wo yɛmɛ̀ wuŋ bi diɛŋ wèè wo go nàŋ nyɛ̀nɛ̀ŋ màŋ keì nàànààŋ ɗuunyaŋ màŋ.