Nyɛ̀nɛ̀ŋ 9:10 - WƆŊ FƐ̀Ì EBÒ SÌÀŊ DAYÀA

¹⁰ Wo nyùùŋ màŋjɛ̀wɛ̀ Kanaà Jisɛ̀ɔ bà guùŋ yaà wa ko Dàmakɔ̀ àŋ nyaaŋ wo Ananaayà. Wo Kanaà nauŋ wa woò e gɔagòo sùà wààŋ, “Ananaayà!” Yèè wò naŋ fasàì wààŋ, “Miàŋ wɛɛ̀, Kanaà.”

Nyɛ̀nɛ̀ŋ 9:10 ပူးပေါင်းရင်းမြစ်များ

Nyɛ̀nɛ̀ŋ 10:3

Ke ɗɔ̀ɔ̀ guùŋ bà e gɔɛɛ gbòà taaà e koya gɔɛɛ, wo Kɔ̀nilìɔ̀ naŋ gò e gɔa, yèè wò naŋ yɛ̀mɛ̀ wo màìkà Dayà wò naŋ hnè ko nɛ̀ɛ̀uŋ niìŋ wò nauŋ woò wààŋ, “Kɔ̀nilìɔ̀!”

Nyɛ̀nɛ̀ŋ 11:5

Wò naŋ nyiŋ woò wààŋ, “E teengaà mìŋ yaà dài ko jawaì àŋ nyaaŋ Jɔpà ko zòòlò Dayà lɛ, mìŋ naŋ gò e gɔa yèè mìŋ naŋ yɛ̀mɛ̀ e nɛ̀ŋ bà mààŋ wɔŋ deè fàà gbee, wɔ̀ŋ yaà dèyà sùà e yìwìà ko àìjɛnɛ̀ŋ e teenè mààŋ anyùùŋ bà kùwà wuùŋ maŋ gènè tiinàŋ maŋ, wɔ̀ŋ naŋ hàì koɓɛ̀i mìŋ yaà lɛ yèè wɔ̀ŋ naŋ jɛi gìli.

Nyɛ̀nɛ̀ŋ 12:9

Wo Pììlɛ naŋ dè wo màikàa maŋjɛ̀wɛ aŋ fòlà. Kɛɛ wò naŋ wa gongò kɛ̀ e yèɛ kinɛiŋ yaà wa kaaiŋ lɛ̀ e fè wa tɔ̀ɔ̀nyaàŋ, wò naŋ wa gongò kɛ̀ è yaà wa nɔŋ e gɔa gòo.

Nyɛ̀nɛ̀ŋ 16:10

Nààŋ wo Pɔɔ̀ naŋ gò e gɔa lɛɛ̀, è naiŋ tɔ̀ɔ̀tù e ɗewe kàme wèè eiŋ kà ko Mɛ̀sèdonià. È naiŋ wa haawè kɛ̀ wo Dayà naŋ wi wa nyààŋ wèè e ka e daanèiŋ Ebò Siaàŋ koɓɛ̀ anyùùŋ nyaŋ koɓɛ̀ bi.

Nyɛ̀nɛ̀ŋ 16:9

Wɔŋ dùùm wiiŋ, wo Pɔɔ̀ naŋ gò e gɔa, wò naŋ yɛ̀mɛ̀ wo felaa bà e yìwìà ko Mɛ̀sèdonià wò siao wò yàaùŋ pɔɔwɔ wààŋ, “Hnaàŋ ko Mɛ̀sèdonià muŋ kpuumàŋ wi.”

Nyɛ̀nɛ̀ŋ 18:9

Wɔŋ dùùm guùŋ wo Pɔɔ̀ naŋ gò e gɔa, yèè e gɔagòo bi sùà wo Kanaà nauŋ woò wààŋ, “E jùù ɓɔ̀ è nyɛ̀nɛ̀um wèè kè mìè Kanaà gbòa kòɓɛ̀ ànyùùŋ nyaŋ, yèè ɓɔ̀ mùŋ hɔnè nyiŋ gbòa.

Nyɛ̀nɛ̀ŋ 2:17

Wo Dayà naŋ woò wààŋ, ‘Tɛɛ̀ mìŋ do nàŋ nyɛ̀nɛ̀ŋ maŋ ɗɔɔ dìàmaŋ màŋ sùà; mìŋ do nàŋ tùɔ̀ŋ wo Jinàŋ miɔ̀ŋ anyuùŋ kpùuŋ nyàŋ gbiŋ maŋjɛ̀wɛ. Aŋ jɔ̀àfelaaiŋ nyàŋ yaà aŋ jɔ̀à jɔùnùiŋ nyàŋ do nàŋ wòò anyùùŋ maŋ miè gbìaim màŋ. Aŋ kɔmɔŋjɔa bɔwɔiŋ nyàŋ do nàŋ gò gɔ̀à e jɛ̀ì, e kìlà anyuùŋ kàìŋ nyaŋ e tɛɛiŋ do nàŋ gò maŋ gɔa.

Nyɛ̀nɛ̀ŋ 22:12

“Wo kenàŋ bà yaà wa ko jawa gbee wii àŋ nyaaŋ wo Ananaayà, wo yèɔ hewa jɔ̀ɔ̀lɔ̀ maŋ Sàwà maŋ wo Dayà naŋ wa kìɛ̀ŋ wo Mòòze màŋ dìì, yèè aŋ Juùù nyaŋ gbiŋ heo wa joo nyàŋ hewa gbòà tɛ̀ɛ̀ weèuŋ.

Nyɛ̀nɛ̀ŋ 9:12

yèè e gɔagòo sùà wò naŋ yɛ̀mɛ̀ wo kenàŋ bà àŋ nyaaŋ Ananaayà wò naŋ hnè yèè wò nauŋ gbùwò maŋ kuàum màŋ diɛŋ wèè kɛ̀ wo Sɔɔ̀ yɛmɛ̀ ɓɛìŋ dìì.”

Nyɛ̀nɛ̀ŋ 9:9

Wò naŋ wa nɔ̀ŋ e fɛɛ̀ zììleuŋ bi sùà wèè maŋ ɗɔ̀ɔ̀ taai. Maŋ ɗɔ̀ɔ̀ taai bi sùà wo gò wa jènɛ̀ŋ ɔ̀ɔ̀ wo tìà è nɛ̀ŋ gbiŋ.

2 Kɔliìŋ 11:32

E teengaà mìŋ yaà ko Dàmakɔ̀ lɛ wo nyùùŋ gbèè fuɔɔ̀ŋ toomàŋ wo Kanaà Àlità dìì wɔ naŋ sèèlè anyùùŋ gààŋ wɔŋ gbàngì jawa gbeeì Dàmakɔ̀ feìŋ wèè aim kùwà.

Gàla 1:17

Miŋ gò wa kà kò Jùlusɛ̀làm kòɓɛ̀ àŋ yè nyaŋ yaà wa aŋ keela tàeɗùù paŋ ngàà mìŋ naŋ wa nɔ̀ŋ wo keela tàeɗùù lɛ. Kɛɛ, mìŋ naŋ wa kɔ̀ maŋ kpàlàùŋ kpàlàùŋ maŋ sùà ko Àlàbià, yèè eɓìèmàŋjɛ̀wɛ̀ tii, mìŋ naŋ kɔ ko jawaì gbeeì Dàmakɔ̀.