Nyɛ̀nɛ̀ŋ 9:15 - WƆŊ FƐ̀Ì EBÒ SÌÀŊ DAYÀA

¹⁵ Kɛɛ wo Kanaà naŋ wòò wo Ananaayà wààŋ, “Kɔ̀ào, esaɓù kɛ̀ kàuŋ tàeɗùù wèè wo koà ke mìè gbìàŋ Ebò Siaŋ mɛ̀ koɓɛ̀ anyùùŋ nyaŋ fè àŋ Juùù nyaŋ yaà aŋ kànà fuɔŋ nyàŋ e kpùlìà aŋ Juùù nyaŋ nyiŋ bi, aŋ jɔ̀à kòmàŋ Ezɔ̀ɛ̀ nyaŋ.

Nyɛ̀nɛ̀ŋ 9:15 ပူးပေါင်းရင်းမြစ်များ

Maafiù 10:18

Nìŋ do nàŋ sìè aŋ kànà fuɔŋ yèè anyùùŋ nyaŋ fè àŋ Juùù nyaŋ fɛɛ̀feìŋ wèè esàɓù e deè mɛ̀, wèè naŋ nyiŋ kìɛ̀ŋ ke mìè seì e nyaàiŋ dè Ebò Siaàŋ.

Jɔ̀ɔŋ 15:16

Nyɛ̀iŋ nàŋ gòim wa tàeɗùù. Miàŋ naiŋ wa tàeɗùù wèè naŋ hìàŋ anyùùŋ koɓɛ̀ guùŋ aŋ yè nyaŋ do nàŋ jèè kpèè miɛ̀ŋ sùà yèè wèè naŋ ka naŋ gbòà ke mìè Dayà koɓɛ̀ anyùùŋ nyaŋ gbiŋ e ɗuunyaàŋ yèè naŋ mànàŋ aŋ dàwi nyiŋ nyàŋ wèè julɔfɔ. Yèè sèè nìŋ nyɛnɛŋ tɛɛ̀, wo Dèda miɔ̀ŋ doiŋ nàŋ kìɛ̀ŋ e nɛ̀ɛŋ gbiŋ nìŋ douŋ nàŋ dawè weè niŋ lɛ̀ e deè mɛ̀ diɛŋ.

Nyɛ̀nɛ̀ŋ 13:2

E teengaà àŋ yaà wa zòòlò wo Kanaà yèè àŋ yaà kùwìè ke tɔùŋ lɛ, wo Jìnàŋ Nɛɛmaàŋ naŋ nyiŋ woò wààŋ, “Jàaìŋ wo Bànaŋɓà yèè wo Sɔɔ̀ e ɓula weèim wèè e tòmoɛ̀ mìŋ naŋ nyiŋ nyààŋ wèè aŋ nyɛ̀nɛ̀ŋ lɛ.”

Nyɛ̀nɛ̀ŋ 21:19

Wo Pɔɔ̀ naŋ nyiŋ zuumò yèè wò naŋ nyiŋ wòò e ɗeweɛ̀ wo Dayà nauŋ toomò wèè wo kpùùmàŋ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 22:14

Wo Ananaayà naim woò wààŋ, ‘Wo Dàyà aŋ nèwàènèwe wi nyàŋ wòum tàeɗùù wèè maŋ nyìmàŋ kɛ̀ kiìŋ wò manaŋ maŋ nyɛ̀nɛ̀ŋ. Wò naum tàeɗùù wèè maŋ yɛ̀mɛ̀ wo Ɓɔ̀ìjɔ̀à tɔ̀ɔ̀nyaàuŋ nɔɔ̀ŋ yèè wèè maŋ kòmàŋ wò yaà gbùùyè ke mìè wuŋ biɛ̀.

Nyɛ̀nɛ̀ŋ 22:21

Kɛɛ wo Kanaà naim woò wààŋ miŋ ka, yèè wò naŋ jɔ̀ɔ̀ ɗààhiì wèè woim tùàŋ maŋ fuɔŋ dii sùà koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 25:22

Kpeiŋ wo Àgulepɔ̀ naŋ wòò wo Fɛtɔ̀ wààŋ, “Miàŋ pɛɛ mìŋ manaŋ ka kùmìàŋ e nɛ̀ɛŋ wo felaa wɛɛ̀ kuwa wo woò lɛ.” Wo Fɛtɔ̀ naŋ fasàì wààŋ, “Mìŋ do nàŋ nyɛ̀nɛ̀ŋ auŋ hiàŋ nàwèè wèè mauŋ kumiàŋ.”

