Nyɛ̀nɛ̀ŋ 8:7 - WƆŊ FƐ̀Ì EBÒ SÌÀŊ DAYÀA

⁷ Aŋ jinàŋ naanààŋ nyaŋ naŋ wa kpààŋ sɛiŋ aŋ fòlò anyuùŋ zimgbe ko sùà, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ yèè anyuùŋ kpɔ̀ɔ̀kpɔɔ nyàŋ zimgbe nyiŋ naŋ wa jòèyè.

Nyɛ̀nɛ̀ŋ 8:7 ပူးပေါင်းရင်းမြစ်များ

Maafiù 10:1

Wo Jisɛ̀ naŋ nyààŋ anyùùŋ màŋjɛ̀wɛ̀ zììyà jɛ̀wɛ̀ tìyèeuŋ nyàŋ, yèè wò naŋ nyiŋ kìɛ̀ŋ gààŋ wèè aŋ gè aŋ jinàŋ naanààŋ anyùùŋ maŋjɛ̀wɛ, e kìlà aŋ sùngà wo nyùnɔ̀ɔŋ gbiŋ kuwa e sàaŋ wɔ̀.

Maafiù 11:5

Anyuùŋ zììlè le fɛ̀ɛ̀ nyaŋ àŋ yɛ̀mɛ̀ dìì, yèè anyuùŋ gò ɓɛ̀nɛ̀ŋ kàaiŋ tɛ̀ɛ̀ nyaŋ àŋ kaaìŋ naàŋ tɛ̀ɛ̀. Anyuùŋ kɛ̀ɛ̀nɛ̀ŋ e sààŋ maŋkùnù nyaŋ àŋ nɔ̀ŋ zɛ̀nɛŋ nyiŋ, yèè anyuùŋ kpùɔ̀ŋ maŋ nùŋ nyaŋ komo naàŋ maŋ kàìŋ. Anyuùŋ fàa nyàŋ yèwà e fàaà dìì koɓɛ̀ wɔŋ nyiiŋ gèe, yèè àŋ wòò ke mìè gbìàŋ Ebò Siaàŋ koɓɛ̀ anyuùŋ pɔ̀ɔ nyàŋ.

Maafiù 4:24

Kpeiŋ ebò Jisɛ̀ɛ naŋ ɓààyè maŋ tàta màŋ gbiŋ sùà wɔŋ fùɔ̀ŋ Siilìàa, yèè anyùùŋ naŋ hìɛ̀ŋ anyuùŋ kɛ̀ɛ̀nɛ̀ŋ maŋ sàaŋ gɛ̀wɛɛ̀ nyaŋ gbiŋ ko nɛ̀ɛ̀uŋ niìŋ wèè wo nyiŋ sùngà. Aŋ bà nyiŋ kuwa wa e sààŋ aŋ jinàŋ naanààŋ, aŋ bà nyiŋ kuwa e sààŋ gbògàngè, yèè aŋ bà nyiŋ naŋ wa kpɔɔkpɔ̀ɔ̀. Wo Jisɛ̀ naŋ wa sùngò aŋ gbiŋ.

Luù 10:17

Anyuùŋ kpɛ̀ɛ̀ùŋ taai jɛ̀wɛ̀ zììyà jɛ̀wɛ̀ tìyèe nyàŋ naŋ kɛ̀ɛ̀ maŋjɛ̀wɛ e zɔlɔ̀ gbee sùà yèè àŋ naŋ wòo nyààŋ, “Kanaà, aŋ jinàŋ naanààŋ nyaŋ pɛɛ naŋ wi jɔ̀ɔ̀lɔ̀ dìì nààŋ è naŋ nyiŋ wòò e keì e deè mɔ̀ɛ̀ diɛŋ.”

Jɔ̀ɔŋ 14:12

Mìŋ yààìŋ wòò e tɔɔɓaaà, sèè nìŋ kɛɛnɛ̀ìm e hààwe ko sùà, nìŋ do nàŋ nyɛ̀nɛ̀ŋ maŋ kèì guùŋ maŋ mìŋ nyɛnɛŋ màŋ. Yèè nìŋ do ngèè nàŋ nyɛ̀nɛ̀ŋ maŋ gbeegbèè miŋ, nààŋ ngèè mìŋ yaà naàŋ kɔ̀ɔ̀yɛ̀ koɓɛ̀ Dèda miɔ̀ŋ ko àìjɛnɛ̀ŋ lɛ.

Nyɛ̀nɛ̀ŋ 5:16

Ke gbòò anyuùŋ zimgbe naŋ hnè e yìwìà maŋ jawa màŋ naŋ kìlìè ko Jùlusɛ̀làm maŋ, àŋ yaà hìaŋ sùà anyuùŋ sàaŋ nyiŋ nyàŋ yaà aŋ yè nyaŋ aŋ jinàŋ naanààŋ yaà wa maŋjɛ̀wɛ nyàŋ, yèè aŋ gbiŋ naŋ wa jòèyè.

Nyɛ̀nɛ̀ŋ 8:6

Anyùùŋ nyaŋ gbiŋ naŋ wa jàà maŋ nùŋ dìì tɛ̀ɛ̀ wèè aŋ kùmìàŋ e yèɛ wo Felè yaà wa woo lɛ̀, nààŋ wò yaà wa nyìnìè maŋ kèì mèè yèè maŋ tɔ̀ɔ̀màŋsèì keì.

Hiɓu 2:4

Wo Dayà wuŋ bi naŋ kìɛ̀ŋ ke mìè seì, nààŋ wò naŋ tɔ̀ɔ̀ maŋ tɔ̀ɔ̀màŋsèì keì, yèè maŋ kèè mèè, e kìlà wò naŋ wa kìɛ̀ŋ wo Jìnàŋ Nɛɛmaàŋ koɓɛ̀ wo nyùnɔ̀ɔŋ gbiŋ wò manaŋ wouŋ kiɛ̀ŋ wɔ.