Nyɛ̀nɛ̀ŋ 9:13 - WƆŊ FƐ̀Ì EBÒ SÌÀŊ DAYÀA

¹³ Wo Ananaayà naŋ fasàì wààŋ, “Kanaà, anyuùŋ zimgbe àim wòò e kèè wo felaa wɛɛ̀, e nyaàiŋ dè maŋ keì naanààŋ maŋ kinɛiŋ wò naŋ nyìnìè anyùùŋ nɛɛmauŋ nyàŋ ko Jùlusɛ̀làm lɛ.

Nyɛ̀nɛ̀ŋ 9:13 ပူးပေါင်းရင်းမြစ်များ

Maafiù 10:16

“Kùmiàŋ nìim, mìŋ yààìŋ tùàŋ sùà mààŋ aŋ ɓaawaa ke gbòò anyuùŋ kpùuŋ e tɛɛ, aŋ yè nyaŋ kuwa maŋ kpèè naanààŋ màànààŋ aŋ pɔ̀ɔ̀wɛ̀i yaà lɛ. Dùaìŋ nyiŋ e jiikɛ̀ɛ sùà màànààŋ nɔŋ nìŋ duɔŋ aŋ kaì naanààŋ lɛ, e kìlà niŋ kɛɛnɛ̀ŋ maŋ kpèè ɓɛ̀ɛ̀jàa màànààŋ aŋ bòòùm yaà lɛ, aŋ yè nyaŋ fè nɛ̀ɛ̀mùŋ nyùùŋ nyaŋ.

Nyɛ̀nɛ̀ŋ 22:4

Mìŋ hewa nìmìlà anyùùŋ ebɛ̀ŋ e fàa diɛŋ koɓɛ̀ anyùùŋ nyaŋ gbiŋ hewa dè ke Dòmàŋ Kanaà diɛŋ nyàŋ. Mìŋ hewa kùwà jɔùŋ yèè felaa e kìlà ka nyiŋ gbìàŋ ko sààŋ nyìwì.

Nyɛ̀nɛ̀ŋ 8:3

Kɛɛ wo Sɔɔ̀ naŋ tɔ̀ɔ̀tù ke gbòò anyuùŋ hààwe nyàŋ nìmila. Wò yaà wa jɔ̀à sùà maŋ saaŋ màŋ dìì guùŋ guùŋ, wò kuwo aŋ felaa yèè aŋ jɔùŋ wò deke, yèè wò gbìɛ̀ŋ nyìŋ ko sààŋ nyìwì.

Nyɛ̀nɛ̀ŋ 9:1

Kɛɛ nààŋ wo Sɔɔ̀ naŋ wa nɔŋ ɗewè e gààŋ wuŋ biɛ̀ sùà wèè wo jìwà anyùùŋ màŋjɛ̀wɛ̀ Kanaà Jisɛ̀ nyaŋ, wò naŋ kɔ̀ koɓɛ̀ wo Kànà Sìèfèìŋ Zòòlo Gbeeɔ̀,

Nyɛ̀nɛ̀ŋ 9:21

È naŋ wa fòònò anyùùŋ nyaŋ gbiŋ nauŋ wa kumiè nyaŋ yèè àŋ naŋ dawè nyààŋ, “Wɛɛ̀ nààŋ fè wò felaaà yaà wa nìmìla sùà ànyùùŋ nyaŋ yaà wa zòòlò sùà è dèè Jisɛ̀ɛ diɛŋ kò Jùlusɛ̀làm wɔ? Yèè e kèì guùŋ bi nààŋ wo gò hnàŋ nyinie, wèè wo nyiŋ kùwà yèè wo nyiŋ kòà koɓɛ̀ wo kànà sìèfèìŋ zòòlo gbeeɔ̀?”

Nyɛ̀nɛ̀ŋ 9:32

Kpeiŋ nààŋ wo Pììlɛ yaà wa kɔ̀ɔ̀yɛ̀ maŋ tàta màŋ sùà, wò naŋ wa jààmè anyùùŋ nɛɛmaŋ nyàŋ hewa jòò ko jawaì àŋ nyaaŋ ko Leɗià.

