Nyɛ̀nɛ̀ŋ 9:20 - WƆŊ FƐ̀Ì EBÒ SÌÀŊ DAYÀA

²⁰ E bìyao sùà wò naŋ wa kɔ̀ ko sààŋ zòòlò aŋ Juùù nyaŋ yèè wò naŋ tɔ̀ɔ̀tù anyùùŋ nyaŋ wòo wààŋ wo Jisɛ̀ nàŋ yaà wo Jɔ̀àfèlàà Dayàa.

Nyɛ̀nɛ̀ŋ 9:20 ပူးပေါင်းရင်းမြစ်များ

Maafiù 27:43

Wò naŋ tùlìè wo Dayà jii yèè wò naŋ ɓèmè wuŋ bi wèè wo nɔ̀ŋ wo Jɔ̀àfèlàà Dayàa. Weètii, yɛ̀mɛ̀ wiìŋ weè sèè mààŋ wò dò nàŋ mɔ̀nɔ̀ŋ wèè wouŋ joeyè.”

Maafiù 27:54

Nààŋ wo kànà aŋ kààlòòɗùà nyaŋ yaà aŋ kààlòòɗùàuŋ nyàŋ siao wa ko tùnìè Jisɛ̀ nyaŋ naŋ yɛ̀mɛ̀ e dììɛ naŋ kìlè yèè maŋ keì maŋ gbiŋ yaà wa kaaiŋ màŋ, e jùù naŋ nyiŋ wa nyɛ̀nɛ̀ŋ yèè àŋ naŋ woò nyààŋ, “E tɔɔɓaa le, wo felaa wɛɛ̀ nàŋ yaà mɛ̀iŋ wo Jɔ̀àfèlàà Dayàa!”

Maafiù 4:3

Kpeiŋ wo Sɛ̀tanàaŋ, wo nyuùŋ wàauŋ nɔɔ̀ŋ naŋ hnè ko nɛ̀ɛ̀uŋ niìŋ yèè wò nauŋ woò wààŋ, “Sèè mààŋ muàŋ nàŋ yaà wo Jɔ̀àfèlàà Dayàa, kɛ̀ wòò le dùò lɛɛ̀ e kìlà e gbɔ̀u wèè muŋ gbìlà.”

Jɔ̀ɔŋ 1:49

Wo Nàntanyàŋ naŋ fàsàì wo Jisɛ̀ wààŋ, “Kààmɔɔŋ, muàŋ nàŋ yaà wo Jɔ̀àfèlàà Dayàa yèè wo Kanaà wèè ko Ezɔ̀ɛ̀.”

Jɔ̀ɔŋ 19:7

Aŋ Juùù nyaŋ naŋ fasàì nyààŋ, “È kùwàìŋ ke sàwà ke yèɛ wò naŋ pɔɔ̀ yɛ, weètii wò kuwa wo fà, nààŋ wò naŋ ɓèmè wuŋ bi wèè wo nɔ̀ŋ wo Jɔ̀àfèlàà Dayàa.”

Jɔ̀ɔŋ 20:28

Wo Tàmaŋ naŋ fàsàì wo Jisɛ̀ wààŋ, “Muàŋ nàŋ yaà wo Kana miɔ̀ŋ yèè wo Dayà miɔ̀ŋ!”

Jɔ̀ɔŋ 20:31

Kɛɛ àŋ naŋ wa sìngè maŋ yè mɛɛ̀ŋ wèè kɛ̀ muŋ kɛɛnɛ̀ŋ e hààwe wo Jisɛ̀ ko sùà, wo yèɔ wo Dayà naŋ tàeɗùù wɔ wèè wo joeyè anyùùŋ nyaŋ e ɗuunyaàŋ, yèè wèè naŋ haawè kɛ̀ wuŋ nàŋ yaà wo Jɔ̀àfèlàà Dayàa. Sèè nìŋ kɛɛnɛ̀uŋ e hààwe sùà, nìŋ do nàŋ kɛ̀ɛ̀nɛ̀ŋ wɔŋ nyiiŋ gèe gò jùà.

