Nyɛ̀nɛ̀ŋ 9:23 - WƆŊ FƐ̀Ì EBÒ SÌÀŊ DAYÀA

²³ Maŋ ɗɔɔ zimgbe naŋ mààŋ, yèè aŋ Juùù nyaŋ naŋ ɗewè wèè aŋ jìwà wo Sɔɔ̀,

Nyɛ̀nɛ̀ŋ 9:23 ပူးပေါင်းရင်းမြစ်များ

Nyɛ̀nɛ̀ŋ 13:50

Kɛɛ anyùùŋ gbèègbèè aŋ Juùù nyaŋ naŋ kɔ̀ koɓɛ̀ aŋ kpàkòò ɓììɓìì nyaŋ bà ko jawaì yèè aŋ jɔùŋ kɛ̀ɛ̀nɛ̀ŋ ɓɛ̀ɛ̀jàa nyàŋ bà aŋ yè nyaŋ fè àŋ Juùù nyaŋ kɛɛ àŋ zoolà Dayà nyaŋ, yèè àŋ naŋ nyiŋ nyɛ̀nɛ̀ŋ aŋ kɛ̀ɛ̀nɛ̀ŋ maŋ jii fiìì wèè wo Pɔɔ̀ yèè wo Bànaŋɓà, yèè aŋ naŋ nyiŋ nimilà, e nɔ̀ŋ esaɓù aŋ nyiŋ nyìmàŋ aŋ nyiŋ gè maŋ tàta miiŋ wɔŋ fuɔɔ̀ŋ sùà.

Nyɛ̀nɛ̀ŋ 14:19

Aŋ Juùù nyaŋ bà nyiŋ naŋ wa hnè e yìwìà ko Aŋtiɔ̀ wɔŋ fùɔ̀ŋ Pɛ̀siidìàa yèè e yìwìà ko Ìkɔniɔ̀ŋ yèè àŋ naŋ nyɛ̀nɛ̀ŋ anyùùŋ nyaŋ aŋ kɛ̀ɛ̀nɛ̀ŋ maŋ jii fiiì wèè wo Pɔɔ̀. Àŋ naŋ wa hɔ̀wɔ̀ wo Pɔɔ̀ le dùò yèè auŋ gɔ̀ɛ̀ɛ̀ dìì auŋ gè ko jawa gbeeì, yèè àŋ naŋ wa gongò kɛ̀ wò fà.

Nyɛ̀nɛ̀ŋ 14:2

Kɛɛ aŋ Juùù nyaŋ yè nyaŋ kuwà wa e hààwe wò Kanaà Jisɛ̀ sùà nyaŋ naŋ wa nyɛ̀ŋɛ̀ŋ anyùùŋ nyaŋ fè àŋ Juùù nyaŋ aŋ kɛ̀ɛ̀nɛ̀ŋ maŋ jii fiiì wèè anyuùŋ hààwe nyàŋ.

Nyɛ̀nɛ̀ŋ 15:26

Anyùùŋ nyɛɛ̀ŋ naŋ jàà maŋ nyiiŋ nyiŋ màŋ e mìilì diɛŋ wèè wo Kana wiɔ̀ Jisɛ̀ Kulaì.

Nyɛ̀nɛ̀ŋ 20:3

yèè wò nao nɔ̀ŋ wèè maŋ wàà taai. Wo Pɔɔ̀ yaà wa bànèbane sùà wèè wo ka ko Siilià. Kɛɛ wò naŋ wa kòmò kɛ̀ anyùùŋ gbèègbèè aŋ Juùù nyaŋ bà naŋ jɔ̀ ke gbùnu sùà wèè auŋ jàà e keì naanààŋ, yèè wò naŋ ɗewè wèè wo kɛ̀ɛ̀ maŋjɛ̀wɛ, kɛɛ wò naŋ wa kɔ̀ɛ̀ ko Mɛ̀sèdonià.

Nyɛ̀nɛ̀ŋ 23:12

Maŋ nyiìŋ tɛ̀tɛ̀ wɔŋ niìsìaà bàa, aŋ Juùù nyaŋ naŋ deenè yèè àŋ naŋ ɗewè e gbòòno diɛŋ kɛ̀, aŋ naàŋ jènɛ̀ŋ ɔ̀ɔ̀ aŋ tìà e jèèsùà aŋ jìwà wo Pɔɔ̀.

Nyɛ̀nɛ̀ŋ 9:16

Kɛɛ miàŋ bi douŋ nàŋ tɔ̀ɔ kɛ̀ kiìŋ è keì nyìnga wò do nàŋ kɔ̀ɛ̀ sùà wèè esàɓù e deè mɛ̀.”

Nyɛ̀nɛ̀ŋ 9:22

Wo Sɔɔ̀ naŋ wa gbùùyè e gaàŋ gbee sùà ko Dàmakɔ̀, nààŋ wò naŋ wa tɔɔ̀ janyai kɛ̀ wo Jisɛ̀ nàŋ yaà wo yèɔ wo Dayà naŋ tàeɗùù wèè wo jòèyè anyùùŋ nyaŋ gbiŋ e ɗùùnyaàŋ wɔ, yèè aŋ Juùù nyaŋ ko Dàmakɔ̀ gò niŋ wa ɓɛ̀nɛ̀ŋ gììyà màŋhɛɛ.

2 Kɔliìŋ 11:26

Yèè maŋ kààiŋ zimgbe màŋ miŋ naŋ kaaìŋ màŋ sùà, mìŋ naŋ kɔ̀ɛ̀ e kèì nyìngà wuiyè jòwa yèè anyuùŋ wùa dìì, yèè mìŋ naiŋ kɔ̀ɛ̀ dìì e yìwìà anyùùŋ miàŋ bi nyàŋ sìwè yèè e yìwìà anyùùŋ nyaŋ fè àŋ Juùù nyaŋ sìwè. Maŋ kèì fɛɛ̀ nyùwò naŋ nɔ̀ŋ maŋ jawa gbeegbèè maŋ sùà, maŋ kèì fɛɛ̀ nyùwò naŋ nɔ̀ŋ maŋ keì gɔ̀àgɔ̀à sùà maŋ sùà, maŋ kèì fɛɛ̀ nyùwò naŋ nɔ̀ŋ maŋ juwo màŋ diɛŋ, yèè maŋ kèì fɛɛ̀ nyùwò naŋ yìwìè aŋ wùìya nyuuŋ tòa sìwè.