Nyɛ̀nɛ̀ŋ 8:40 - WƆŊ FƐ̀Ì EBÒ SÌÀŊ DAYÀA

⁴⁰ Wo Felè naŋ wa yɛ̀mɛ̀ wuŋ bi wò yaà ko jawaì àŋ nyaaŋ ko Àzotɔ̀. Wò naŋ wa kìlìè maŋ jawa màŋ gbiŋ sùà wɔŋ fàà bi, e jèèsùà wo hàì ko Sesèlià, wo yaà wòò Ebò Siaàŋ e nyaàìŋ dè wo Jisɛ̀ koɓɛ̀ anyùùŋ nyaŋ.

Nyɛ̀nɛ̀ŋ 8:40 ပူးပေါင်းရင်းမြစ်များ

Nyɛ̀nɛ̀ŋ 10:1

Wo felaa bà yaà wa ko Sesèlià àŋ nyaaŋ wo Kɔ̀nilìɔ̀. Wuŋ nàŋ yaà wa wo nyuùŋ gbeeɔ̀ wèè ke gbòò aŋ kààlòòɗùà Luùm nyaŋ àŋ nyaaŋ nyààŋ “Ètaliɛ̀ŋ Jɔ̀àa.”

Nyɛ̀nɛ̀ŋ 10:24

Wɔŋ niìsìaà bàa àŋ naŋ hàì ko Sesèlià. Wo Kɔ̀nilìɔ̀ naŋ wa nyààŋ aŋ wùìyauŋ nyàŋ yèè aŋ dàwi mɔ̀ɔ̀nɔuŋ nyàŋ bà, esaɓù kɛ̀ àŋ yaà nyiŋ wa yɛ̀ɛ̀mɛ̀ dòmaŋ.

Nyɛ̀nɛ̀ŋ 11:11

Ko fɛɛ̀feìŋ aŋ fèlàà taai nyàŋ e yìwìà ko Sesèlià naŋ hnè ko gbooì mìŋ yaà wa lɛ̀.

Nyɛ̀nɛ̀ŋ 12:19

Wo Hɛɛlɔ̀ naŋ wa wòò aŋ kààlòòɗùàuŋ nyàŋ wààŋ aŋ kamèuŋ, kɛɛ aŋ gòuŋ wa yɛmɛ̀. Wo Hɛɛlɔ̀ naŋ nyiŋ dawè dàwè è naŋ jùò, yèè wò naŋ fè e gààŋ wèè aŋ jìwà aŋ kààlòòɗùà nyaŋ yaà wa tùnìàŋ sùà ke sààŋ nyìwìɛ nyàŋ. Eɓìèmàŋjɛ̀wɛ̀ tii, wo Hɛɛlɔ̀ naŋ yèwè ko Jùdià yèè wò naŋ kɔ̀ wèè wo nɔ̀ŋ ko Sesèlià wèè e teenga kpàa bà.

Nyɛ̀nɛ̀ŋ 18:22

Nààŋ wo Pɔɔ̀ naŋ hàì ko Sesèlià, wò naŋ kɔ̀ yèè wò naŋ zùùmò ke gbòò anyuùŋ hààwe nyàŋ, yèè wò naŋ kɔ̀ ko Aŋtiɔ̀.

Nyɛ̀nɛ̀ŋ 21:16

Anyuùŋ hààwe nyàŋ bà e yìwìà ko Sesèlià naŋ wi wa dè maŋjɛ̀wɛ yèè àŋ naŋ wi kɔ̀ɔ̀ ko gbòò Meesìŋ wèè eiŋ noo nɔ̀ŋ. Wo Meesìŋ yewe wa ko Sapulɔ̀ yèè wò yaà wa wo nyuùŋ hààweɔ̀ bà guùŋ e yìwìà ko tɔɔtuì.

Nyɛ̀nɛ̀ŋ 21:8

Wɔŋ niìsìaà bàa è naiŋ kɔ̀ ko Sesèlià; yèè è naiŋ kɔ̀ ko gbòò Felè, wo nyuùŋ gbòà ke mìè Dayàa. Wò yaà wa anyùùŋ nɔɔnɔŋ le tìyèe nyàŋ bà guùŋ wo yèɔ naŋ wa kpùùmò aŋ keela tàeɗùù nyaŋ, yèè àŋ naŋ nɔ̀ŋ ko nɛ̀ɛ̀uŋ niìŋ.