Nyɛ̀nɛ̀ŋ 13:14

Àŋ naŋ yèwè ko Pɛgà yèè àŋ naŋ kɔ̀ ko Aŋtiɔ̀ wɔŋ fùɔ̀ŋ Pɛ̀siidìàa sùà. Kpeiŋ ke Ɗɔ̀ɔ̀ Zòòlò aŋ Juùù nyaŋ diɛŋ àŋ naŋ kɔ̀ ko sààŋ zòòlò aŋ Juùù nyaŋ yèè àŋ naŋ jɛi.

Nyɛ̀nɛ̀ŋ 13:33

Wò niŋ naàŋ nyɛ̀nɛ̀ŋ weè wi, nààŋ wò naŋ gè wo Jisɛ̀ e fàa dìì wɔŋ nyiiŋ gèeɔ̀ sùà. È yaà nɔŋ màànààŋ è yaà sìnga niŋ wɔŋ fɛ̀ì dìà tìyèè Saààm sùà lɛ wààŋ, ‘Muàŋ nàŋ yaà wo Jɔ̀àfelaa miɔ̀ŋ, esaɓù kɛ̀ kà nàaŋ kìlà wo Dèda mɔɔ̀ŋ.’

Nyɛ̀nɛ̀ŋ 13:46

Kɛɛ wo Pɔɔ̀ yaà wo Bànaŋɓà naŋ ngèè ɓɛìŋ gbòò maŋ jii nyingè sùà nyààŋ, “È yaà weè tɛ̀ɛ̀ wèè eiŋ gbòà ke mìè Dayàa ko nɛ̀ɛ̀iŋ niìŋ jiɛ̀. Kɛɛ nààŋ niŋ gò nyiŋ jàà kùàŋ dìì yèè niŋ gò ɓèmè nyɛ̀iŋ bi wèè naŋ nɔ̀ŋ anyuùŋ kɛnɛ wèè wɔŋ nyiiŋ gèe gò jùà lɛ̀, è yààìŋ jòà sùà eiŋ kìlà koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 13:5

Nààŋ àŋ naŋ wa hài ko Salamì, àŋ naŋ tɔ̀ɔ̀tù ke mìè Dayàa gbòa ke sààŋ zòòlò aŋ Juùù nyaŋ dìì. Kuii wo Jɔ̀ɔŋ Mài naŋ wa nɔ̀ŋ wo ɓɔìjɔ̀à kpùùmaŋ nyiŋ ke nyɛ̀nɛŋ bi sùà.

Nyɛ̀nɛ̀ŋ 14:1

Wo Pɔɔ̀ yèè wo Bànaŋɓà naŋ gbòò koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ ko Ìkɔniɔ̀ŋ, màànààŋ nɔŋ àŋ naŋ wa nyɛ̀nɛ̀ŋ ko Aŋtiɔ̀ lɛ, yèè aŋ Juùù nyaŋ yaà aŋ yè nyaŋ fè àŋ Juùù nyaŋ zimgbe nyiŋ naŋ kɛ̀ɛ̀nɛ̀ŋ hààwe wo Kanaà Jisɛ̀ sùà.

Nyɛ̀nɛ̀ŋ 16:13

Kpeiŋ ke Ɗɔ̀ɔ̀ Zòòlò aŋ Juùù nyaŋ diɛŋ è naiŋ yèwè ko jawa gbeeì yèè è naiŋ kɔ̀ e wùìyèɛ kɔɔ, ko yèi è yààìŋ wa goongo kɛ̀ ko nɛ̀nɛ̀ŋ yaào ko yèi aŋ Juùù nyaŋ deenàŋ wa wèè zòòlo lɛ. È naiŋ wa jɛi yèè è naiŋ gbòò koɓɛ̀ aŋ jɔùŋ nyaŋ nao wa gbònò koɓɛ̀ guùŋ nyaŋ.

