Nyɛ̀nɛ̀ŋ 9:27 - WƆŊ FƐ̀Ì EBÒ SÌÀŊ DAYÀA

²⁷ Kɛɛ wo Bànaŋɓà nauŋ wa ɓemè, yèè wò nauŋ hìɛ̀ŋ koɓɛ̀ aŋ keela tàeɗùù nyaŋ. Wò naŋ nyiŋ kìɛ̀ŋ ke jii gbài e nyaàiŋ dè e ɗeweɛ̀ wo Sɔɔ̀, ke dòmàŋ kààìuŋ nɛɛ̀ŋ diɛŋ wò naŋ yɛ̀mɛ̀ wo Kanaà Jisɛ̀, yèè wo Kanaà nauŋ gbòò kɔɔ. Yèè wo Bànaŋɓà naŋ nyiŋ ɓɛìŋ woò kɛ̀ e teengaà wo Sɔɔ̀ yaà ko Dàmakɔ̀ lɛ, wò naŋ gbòò janyai e dèè Jisɛ̀ɛ diɛŋ.

Nyɛ̀nɛ̀ŋ 9:27 ပူးပေါင်းရင်းမြစ်များ

Nyɛ̀nɛ̀ŋ 11:22

Ebò keì lɛɛ̀ naŋ hàì koɓɛ̀ anyuùŋ hààwe nyàŋ ko Jùlusɛ̀làm. Yèè àŋ naŋ tùɔ̀ŋ wo Bànaŋɓà ko Aŋtiɔ̀.

Nyɛ̀nɛ̀ŋ 11:25

Yèè wo Bànaŋɓà naŋ kɔ̀ ko Tasɔ̀ ko kààmè wo Sɔɔ̀.

Nyɛ̀nɛ̀ŋ 12:25

Yèè nààŋ wo Bànaŋɓà yaà wo Sɔɔ̀ naŋ wa kpɛ̀ɛ̀yɛ̀ e tòmoɛ̀ àŋ naŋ wa kɔ̀ nyinie lɛ̀, àŋ naŋ kɛ̀ɛ̀ maŋjɛ̀wɛ ko Jùlusɛ̀làm. Àŋ naŋ wa kɔ̀ɔ̀ wo Jɔ̀ɔŋ, wo yèɔ àŋ nyaaŋ wo Mài wɔ̀ maŋjɛ̀wɛ nyiŋ.

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 15:2

E keì bi naŋ wa hìɛ̀ŋ e nyaàntàaŋ wo Pɔɔ̀ yèè wo Bànaŋɓà fèemàŋ. Kpeiŋ àŋ naŋ wa tà wo Pɔɔ̀ yèè wo Bànaŋɓà ɗùù e kpùlìà anyùùŋ bà e yìwìà ko Aŋtiɔ̀ wèè aŋ ka ko Jùlusɛ̀làm aŋ kiɛ̀ŋ ke jii gbài koɓɛ̀ aŋ keela nyàŋ yèè aŋ màmànkùmɛ̀ŋ anyuùŋ hààwe nyàŋ e nyaàiŋ dè e keì lɛɛ̀.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 4:29

Weètii Kanaà, kùmiàŋ e yèɛ àŋ wòà lɛ yèè e kèè e nànàaŋ àŋ manaŋ aŋ wi jàà lɛ, yèè muŋ gè wi, aŋ ɓɔìjɔ̀àuŋ nyàŋ, nyààŋ diɛŋ, e jùù ɓɔ̀ è nyɛ̀nɛ̀ŋ wi wèè eiŋ wòò ke miè gbìaŋ mɔɛ̀ŋ janyai.

