Nyɛ̀nɛ̀ŋ 9:17 - WƆŊ FƐ̀Ì EBÒ SÌÀŊ DAYÀA

¹⁷ Wo Ananaayà naŋ kɔ̀ yèè wò naŋ jɔ̀ ko saaìŋ wo Sɔɔ̀ yaà wa lɛ̀, yèè wò nauŋ gbùwò maŋ kuàuŋ màŋ diɛŋ wò nauŋ woò wààŋ, “Wùìya miɔ̀ŋ Sɔɔ̀, wo Kanaà Jisɛ̀ naim tùɔ̀ŋ ko nɛ̀ɛ̀ŋ muìŋ, wo nyùùŋ gunɔ̀ɔŋ naum fòlò feìŋ ko dòmaìŋ nààŋ mùŋ yaà weè kià hinie lɛ̀. Wò naim tùɔ̀ŋ wèè maŋ ɓɛìŋ yɛ̀mɛ̀ dìì yèè wèè wo Jìnàŋ Nɛɛmaàŋ woum sɛ̀ɛ̀ ko sùà.”

Nyɛ̀nɛ̀ŋ 9:17 ပူးပေါင်းရင်းမြစ်များ

Maafiù 19:13

Anyùùŋ bà naŋ wa hìɛ̀ŋ aŋ jɔ̀àkàiŋ jɔa koɓɛ̀ Jisɛ̀i wèè wo gbùwà nyìŋ maŋ kùàŋ yèè wo zoolò nyiŋ diɛŋ, kɛɛ anyùùŋ màŋjɛ̀wɛ̀ nyaŋ naŋ nyiŋ wa gbuuyè wèè aŋ hɔanè yɛi nyɛ̀nɛŋ.

Luù 1:41

Nààŋ wo Ìlesebɛ̀ɛ̀ naŋ kòmò ke mìè zùùmò Mèèleɛ̀, wo jɔ̀àa ko suàuŋ niìŋ naŋ mɛɛmɛ̀ɛ̀ŋ. Yèè wo Jìnàŋ Nɛɛmaàŋ naŋ dèyè wo Ìlesebɛ̀ɛ̀ diɛŋ.

Luù 1:67

Wo Jìnàŋ Nɛɛmaàŋ naŋ wa dèyè wo dèdà Jɔ̀ɔɔ̀ŋ Zakalayà diɛŋ, yèè wò naŋ gbòò ke mìè Dayàa wààŋ,

Luù 1:76

“Yèè muàŋ jɔ̀à miɔ̀ŋ, àŋ doum nàŋ nyààŋ wo kèèlà Dàyà Gaàŋ Gbeeɔ̀. Esaɓù kɛ̀ mùŋ do nàŋ kɔ̀ wo Kanaà ko feìŋ, wèè maŋ bànèbànè ke dòmaàŋ weèuŋ,

Luù 15:30

Kɛɛ wo jɔ̀àfelaaum wɛɛ̀ naŋ kɔ̀ wo pɔ̀ɔ̀pɔ̀ɔ̀ e nɛ̀ɛŋ mùŋ he weè nàŋ nyìnìè wɔŋ nyiiŋ gèe mɔɔ̀ŋ sùà lɛ aŋ jɔùŋ maŋjɛ̀wɛ, yèè nààŋ wò naŋ kɛ̀ɛ̀ maŋjɛ̀wɛ ko gbooì, mùŋ naŋ jìwè wo dìi jawe gbeeɔ̀ e weèuŋ!’

Luù 15:32

Kɛɛ è kuwa eiŋ gè zɔlɔ̀ esaɓù kɛ̀ wo wùìyà mɔɔ̀ŋ naŋ mɛ̀iŋ fɔ̀, kɛɛ kòò wò yaà naàŋ wɔŋ nyiiŋ gèeɔ̀ sùà, wò naŋ wa go, èuŋ mɛɛ̀ŋ.’ ”

Luù 2:11

Nàaŋ ke ɗɔɔ yɛɛ̀ ko jàwà Dèèweì, àŋ kòmàŋ wo Nyuùŋ Jòèyeiŋ nɔɔ̀ŋ, wuŋ nàŋ yaà wo Jisɛ̀ Kulaì wo Kanaà.

Nyɛ̀nɛ̀ŋ 10:36

Nàŋ nyìmàŋ ke mìè gbìaàŋ wò naŋ wa tùɔ̀ŋ koɓɛ̀ anyùùŋ Ezɔ̀ɛ̀ nyaŋ lɛ̀, nààŋ wò naŋ wa wòò Ebò Siaàŋ e nyaàiŋ dè ke jii fàa esàɓù wo Jisɛ̀ Kulaì sùà, wo Kanaà wèè anyùùŋ nyaŋ gbiŋ.

Nyɛ̀nɛ̀ŋ 13:3

Àŋ naŋ wa kùwò ke tɔùŋ yèè àŋ naŋ zoolò, aŋ nyiŋ gbùwà maŋ kùàŋ diɛŋ yèè àŋ naŋ nyiŋ tùɔ̀ŋ.