Nyɛ̀nɛ̀ŋ 9:41

Wo Pììlɛ nauŋ kùwò kùàŋ wouŋ kpuumàŋ wo yèwà dìì wo sie. Wò naŋ nyààŋ aŋ jɔ̀ùnèèdàà nyaŋ yèè anyuùŋ hààwe gbànaŋ nyàŋ ko saaìŋ yèè wò naŋ nyiŋ kìɛ̀ŋ wo Dɔkà wɔŋ nyiiŋ gèe sùà.

Luùm 1:7

Weètii mìŋ naŋ sìngè wɔŋ fɛi wɛɛ̀ŋ koɓɛ̀ nyɛ̀iŋ nààŋ nyùùŋ nɛɛmaŋ nyàŋ gbiŋ ko Luùm. Wo Dayà mànàìŋ e kìlà wòiŋ tàeɗùù wèè naŋ nɔ̀ŋ anyùùŋ wuŋ bi. Tɔ̀ wo Dayà Dèda wiɔ̀ yaà wo Kanaà Jisɛ̀ Kulaì kiɛ̀iŋ e tɛ̀ɛ̀tɛ̀ɛ̀ yèè ke jii fàa!

Luùm 15:31

Zòòloìŋ Dayà wèè wo joeyèim e yìwìà anyuùŋ gò kɛ̀ɛ̀nɛ̀ŋ hààwe nyàŋ e fèemàŋ ko Jùdià, wèè anyùùŋ nɛɛmaŋ nyàŋ ko Jùlusɛ̀làm aŋ jàà e tòmoɛ̀ mìŋ yaà nyinie lɛ̀ kùàŋ dìì.

Luùm 16:15

Mìŋ zuumàŋ wo Fèlologɔ̀ yèè wo Juliɔ̀, wo Nilɔ̀ yèè wo jaa, wo Òleinpà yèè koɓɛ̀ anyùùŋ nɛɛmaŋ nyàŋ gbiŋ wèè Dayà.

Luùm 16:2

Jàa nùuŋ kùàŋ dìì e dèè Kanaà diɛŋ, màànààŋ anyùùŋ nɛɛmaŋ nyàŋ wèè Dayà àŋ nyɛnɛŋ lɛ̀. Kìɛŋ nùuŋ e kpùùmaàŋ gbiŋ wò manaŋ lɛ̀. Wuŋ bi wò tɔɔ̀ janjai kɛ̀ wò nɔ̀ŋ e kpùùmaŋ gbee koɓɛ̀ anyuùŋ zimgbe e kpùlìà miàŋ bi.

1 Kɔliìŋ 1:2

naŋ yaà sìngìè wɔŋ fɛi wɛɛ̀ŋ koɓɛ̀ ke gbòò anyuùŋ hààwe nyàŋ yaà ko Kɔliìŋ yɛ. Nyɛ̀iŋ nyàŋ gbiŋ wo Dayà naŋ nyààŋ wèè naŋ nɔ̀ŋ anyùùŋ nɛ̀ɛ̀màŋ Dayà nyaŋ, aŋ yè nyaŋ yaà aŋ bà nyiŋ bà Jisɛ̀ɛ Kulaì sùà nyaŋ, e kpùlìà anyuùŋ gbànaŋ nyàŋ koɓɛ̀ gbiŋ àŋ naŋ nɔ̀ŋ, aŋ yè nyaŋ humo wo Kana wiɔ̀ Jisɛ̀ Kulaì nyaŋ, wo Kànà yàwi nààŋ gbiɔ̀ŋ.

