Nyɛ̀nɛ̀ŋ 9:35 - WƆŊ FƐ̀Ì EBÒ SÌÀŊ DAYÀA

³⁵ Anyùùŋ nyaŋ zimgbe nyiŋ hewa jòò ko Leɗià yèè ko Sàlɔɔ̀ŋ nyaŋ naŋ yɛ̀mɛ̀ wo Enià, yèè àŋ naŋ wa kìlè koɓɛ̀ wo Kanaà Jisɛ̀.

Nyɛ̀nɛ̀ŋ 9:35 ပူးပေါင်းရင်းမြစ်များ

Nyɛ̀nɛ̀ŋ 11:21

E gààŋ Kanaà yaà nyiìŋ wa maŋjɛ̀wɛ, yèè anyuùŋ zimgbe naŋ wa kìlè koɓɛ̀ wo Kanaà yèè àŋ nauŋ sìè e hààwe sùà.

Nyɛ̀nɛ̀ŋ 15:19

Wo Jìiiŋ naŋ ɓɛìŋ woò wààŋ, “Weètii wùìyaim nyàŋ, miŋ gò gongò kɛ̀ è yaà tɛ̀ɛ̀ wèè eiŋ mɔ̀ɔ̀nɛ̀ŋ anyùùŋ nyaŋ fè àŋ Juùù nyaŋ, nààŋ àŋ yaà kìlà sùà kòɓɛ̀ Dayài lɛ̀.

Nyɛ̀nɛ̀ŋ 19:10

Wo Pɔɔ̀ naŋ wa kɔ̀ɔ̀ ke nyɛ̀nɛŋ yɛɛ̀ feìŋ wèè maŋ dòà tìyèe, e jèèsùà aŋ Juùù nyaŋ gbiŋ yèè anyùùŋ nyaŋ fè àŋ Juùù nyaŋ maŋ kpàlàùŋ kpàlàùŋ Eesìà maŋ sùà aŋ kòmàŋ ke mìè gbìàŋ wo Kanaà Dayà.

Nyɛ̀nɛ̀ŋ 19:20

Kpeiŋ ke mìè Kanaà Dayà naŋ wa ɓaayè yèè kè naŋ ngèè ɓɛìŋ kɛ̀ɛ̀nɛ̀ŋ gààŋ e nìàŋ e gɔuɛ̀.

Nyɛ̀nɛ̀ŋ 2:47

àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

Nyɛ̀nɛ̀ŋ 4:4

Kɛɛ anyùùŋ nyaŋ zimgbe nyiŋ naŋ wa kòmò ke miè gbìaàŋ nyaŋ naŋ wa kùwìè hààwe. Yèè anyùùŋ nyaŋ ke gbòò anyuùŋ hààwe nyàŋ sùà naŋ wa dɛ̀kɛ̀ sùà ke nɔ̀ŋ e sɔ̀ngɔ̀ anyuùŋ tààsùùŋ nɔɔnɔŋ (5,000.)

Nyɛ̀nɛ̀ŋ 6:7

Kpeiŋ ke mìè Kanaà Dayà naŋ wa ɓaayè. Ke gbòò anyuùŋ hààwe nyàŋ ko Jùlusɛ̀làm naŋ wa dɛ̀kɛ̀ sùà gbee, e kìlà ke gbòò aŋ sìèfèìŋ zòòlo zimgbe naŋ wa jàà e hààweɛ̀ kùàŋ dìì.

Nyɛ̀nɛ̀ŋ 9:34

Wo Pììlɛ nauŋ woò wààŋ, “Enià, wo Jisɛ̀ Kulaì wòum sùngà; yewà dìì yèè muŋ banè ko gbùmaŋ muìŋ.” Ko fɛɛ̀feìŋ wo Enià naŋ yèwè dìì.

Nyɛ̀nɛ̀ŋ 9:42

Ebò keì lɛɛ̀ naŋ ɓààyè maŋ tàta màŋ gbiŋ sùà ko Jɔpà, yèè è naŋ wa nyɛ̀nɛ̀ŋ anyuùŋ zimgbe naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

2 Kɔliìŋ 3:16

Kɛɛ wɔŋ dèè bi folo nyùùŋ jii diɛŋ, màànààŋ wɔŋ fɛ̀ì Dayàa naŋ woò nyaàiŋ dè Mòòze lɛ̀. “Wɔŋ dèèɔ folo ke jìì nyùùŋ diɛŋ sèè wò kile koɓɛ̀ Kanaà.”