Nyɛ̀nɛ̀ŋ 13:52

Kɛɛ anyuùŋ hààwe nyàŋ ko Aŋtiɔ̀ yaà wa e zɔlɔ̀ zimgbe sùà yèè wo Jìnàŋ Nɛɛmaàŋ yaà nyiìŋ wa maŋjɛ̀wɛ.

Nyɛ̀nɛ̀ŋ 19:6

Nààŋ wo Pɔɔ̀ naŋ nyiŋ wa gbùwò maŋ kùàŋ diɛŋ, wo Jìnàŋ Nɛɛmaàŋ naŋ nyiŋ dèyè diɛŋ. Kpeiŋ àŋ naŋ gbòò ke mìè Dayàa maŋ kaìŋ joo sùà.

Nyɛ̀nɛ̀ŋ 2:4

Kpeiŋ wo Jìnàŋ Nɛɛmaàŋ naŋ wa dìè aŋ gbiŋ maŋ jiio sùà, yèè àŋ naŋ tɔ̀ɔ̀tù maŋ kaìŋ joo gbùùyà sùà nààŋ wo Jìnàŋ Nɛɛmaàŋ naŋ nyiŋ wa nyɛ̀nɛ̀ŋ wèè aŋ miŋ gbòà lɛ.

Nyɛ̀nɛ̀ŋ 21:20

Anyùùŋ nyaŋ gbiŋ naŋ wa kòmò e nɛ̀ɛŋ wo Pɔɔ̀ naŋ woò lɛ naŋ wa tɛ̀nɛ̀ŋ wo Dayà yèè àŋ naŋ wòò wo Pɔɔ̀ nyààŋ, “Wùìya wiɔ̀, màŋ yɛ̀mɛ̀ anyuùŋ taasùùŋ jika nyàŋ kinɛiŋ aŋ Juùù nyaŋ sùà naŋ hààwè Kanaà Jisɛ̀ nyaŋ. Aŋ gbiŋ yaà e wànàŋ sùà wèè aŋ jɔ̀ɔ̀lɔ̀ maŋ Sàwà Dayà maŋ dìì.

Nyɛ̀nɛ̀ŋ 26:15

Yèè mìŋ naŋ Dawè mìàŋ, ‘Ɓòò nàŋ yààùm, Kanaà?’ Yèè wo Kanaà naŋ woò wààŋ, ‘Miàŋ nàŋ yaà wo Jisɛ̀ wo yèɔ mùŋ yaà nìmila sùà wɔ.

Nyɛ̀nɛ̀ŋ 4:31

Nààŋ àŋ naŋ wa kpɛ̀ɛ̀yɛ̀ Dayà zòòlo, koɓɛ̀i àŋ naŋ wa deenè lɛ naŋ wa mɛɛmɛ̀ɛ̀ŋ. Wo Jìnàŋ Nɛɛmaàŋ naŋ nyiŋ wa dìèsùà yèè àŋ naŋ tɔ̀ɔ̀tù ke mìè Dayàa gbòa janyai ke jii nyingè sùà.

Nyɛ̀nɛ̀ŋ 6:6

Ke gbòòɛ naŋ wa kìɛ̀ŋ anyùùŋ nyɛɛ̀ŋ koɓɛ̀ aŋ keela nyàŋ. Kpeiŋ aŋ keela nyàŋ naŋ nyiŋ zoolò yèè àŋ naŋ nyiŋ gbùwò maŋ kùàŋ diɛŋ wèè e tɔɔ̀ kɛ̀ àŋ nyiŋ tàeɗùù wèè aŋ nyɛ̀nɛ̀ŋ e tòmo lɛɛ̀.

Nyɛ̀nɛ̀ŋ 8:17

Kpeiŋ wo Pììlɛ yèè wo Jɔ̀ɔŋ naŋ gbùwò anyùùŋ nyaŋ gbiŋ naŋ wa hààwè wo Kanaà sùà nyaŋ maŋ kùàŋ diɛŋ, yèè wo Jìnàŋ Nɛɛmaàŋ naŋ dèyè wo nɔ̀ŋ aŋ gbiŋ ko sùà.

Nyɛ̀nɛ̀ŋ 9:18

Ko fɛɛ̀feìŋ e nɛ̀ŋ bà naŋ tèènè maŋ dòò kɛì naŋ fòlò wo Sɔɔ̀ ko fɛ̀ɛ̀, yèè wò naŋ ɓɛìŋ yɛ̀mɛ̀ dìì. Wò naŋ yèwè dìì wo sie yèè wo Ananaayà nauŋ gùò.

Luùm 15:7

Jàaìŋ aŋ dàwiiŋ nyàŋ kùàŋ dìì, kɛ̀ nàŋ jòòwò wo Dayà, màànààŋ wo Jisɛ̀ Kulaì naiŋ jàà kùàŋ dìì lɛ.