1 Kɔliìŋ 14:33

esaɓù kɛ̀ wo Dayà manàŋ wèè è doiŋ nyɛ̀nɛ̀ŋ nyaàtàaŋ kɛɛ e mɔɔnɔ̀iŋ yèè e nɔ̀iŋ jii fàa sùà. Màànààŋ è yaà maŋ gbòò anyùùŋ hààwè nɛɛmaŋ nyàŋ gbiŋ sùà lɛ,

1 Kɔliìŋ 16:1

Wèè nyaàiŋ dè, e yèɛ nìŋ naŋ sìngè wèè e nɛɛnɛŋ gbònò gbonoɛ̀, wèè anyuùŋ hààwe nyàŋ ko Jùdià lɛ, sɔɔ̀ naŋ nyɛ̀nɛ̀ŋ e nɛ̀ɛŋ mìŋ naŋ wòò kè gbòò anyuùŋ hààwe nyàŋ ko Gàlatìà wèè aŋ nyɛ̀nɛ̀ŋ lɛ.

1 Kɔliìŋ 6:5

E sàngè yààìŋ. Tɔɔɓaa e pɛɛ nɔ̀ŋ wo nyùùŋ guùŋ kòò wò yààìŋ tɛɛ ke gboòiŋ nɛɛ̀ŋ sùà wò ɓɛnɛ̀ŋ wèè wo yɛ̀mɛ̀ e nɛ̀ŋ wòò aŋ wùìya nyàŋ è fèemàŋ.

Ɛfesɔ̀ 1:1

E yìwìà miàim Pɔɔ̀ sìwè, wo yèɔ yaà wo keela tàeɗùù wèè Kulaì Jisɛ̀ esàɓù e kèè jìì Dayàa sùà wɔ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ kuwa maŋ jii tùlia maŋ nyiiŋ gèe nyiŋ màŋ sùà àŋ yaà aŋ bà nyiŋ bà Jisɛ̀ Kulaì sùà ko Ɛfesɔ̀ nyaŋ.

Fèle 1:1

E yìwìà miàim Pɔɔ̀ yaà wo Timetè sìwè, aŋ ɓɔ̀ìjɔ̀à Jisɛ̀ Kulaì nyaŋ, nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ nɛɛmaŋ nyàŋ gbiŋ ko Fèlepì, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ, e kpùlìà aŋ sìèfèìŋ anyuùŋ hààwe nyàŋ yaà anyuùŋ tòmo dàwi nyiŋ nyàŋ.

Fèle 4:22

Anyùùŋ nɛɛmaŋ nyàŋ gbiŋ naiŋ tùɔ̀ŋ zùùmo, ɓɔɔɓɔɔ aŋ yè nyaŋ toomàŋ ko sààŋ gbèè Kanaà Siisɔ̀ nyaŋ.

Kòlo 1:2

nàŋ yaà sìngìè wɔŋ fɛi wɛɛ̀ŋ koɓɛ̀ anyùùŋ hààwè nɛɛmaŋ nyàŋ ko Kòlosìà, aŋ yè nyaŋ yaà aŋ bà nyiŋ bà wo Jisɛ̀ Kulaì sùà nyaŋ. Tɔ̀ wo Dayà wo Dèda wiɔ̀ wo kiɛ̀iŋ e tɛ̀ɛ̀tɛ̀ɛ̀ yèè ke jii fàa.

Hiɓu 13:24

Mìŋ zuumàŋ anyuùŋ gbeegbèèiŋ nyàŋ yèè anyùùŋ nɛɛmaŋ nyàŋ gbiŋ. Anyùùŋ màŋjɛ̀wɛ̀ Kanaà ko Etelè, naiŋ tɔ̀ùŋ zùùmo.

Juù 1:3

Nyɛiŋ nààŋ dàwi mànaim nyàŋ, tɔɔɓaa mìŋ yaà wa zoolo sɛmɛ e wànàŋ gbee sùà wèè ka sìngà ko nɛ̀ɛ̀iŋ niìŋ e nyaàiŋ dè e jòèyè nɛɛmaàŋ è naiŋ gòònò e fèemàŋ lɛ. Kɛɛ sɔɔ̀ ka sìngà kaiŋ dawè wèè naŋ dè e hààwe bi gòlò jɛwɛ e yèɛ wo Dayà naŋ kìɛ̀ŋ anyunùuŋ nyàŋ yèè e bà gbiŋ gò jòò jɛ̀wɛ̀ lɛ.