Nyɛ̀nɛ̀ŋ 4:36

Kpeiŋ wo Jòòsɛ, wo Liivaà nyuuŋ e yìwìà ko Sapulɔ̀, wo yèɔ aŋ keela nyaŋ hewa nyààŋ wo Bànaŋɓà wɔ, naŋ wa mààŋ wɔŋ ɓùuŋ nɔɔ̀ŋ, yèè wò naŋ hìɛ̀ŋ e nɛɛnɛɛ̀ŋ, wo niŋ kìlà koɓɛ̀ aŋ keela nyàŋ. (E fàsàì e dèè Bànaŋɓà nàŋ yaà “Wo yèɔ kiɛ̀ŋ ke jii nyingè diɛŋ wɔ̀.”)

Nyɛ̀nɛ̀ŋ 9:17

Wo Ananaayà naŋ kɔ̀ yèè wò naŋ jɔ̀ ko saaìŋ wo Sɔɔ̀ yaà wa lɛ̀, yèè wò nauŋ gbùwò maŋ kuàuŋ màŋ diɛŋ wò nauŋ woò wààŋ, “Wùìya miɔ̀ŋ Sɔɔ̀, wo Kanaà Jisɛ̀ naim tùɔ̀ŋ ko nɛ̀ɛ̀ŋ muìŋ, wo nyùùŋ gunɔ̀ɔŋ naum fòlò feìŋ ko dòmaìŋ nààŋ mùŋ yaà weè kià hinie lɛ̀. Wò naim tùɔ̀ŋ wèè maŋ ɓɛìŋ yɛ̀mɛ̀ dìì yèè wèè wo Jìnàŋ Nɛɛmaàŋ woum sɛ̀ɛ̀ ko sùà.”

Nyɛ̀nɛ̀ŋ 9:29

Wo Sɔɔ̀ hewa gbòà janyai e dèè Kanaà sùà. Wuŋ yèè aŋ Juùù gbòà Guliì mie nyàŋ hewa kpaane kpàànè, yèè àŋ naŋ kàmè ɗewe wèè auŋ jìwà.

1 Kɔliìŋ 15:8

Ko diemeì, wò naim fòlò feìŋ jòòpɛɛ mìŋ yaà mààŋ wo nyùnɔ̀ɔŋ yèɔ aŋ gò wa kùmìàŋ e teenga diɛŋ wɔ̀.

1 Kɔliìŋ 9:6

Ɔ̀ɔ̀ yàwi Bànaŋɓà nɔŋ nààŋ kuwà è tɔ̀ɔ̀nyaàŋ wèè e gè kùàŋ kèè nɛ̀ŋ kàme sùà wèè e kpùùmàŋ yàwi bi?

Gàla 2:13

Aŋ Juùù hààwe gbànaŋ nyàŋ, naŋ wa tɔ̀ɔ̀tù maŋ kpèè naanààŋ nyɛ̀nɛŋ mààŋ anyuùŋ jàà fɛ̀ɛ̀ keì. Yèè e jùù naŋ nyɛ̀nɛ̀ŋ wo Bànaŋɓà wèè wo gììyà maŋ kpèè naanààŋ nyiŋ màŋ maŋhɛɛ.

Gàla 2:9

Wo Jìiiŋ, wo Pììlɛ, yàà wo Jɔ̀ɔŋ, aŋ yè nyaŋ yaà wa mààŋ aŋ sìèfeìŋ ke gbòò anyuùŋ hààwe nyàŋ, naŋ wa nyìmè kɛ̀ wo Dayà naŋ wi kìɛ̀ŋ e dɛ̀ɛ̀kɛ titi lɛɛ̀, yèè àŋ naŋ wi hɔ̀ɔ̀ kùàŋ sìwè yàwi Bànaŋɓà, wèè e tɔɔ̀ kɛ̀ yàwi nààŋ gbiŋ è yààìŋ anyùùŋ guùŋ. Yàwi Bànaŋɓà naŋ wa nyimèè wèè e tòòmò anyùùŋ nyaŋ fè àŋ Juùù nyaŋ tɛɛ e kìlà anyuùŋ gbànaŋ nyàŋ aŋ tòòmò aŋ Juùù jàà kpùa nyaŋ tɛɛ.