Nyɛ̀nɛ̀ŋ 17:10

Wɔŋ dùùm guùŋ wiiŋ anyuùŋ hààwe nyàŋ naŋ tùɔ̀ŋ wo Pɔɔ̀ yaà wo Silà ko Bɛ̀lià. Yèè nààŋ àŋ nao haì, àŋ naŋ kɔ̀ ko sààŋ zòòlò aŋ Juùù nyaŋ.

Nyɛ̀nɛ̀ŋ 17:17

Wò naŋ wa kɔ̀ ko sààŋ zòòlò aŋ Juùù nyaŋ wèè wo gbòà ke mìè Dayàa koɓɛ̀ wo nyùùŋ nyaŋ nààŋ fè àŋ Juùù nyaŋ yèè aŋ Juùù nyaŋ yè nyaŋ yaà nyiŋ zoolà koɓɛ̀ guùŋ nyaŋ. Ke ɗɔɔ gbiŋ wò hewa gbòà koɓɛ̀ anyuùŋ mààŋ dòmaŋ nyàŋ kɔɔ aŋ yè nyaŋ wò mɛɛ̀ŋ wa e bòliɛ̀ sùà nyaŋ.

Nyɛ̀nɛ̀ŋ 17:2

Yèè wo Pɔɔ̀, màànààŋ nɔŋ wò nyɛnɛŋ lɛ̀, wò naŋ kɔ̀ ko sààŋ zòòlò aŋ Juùù nyaŋ wèè wo zoolò. E ɗɔ̀ɔ̀ taai maŋ Ɗɔ̀ɔ̀ Zòòlò aŋ Juùù nyaŋ diɛŋ wò naŋ gbòò koɓɛ̀ anyùùŋ nyaŋ e yìwìà e mìè nyààŋ wɔŋ fɛ̀ì Dayàa sùà,

Nyɛ̀nɛ̀ŋ 18:19

Nyiŋ taai àŋ naŋ hàì ko Ɛfesɔ̀, kuŋ wo Pɔɔ̀ naŋ wa jòò wo Pɛ̀silià yèè wo Àkuilà. Kpeiŋ wò naŋ kɔ̀ ko sààŋ zòòlò aŋ Juùù nyaŋ wèè wo gbòà koɓɛ̀ anyùùŋ nyaŋ.

Nyɛ̀nɛ̀ŋ 18:4

Wo Pɔɔ̀ hewa gbòà koɓɛ̀ aŋ Juùù nyaŋ yèè anyùùŋ nyaŋ fè àŋ Juùù nyaŋ ko sààŋ zòòlò aŋ Juùù nyaŋ maŋ Ɗɔ̀ɔ̀ Zòòlò aŋ Juùù nyaŋ diɛŋ wèè aŋ kɛɛnɛ̀ŋ e hààwe wo Kanaà Jisɛ̀ sùà.

Nyɛ̀nɛ̀ŋ 19:8

Wo Pɔɔ̀ naŋ ɓèmè maŋ wàà taai wò yaà kɔ̀ɔ̀yɛ̀ ko sààŋ zòòlò aŋ Juùù nyaŋ ko gbùùyè anyùùŋ nyaŋ kɔɔ ke jii nyingè sùà e nyaàiŋ dè e Kànà Dayàa. Wò yaà wa kààmè e ɗewe wèè wo kìlà nyiŋ koɓɛ̀ Dayài.

