Nyɛ̀nɛ̀ŋ 9:21 - WƆŊ FƐ̀Ì EBÒ SÌÀŊ DAYÀA

²¹ È naŋ wa fòònò anyùùŋ nyaŋ gbiŋ nauŋ wa kumiè nyaŋ yèè àŋ naŋ dawè nyààŋ, “Wɛɛ̀ nààŋ fè wò felaaà yaà wa nìmìla sùà ànyùùŋ nyaŋ yaà wa zòòlò sùà è dèè Jisɛ̀ɛ diɛŋ kò Jùlusɛ̀làm wɔ? Yèè e kèì guùŋ bi nààŋ wo gò hnàŋ nyinie, wèè wo nyiŋ kùwà yèè wo nyiŋ kòà koɓɛ̀ wo kànà sìèfèìŋ zòòlo gbeeɔ̀?”

Nyɛ̀nɛ̀ŋ 9:21 ပူးပေါင်းရင်းမြစ်များ

Nyɛ̀nɛ̀ŋ 2:12

E keì bi naŋ nyiŋ wa foonò yèè aŋ gbiŋ naŋ zùwò dìò sùà, e kìlà àŋ naŋ kùùnò dàwè nyiŋ bi e fèemàŋ nyààŋ, “Kiìŋ nàŋ yaà e fàsàì tɛɛ̀?”

Nyɛ̀nɛ̀ŋ 2:6

Nààŋ àŋ naŋ wa kòmò ebò gbɔ̀ɔɔ lɛɛ̀, anyùùŋ nyaŋ gbiŋ naŋ wa gbònò koɓɛ̀ guùŋ. È naŋ wa fòònò anyùùŋ nyaŋ gbiŋ, esaɓù kɛ̀ aŋ gbiŋ naŋ wa kòmò e nɛ̀ɛŋ anyuùŋ hààwe nyàŋ yaà wa woo lɛ̀ maŋ kaìŋ nyiŋ màŋ sùà guùŋ guùŋ.

Nyɛ̀nɛ̀ŋ 3:10

e kìlà nààŋ anyùùŋ nyaŋ nauŋ yɛmɛ̀ yèè àŋ naŋ jààèjii kɛ̀ wuŋ nàŋ jaà wa wɔŋ Gbàngi Siaŋ sìàaŋ yɛmgbɛ̀ ko Saaŋ Zòòlò Dayài ko hɔmɔɔŋ, è naŋ nyiŋ wa foonò yèè e nyiŋ wòà maŋ nyààŋ e nyaàiŋ dè yèɛ naŋ wa kààìŋ wò felaaà lɛ.

Nyɛ̀nɛ̀ŋ 4:13

È naŋ wa fòònò anyùùŋ gbèègbèè fuɔɔ̀ŋ wèè aŋ yɛ̀mɛ̀ wo Pììlɛ yèè wo Jɔ̀ɔŋ aŋ gbòà ko nɛ̀ɛ̀ŋ nyiŋ niìŋ janyai, tiŋ zà kɛ̀ aŋ fèlàà tìyèe nyɛɛ̀ŋ hewa jòò ko vàaì yèè aŋ gò wa kà kò sààŋ fɛi gbèe wèè aŋ gbèè wɔŋ fɛi. Kpeiŋ anyùùŋ gbèègbèè fuɔɔ̀ŋ naŋ ngàà jààèjii kɛ̀ aŋ fèlàà tìyèe nyɛɛ̀ŋ yaà wa wo Jisɛ̀ maŋjɛ̀wɛ.

Nyɛ̀nɛ̀ŋ 7:59

Nààŋ àŋ yaà wa hɔ̀wà sùà wo Siiwììŋ, yɛi nɔŋ wò yaà wa nyààŋ sùà e dèè Kanaà wààŋ, “Kanaà Jisɛ̀, jaà wo jinàŋ miɔ̀ŋ kùàŋ dìì.”

Nyɛ̀nɛ̀ŋ 8:3

Kɛɛ wo Sɔɔ̀ naŋ tɔ̀ɔ̀tù ke gbòò anyuùŋ hààwe nyàŋ nìmila. Wò yaà wa jɔ̀à sùà maŋ saaŋ màŋ dìì guùŋ guùŋ, wò kuwo aŋ felaa yèè aŋ jɔùŋ wò deke, yèè wò gbìɛ̀ŋ nyìŋ ko sààŋ nyìwì.

Nyɛ̀nɛ̀ŋ 9:22

Wo Sɔɔ̀ naŋ wa gbùùyè e gaàŋ gbee sùà ko Dàmakɔ̀, nààŋ wò naŋ wa tɔɔ̀ janyai kɛ̀ wo Jisɛ̀ nàŋ yaà wo yèɔ wo Dayà naŋ tàeɗùù wèè wo jòèyè anyùùŋ nyaŋ gbiŋ e ɗùùnyaàŋ wɔ, yèè aŋ Juùù nyaŋ ko Dàmakɔ̀ gò niŋ wa ɓɛ̀nɛ̀ŋ gììyà màŋhɛɛ.

2Tɛsè 1:10

sèè wò hnàŋ wa nàwèè e nɛɛmauŋ nɛ̀ sùà ke ɗɔɔ yii diɛŋ wèè wo jàà e jòòwouŋ nɛ̀ kùàŋ dìì e yìwìà anyunùuŋ nyàŋ gbiŋ sìwè, yaà e ɓɛ̀ɛ̀jàauŋ nɛ̀ e yìwìà anyùùŋ nyaŋ nauŋ haawè nyaŋ sìwè. Nyɛ̀iŋ pɛɛ nìŋ do nyiŋ nàŋ nɔ̀ŋ e tɛɛ, esaɓù kɛ̀ nìŋ naŋ hààwè ke miè gbìaàŋ è naiŋ woò yɛ.

1Jɔ̀ɔŋ 3:1

Yɛ̀mɛìŋ e ɗeweɛ̀ wo Dèdaà naŋ wi mɔ̀nɔ̀ŋ lɛ. E mànaàŋ wò kuwa e weè wi lɛ è naŋ dɛɛ̀, weètii àŋ naŋ wi nyààŋ aŋ jɔ̀à Dayà, yèè ngèè è yààìŋ aŋ jɔ̀à Dayà. Tɛɛ̀ naŋ nyɛ̀nɛ̀ŋ e ɗuunyaàŋ nyimààŋ wì, e fèfoo e ɗuunyaàŋ nyimààŋ wò Dayà.