Nyɛ̀nɛ̀ŋ 26:1

Wo Àgulepɔ̀ naŋ wòò wo pɔɔ̀ wààŋ, “Màŋ naàŋ ɓɛ̀nɛ̀ŋ gbòa wèè muàŋ bi.”

Nyɛ̀nɛ̀ŋ 26:32

Wo kanaà Àgulepɔ̀ naŋ wòò wo Fɛtɔ̀ wààŋ, “Èiŋ weè ɓɛ̀nɛ̀ŋ dàngè wo felaa wɛɛ̀ wo ka foo sèè wo gò weè dawè wèè wo kanaà Siisɔ̀, wo Kànà anyùùŋ fùɔ̀ŋ Luùm nyaŋ wo hàà è kìtì è keìuŋ nɛ̀.”

Nyɛ̀nɛ̀ŋ 27:24

yèè wò naim woò wààŋ, ‘Pɔɔ̀, e jùù ɓɔ̀ è nyɛ̀nɛ̀um! Mùŋ do nàŋ kɔ̀ e gbài dìì wo kanaà Siisɔ̀, wo Kànà anyùùŋ fùɔ̀ŋ Luùm nyaŋ fɛɛ̀feìŋ. Yèè esàɓù mɔ̀ɛ̀ sùà wo Dayà do nàŋ jòèyè maŋ nyììŋ anyùùŋ nyaŋ gbiŋ wɔŋ meeè wɛɛ̀ŋ sùà.’

Nyɛ̀nɛ̀ŋ 28:17

Maŋ ɗɔ̀ɔ̀ taai naŋ màànààŋ è naiŋ hàì ko Luùm, yèè wo Pɔɔ̀ naŋ nyààŋ aŋ ɓɛ̀màŋɗì aŋ Juùù nyaŋ bà wò naŋ nyiŋ woò wààŋ, “Wùìyaim nyàŋ, kòò mìŋ nyɛ̀nɛ̀ŋ wa è keì gbiŋ è do hìàŋ kè jii mɔ̀ɔ̀nɛ̀ŋ kòɓɛ̀ ànyunùim nyàŋ, kòò mìŋ fè màŋ sàwà àŋ nèwàènèwe wi nyàŋ jɛwɛ kè ɗɔ̀ɔ̀ guùŋ pɛɛ. Kɛɛ anyuùŋ wi nyàŋ ko Jùlusɛ̀làm naim kìlè koɓɛ̀ e kànà wɔŋ fùɔ̀ŋ anyùùŋ Luùm nyaŋ e pèesìnàŋ dìì.

Nyɛ̀nɛ̀ŋ 28:28

Wo Pɔɔ̀ naŋ kpɛ̀ɛ̀yɛ̀ gbòa wààŋ, “Nyìmaìŋ kɛ̀ wo Dayà manaŋ wo jòèyè anyùùŋ nyaŋ fè àŋ Juùù nyaŋ! E kìlà àŋ do nàŋ jàà maŋ nùŋ dìì aŋ kumiàŋ tɛ̀ɛ̀.” [

Luùm 1:1

E yìwìà miàim Pɔɔ̀ sìwè, wo ɓɔìjɔ̀à wèè wo Jisɛ̀ Kulaì, nàŋ yaà sìngìè wɔŋ fɛi wɛɛ̀ŋ. Wo Dayà naim wa tàeɗùù wèè ka nɔ̀ŋ wo keela, e kìlà wò naim nyààŋ wèè ka wòò Ebò Siaàŋ.

Luùm 1:5

Wo Dayà naim tàeɗùù yèè wò naim kìɛ̀ŋ e tòmoɛ̀ wèè ka nɔ̀ŋ wo keela. Wò naŋ wa tɛɛ̀ nyɛ̀nɛ̀ŋ esàɓù Jisɛ̀ Kulaìɛ sùà, wo yèɔ wò naŋ tàeɗùù wèè wo joeyè e ɗuunyaàŋ wɔ, wèè kɛ̀ anyùùŋ nyaŋ gbiŋ e ɗuunyaàŋ aŋ kɛɛnɛ̀ŋ hààwe e kìlà aŋ jɔɔlɔ̀uŋ dìì, sèè àŋ haawà ke miè gbìaŋ miɛ̀ŋ e nyaàiŋ euŋ dè.