Nyɛ̀nɛ̀ŋ 8:36

Yèè nààŋ àŋ yaà wa naàŋ kɔɔyɛ ke dòmaàŋ diɛŋ, àŋ naŋ hàì koɓɛ̀ e wùìyè bà. Wo nyùùŋ gbèè fuɔɔ̀ŋ naŋ wòò wo Felè wààŋ, “Yɛ̀mɛ̀, e wùìyè lɛɛ̀ kià, esaɓù bà kòò è yao eim kèèwè kùàŋ feìŋ wèè miŋ go nàŋ nɔ̀ŋ gùaim?” [

Nyɛ̀nɛ̀ŋ 8:37

Wo Felè nauŋ woò wààŋ, “Màŋ ɓɛ̀nɛ̀ŋ nɔ̀ŋ gùaum sèè mùŋ kɛɛnɛ̀ŋ e hààwe ke jii mɔɛ̀ŋ gbiŋ sùà.” Wo nyùùŋ gbèè fuɔɔ̀ŋ naŋ fasàì wààŋ, “Mìŋ kuwa e hààweɛ̀; kà haawè kɛ̀ wo Jisɛ̀ Kulaì nàŋ yaà wo Jɔ̀àfèlàà Dayàa.”]

Nyɛ̀nɛ̀ŋ 9:22

Wo Sɔɔ̀ naŋ wa gbùùyè e gaàŋ gbee sùà ko Dàmakɔ̀, nààŋ wò naŋ wa tɔɔ̀ janyai kɛ̀ wo Jisɛ̀ nàŋ yaà wo yèɔ wo Dayà naŋ tàeɗùù wèè wo jòèyè anyùùŋ nyaŋ gbiŋ e ɗùùnyaàŋ wɔ, yèè aŋ Juùù nyaŋ ko Dàmakɔ̀ gò niŋ wa ɓɛ̀nɛ̀ŋ gììyà màŋhɛɛ.

Luùm 1:4

Wo Dayà naŋ tɔɔ̀ e gààŋ nɛɛmaŋ gbee sùà kɛ̀, wo Kanaà Jisɛ̀ Kulaì nàŋ yaà wo Jɔ̀àfèlàà wuŋ biɔ̀, wo yèɔ naŋ kìlè wo nyuùŋkpùuŋ wɔ̀. Wò naŋ wa tɛɛ̀ tɔɔ̀ e yìwìà wo Jìnàŋ Nɛɛmaàŋ, nààŋ wò nauŋ gè e fàaà dìì wɔŋ nyiiŋ gèe sùà.

Gàla 1:16

wèè woim tɔ̀ɔ̀ wo Jɔ̀àfelaauŋ nɔɔ̀ŋ, yèè ka wòò ke mìè gbìàŋ Ebò Siauŋ nɛ̀ koɓɛ̀ anyùùŋ nyaŋ fè àŋ Juùù nyaŋ. Miŋ gò wa kà koɓɛ̀ wò nyùùŋ gbiŋ wèè kè mìè gòo.

Gàla 2:20

Jòòpɛɛ kà naàŋ fà, kɛɛ wo Jisɛ̀ Kulaì yaà wɔŋ nyiiŋ gèe miɔ̀ŋ sùà. E kìlà mìŋ yaà naàŋ wɔŋ nyiiŋ gèe e hààwe wo Jɔ̀àfelàà Dayàa sùà, wo yèɔ naim mɔ̀nɔ̀ŋ yèè wò naŋ kìɛ̀ŋ wɔŋ nyiiuŋ nɔɔ̀ŋ e weèim wɔ̀.

Maŋ kèì nyɛɛnɛŋ 2:18

Wò naŋ ɓɛìŋ woò wààŋ, “Tɛɛ̀ mùŋ kuwa maŋ sìngà koɓɛ̀ wo màikàa wèè ke gbòò anyuùŋ hààwe nyàŋ ko Tàyatilà. “Ke miè gbìaàŋ kɛɛ̀ e yìwìà miàim wo Jɔ̀àfèlàà Dayàa sìwè! E fɛɛ̀ mɛ̀ mɛɛŋ mààŋ e hmɔɔ̀ŋ mɛ̀ɛŋ, yèè maŋ golòim màŋ mɛɛŋ mààŋ ke kàì àŋ naŋ kpàlèè e bù.