Nyɛ̀nɛ̀ŋ 23:23

Wo kànà aŋ kààlòòɗùà nyaŋ naŋ nyààŋ aŋ sìèfèìŋ aŋ kààlòòɗùàuŋ nyàŋ àŋ tìyèe yèè wò naŋ nyiŋ woò wààŋ, “Sèè wɔŋ dùmɔ̀ɔŋ gboo nɔɔnɔŋ le tiinàŋ wɔŋ dùùm wɛɛ̀ŋ, bànèbanè aŋ kààlòòɗùà hɔ̀nɔ̀ɔ̀ tìyèe yèè anyuùŋ dùùnyàŋ aŋ sòo kpɛ̀ùŋ taai jɛ̀wɛ̀ zììyà yaà anyuùŋ sùmìàŋ maŋ kpɛɛ aŋ hɔ̀nɔ̀ɔ̀ tìyèe wèè niŋ ka ko Sesèlià.

Nyɛ̀nɛ̀ŋ 23:33

Nààŋ àŋ naŋ hàì ko Sesèlià, àŋ naŋ kìɛ̀ŋ wɔŋ fɛiɔ̀ koɓɛ̀ wo Kanaà Filɛ̀ yèè àŋ naŋ kìlè wo Pɔɔ̀ ko nɛ̀ɛ̀uŋ niìŋ.

Nyɛ̀nɛ̀ŋ 25:1

Nààŋ wo Fɛtɔ̀ naŋ tɔ̀ɔ̀tù e tòmouŋ nɛ̀, maŋ ɗɔ̀ɔ̀ taai naŋ mààŋ yèè wò naŋ kɔ̀ ko Jùlusɛ̀làm e yìwìà ko Sesèlià.

Nyɛ̀nɛ̀ŋ 25:13

E teenga bà naŋ mààŋ yèè wo Kanaà Àgulepɔ̀ yaà wo jaauŋ nɔɔ̀ŋ Bɛ̀niìŋ naŋ hnè ko Sesèlià ko jààmè wo Fɛtɔ̀.

Nyɛ̀nɛ̀ŋ 25:4

Kɛɛ wo Fɛtɔ̀ naŋ nyiŋ woò wààŋ, “Wo Pɔɔ̀ do nàŋ nɔ̀ŋ ko Sesèlià, esaɓù kɛ̀ miàŋ bì mìŋ doo nàŋ kɛɛ̀ e teenga kpuu sùà.

Nyɛ̀nɛ̀ŋ 25:6

Wo Fɛtɔ̀ naŋ nɔ̀ŋ ko Jùlusɛ̀làm wèè maŋ ɗɔ̀ɔ̀ nɔɔnɔŋ le taai ɔ̀ɔ̀ maŋ ɗɔ̀ɔ̀ zììyà paŋgàà wò naŋ kɛ̀ɛ̀ maŋjɛ̀wɛ ko Sesèlià. Wɔŋ niìsìaà bàa wò naŋ jɛ̀ì ke kpùà kanauŋ nɛɛ̀ŋ diɛŋ yèè wò naŋ nyɛ̀nɛ̀ŋ aŋ kààlòòɗùà nyaŋ aŋ hìàŋ wo Pɔɔ̀ ko fɛɛ̀feìŋ.

Nyɛ̀nɛ̀ŋ 8:25

Yèè nààŋ wo Pììlɛ yèè wo Jɔ̀ɔŋ naŋ wa naàŋ kìɛ̀ŋ ke miè gbìaàŋ e nyaàiŋ dè wo Kanaà Dayà, àŋ naŋ kɛ̀ɛ̀ maŋjɛ̀wɛ ko Jùlusɛ̀làm. Àŋ naŋ wòò ke mìè gbìàŋ Ebò Siaàŋ maŋ vàà Sàmilià maŋ zimgbe miŋ sùà nààŋ àŋ yaà wa kɔɔyɛ.

Nyɛ̀nɛ̀ŋ 9:30

Yèè nààŋ anyuùŋ hààwe nyàŋ naŋ tɛɛ̀ kòmò, aŋ naŋ kɔ̀ɔ̀ wo Sɔɔ̀ ko Sesèlià, yèè àŋ nauŋ tùɔ̀ŋ ko Tasɔ̀.

Luùm 15:19

Tɔɔɓaa, mìŋ doiŋ nàŋ wòò e ɗeweɛ̀ wo Jisɛ̀ Kulaì naŋ wa tɔ̀ɔ̀ e tɔ̀ɔ̀màŋsèì maŋ keì, yèè wò naŋ nyɛ̀nɛ̀ŋ maŋ kèè mèè e yìwìà e gààŋ wo Jìnàŋ Nɛɛmaàŋ sùà. Kà wòò Ebò Siaàŋ e nyaàiŋ euŋ dè e yìwìà ko jawa gbeeì Jùlusɛ̀làm e kà ko Ilekùùm.