1 Kɔliìŋ 15:47

Wo Adamàŋ jiɛ̀jiɛ̀ɔ naŋ fòlò e dììɛ sùà, yèè wo Adamàŋ dìà tìyèeɔ̀ naŋ fòlò ko àìjɛnɛ̀ŋ.

1 Kɔliìŋ 15:8

Ko diemeì, wò naim fòlò feìŋ jòòpɛɛ mìŋ yaà mààŋ wo nyùnɔ̀ɔŋ yèɔ aŋ gò wa kùmìàŋ e teenga diɛŋ wɔ̀.

1 Kɔliìŋ 9:1

Mìŋ yaà wo nyuùŋ gè nyààŋ diɛŋ. Mìŋ yaà wo keela tàeɗùù. Kà yɛ̀mɛ̀ Jisɛ̀ wo Kana wiɔ̀. Miàŋ naiŋ dè ke dòmaŋ diɛŋ e hààwe sùà koɓɛ̀ Kanaà Jisɛ̀ Kulaì.

1Time 4:14

Ɓɔ̀ mùŋ giiyà è kìɛ̀ŋ Jìnàŋ Nɛɛmaàŋ yààùm sùà lɛ è kɛ̀ɛ, wo yèɔ wo Dayà naùŋ wa kiɛ̀ŋ e teengaà aŋ wɛ̀ijì nyàŋ naŋ wa gbòò yèè ke gbòò aŋ màmàŋkùmɛŋ nyàŋ naùm wa gbùwò maŋ kùàŋ diɛŋ àŋ naùm zoolò lɛ.

1Time 5:22

Ɓɔ̀ mùŋ jèlà ke jii wèè maŋ gbùwà wɔ̀ŋ kùàŋ è zòòlo wò nyùùŋ diɛŋ, wèè wo nɔ̀ŋ e tòmò kanaà Jisɛ̀ Kulaì lɛ sùà. Ɓɔ̀ mùŋ nɔ̀ŋ wò bàumbà wèè màŋ jùùmù nyuùŋ joo, nyɛnɛ̀ŋ muàŋ bi muŋ nɔ̀ŋ sengei.

2Time 1:6

Wèè esaɓù lɛɛ̀, mìŋ yaào dè sùà ke jii mɔɛ̀ŋ, wèè maŋ tòòmò e kìɛɛ̀ŋ wo Dayà naum kiɛ̀ŋ nààŋ mìŋ naum wa gbùwò wɔŋ kùàŋ zòòlo miɔ̀ŋ diɛŋ lɛ̀.

Felemɔ̀ŋ - PHM 1:16

kɛɛ wo fè hinie mààŋ wò ɗo. Wo Onisimɔ̀ŋ yaà wo wùìya kɛnɛ e nìàŋ wo ɗo. Wò yaà wo wùìya mɔ̀ɔ̀nɔŋ kɛnɛ ko nɛ̀ɛ̀ŋ miìŋ yèè kai kai ngèè ko nɛ̀ɛ̀ŋ muìŋ, nààŋ wo yaà nyuùŋkpùuŋ wɔŋ kɔɔ sùà yèè wo nyùùŋ màŋjɛ̀wɛ Kanaà Jisɛ̀ Kulaì.

Hiɓu 6:2

Ɓɔ̀ è kaàiŋ nɔŋ è ɗèwè ànyuùŋ gùa, yaà è làngì anyuùŋ gbùwà màŋ kùàŋ wèè eiŋ nyiŋ zòòlò diɛŋ. E kìlà, ɓɔ̀ è kaàiŋ ɓɛìŋ nɔŋ è kèè è tɔ̀ɔ̀nyaàaŋ kɛ̀, anyùùŋ nyaŋ do nàŋ yèwè e fàaà dìì wɔŋ nyiiŋ gèeo sùà. E kàa wilɛ̀ ɓɔ̀ è nɔ̀ŋ ɓɛìŋ nɔŋ wèè è ɗeweɛ̀ wo Dayà do nàŋ gbàì anyùùŋ lɛ, yèè e ɗeweɛ̀ e kitiuŋ nɛ̀ doo nàŋ jeè e kìlà wo nìmìlà anyùùŋ wèè julɔfɔ lɛ̀.

2Pììlɛ 3:15

Ɓɔ̀ nìŋ nyɛɛnɛ̀ŋ kɛ̀ wo Kanaà yaà kùwa sùà kè jii esaɓù kɛ̀ wò manaŋ wo nyùùŋ gbiŋ yɛ̀mɛ̀ e jòèye, màànààŋ nɔŋ wo wùìya mànaŋ wiɔ̀ Pɔɔ̀ naŋ sìngè ko nɛ̀ɛ̀iŋ niìŋ, wò naŋ tòòmò e jiikɛ̀ɛɛ̀ wo Dayà nauŋ fè lɛ.