Luùm 11:13

Mìŋ yaà naàŋ gbùùyè ko nɛ̀ɛ̀iŋ niìŋ nyɛ̀iŋ nààŋ nyùùŋ nyaŋ fè àŋ Juùù nyaŋ. Mìŋ yaà wo keela tàeɗùù ko nɛ̀ɛ̀iŋ niìŋ. Mìŋ naŋ gè wo Dayà sɛ̀ wèè e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

1 Kɔliìŋ 15:10

Kɛ̀ɛ̀ esàɓù e kèì sìàŋ Dayàa sùà, mìŋ yaà naàŋ wo nyùnɔ̀ɔŋ mìŋ yaà wɔ, yèè e kìɛɛ̀ŋ wò naim kiɛ̀ŋ lɛ e gò nɔ̀ŋ wèè foo. Wɔŋ fàa bàa, mìŋ naŋ tomo nyìnga e nìàŋ aŋ keela tàeɗùù gbànaŋ nyàŋ bà gbiŋ, jòòpɛɛ e gò guùŋ nɔ̀ŋ kè nyɛ̀nɛ̀ŋ miàŋ bi sùà, sɔɔ̀ e kìɛ̀ŋ Dayàa yèɛ yààìm maŋjɛ̀wɛ lɛ̀.

1 Kɔliìŋ 9:16

Miŋ kuwà è tɔ̀ɔ̀nyaàŋ bà wèè ka kɛ̀ɛ̀ màŋ nyòngà èsaɓù kɛ̀ mìŋ woà kè mìè gbìàŋ Ebò Siaàŋ, e ɗewe gbiŋ, mìŋ yaà e gààŋ Dayàa dii wèè ka nyɛ̀nɛ̀ŋ e tòmo lɛɛ̀. Yèè è henàŋ nɔ̀ŋ naanààŋ sèè miŋ gò wòò kè mìè gbìàŋ Èbò Siaàŋ!

Gàla 1:1

E yìwìà miàim Pɔɔ̀ sìwè, nàŋ yaà sìngìè wɔŋ fɛi wɛɛ̀ŋ. Wo Dayà naim nyààŋ wèè ka nɔ̀ŋ wo keela tàeɗùù wèè Jisɛ̀ Kulaì, yèè e nyàaŋ mɛ gò e yìwìà nyùùŋ kpùuŋ ɔ̀ɔ̀ è gààŋ nyuùŋkpùuŋ sùà, kɛɛ è naŋ yìwìè wo Jisɛ̀ Kulaì yaà wo Dèdaà Dayà wo yèɔ naùŋ gè e fàaà dìì wɔ.

Ɛfesɔ̀ 3:1

Wèè esaɓù lɛɛ̀ miàim Pɔɔ̀, wo Jisɛ̀ Kulaì naim nyɛ̀nɛŋ wèè ka nɔ̀ŋ wo nyùùŋ màŋ keì wèè nyɛ̀iŋ nààŋ nyùùŋ nyaŋ fè àŋ Juùù nyaŋ.

1Time 2:7

yèè wèètii wo Dayà naim tùɔ̀ŋ wèè ka nɔ̀ŋ wo keela tàeɗùùuŋ nɔɔ̀ŋ bà, yèè wo kààmɔɔŋ koɓɛ̀ anyùùŋ nyaŋ fè àŋ Juùù nyaŋ, wèè ka dàànè ebò ke mìè gbìaŋ e hààwe yaà e tɔ̀ɔ̀nyaàaŋ. Miŋ fè tòaà sùà, mìŋ yààìŋ wòò sùà e tɔ̀ɔ̀nyaàaŋ.

2Time 1:11

Wo Dayà naim nyɛ̀nɛ̀ŋ wo keela tàeɗùù, yèè wo kààmɔɔŋ wèè ka dàànè Ebò Siaàŋ.

2Time 2:4

Wo kààlòòɗùàa yaà ke di e tòmouŋ nɛ̀ diɛŋ wɔ̀, manaŋ wo kìɛ̀ŋ ke jii fàa koɓɛ̀ kaaloɔ̀ sìaùŋ feìŋ wɔ, weètii wo fè kpùlìà kè nyɛ̀nɛ̀ŋ nyiiŋ gèeuŋ nɔɔ̀ŋ kè jè ànyuùŋ nyaŋ fè àŋ kààlòòɗùà nyaŋ.

Maŋ kèì nyɛɛnɛŋ 17:14

Aŋ kana nyɛɛ̀ŋ gbiŋ do nàŋ sùmìè wo Ɓaawaaà. Kɛɛ wo Ɓaawaaà, e kpùlìà aŋ yè nyaŋ wò naŋ tàeɗùù yèè àŋ yaà anyuùŋ tùlìà jii e kìlà àŋ nauŋ dè maŋjɛ̀wɛ nyaŋ, do nyiŋ nàŋ ɓùlò, esaɓù kɛ̀ wò yaà wo Kana gbee aŋ kana nyàŋ gbiŋ diɛŋ, yèè wo Kààmɔɔŋ gbee aŋ kààmɔ̀ɔ̀ŋ nyaŋ gbiŋ diɛŋ.”