Nyɛ̀nɛ̀ŋ 8:36 - WƆŊ FƐ̀Ì EBÒ SÌÀŊ DAYÀA

³⁶ Yèè nààŋ àŋ yaà wa naàŋ kɔɔyɛ ke dòmaàŋ diɛŋ, àŋ naŋ hàì koɓɛ̀ e wùìyè bà. Wo nyùùŋ gbèè fuɔɔ̀ŋ naŋ wòò wo Felè wààŋ, “Yɛ̀mɛ̀, e wùìyè lɛɛ̀ kià, esaɓù bà kòò è yao eim kèèwè kùàŋ feìŋ wèè miŋ go nàŋ nɔ̀ŋ gùaim?” [

Nyɛ̀nɛ̀ŋ 8:36 ပူးပေါင်းရင်းမြစ်များ

Maafiù 3:11

Sèè è nɔ̀ŋ wèè miàŋ, mìŋ yààìŋ nɔŋ gùùyà sùà e wùìyè wèè e tɔɔ̀ kɛ̀ nàŋ fè maŋ tùwo naanààiŋ màŋ jɛwɛ. Kɛɛ wo nyùùŋ bà kòò wò yaà hinie eɓìèmàŋjɛ̀wɛ̀ miàŋ, wò kuwa e gààŋ eim nìàŋ, yèè miŋ siàŋ ngèè pɛɛ tɛ̀ɛ̀ wèè ka kòà màŋ bauŋ màŋ. Kɛɛ wuŋ, wò doiŋ nàŋ gùùyè wo Jìnàŋ Nɛɛmaàŋ yèè e hmɔ̀ɔ̀ŋ.

Maafiù 3:6

Àŋ naŋ wa wòò maŋ keì naanààŋ nyiŋ màŋ, yèè wo Jɔ̀ɔŋ naŋ nyiŋ wa gùò e Wùìyè Jɔɔɗììŋ nɛ̀ sùà.

Jɔ̀ɔŋ 3:23

Wo Jɔ̀ɔŋ wuŋ pɛɛ wò yaà wa ko jawaì àŋ nyaaŋ ko Enɔ̀ŋ, e gbɛ̀ɛ̀ ko Sàliìm. E wuiyè zimgbe yaà wa koɓɛ̀ bi, e kìlà anyùùŋ yaào wa kɔɔyɛ yèè wo Jɔ̀ɔŋ naŋ nyiŋ noo guuyè e wùìyè bi sùà.

Jɔ̀ɔŋ 3:5

Wo Jisɛ̀ naŋ fasaì wààŋ, “Miŋ woòum e tɔɔɓaaà kɛ̀, wo nyùùŋ gbiŋ fè ɓɛ̀nɛ̀ŋ nɔ̀ŋ wò bàuŋbà è Kànà Dayàa sùà sèè wo gò nɔ̀ŋ kòmauŋ e yìwìà è wùìyè yaà wo Jìnàŋ wo Kanaà Dayà.

Nyɛ̀nɛ̀ŋ 10:47

“Wo nyùùŋ gbiŋ ɓɛ̀nɛ̀ŋ kèèwè anyùùŋ nyɛɛ̀ŋ naŋ yaà yɛ̀mɛ̀ wo Jìnàŋ Nɛɛmaàŋ nyaŋ kùàŋ feìŋ wèè aŋ go nàŋ nɔ̀ŋ gùùya nyiŋ e wùìyè? Tiŋ zà yàwì bi pɛɛ èiŋ wa yɛ̀mɛ̀ wo Jìnàŋ Nɛɛmaàŋ.”

Nyɛ̀nɛ̀ŋ 8:37

Wo Felè nauŋ woò wààŋ, “Màŋ ɓɛ̀nɛ̀ŋ nɔ̀ŋ gùaum sèè mùŋ kɛɛnɛ̀ŋ e hààwe ke jii mɔɛ̀ŋ gbiŋ sùà.” Wo nyùùŋ gbèè fuɔɔ̀ŋ naŋ fasàì wààŋ, “Mìŋ kuwa e hààweɛ̀; kà haawè kɛ̀ wo Jisɛ̀ Kulaì nàŋ yaà wo Jɔ̀àfèlàà Dayàa.”]

1Jɔ̀ɔŋ 5:6

Wo Jisɛ̀ Kulaì nàŋ yaà wo yeɔ̀ naŋ wa hìɛ̀ŋ e wuiyè gùùyeuŋ nɛ̀ yèè maŋ sɛ̀ìŋ e fàauŋ nɛ̀. Wo gò wa nɔŋ hìàŋ è wùìyèɛ tiŋ guùŋ, kɛɛ wò naŋ wa hìɛ̀ŋ e wùìyèɛ yaà maŋ sɛ̀ìŋ maŋ. Yèè wo Jinàaŋ Dayàa wuŋ bi naŋ kìɛ̀ŋ ke mìè seì kɛ̀ tɛɛ̀ yaà e tɔ̀ɔ̀nyaàŋ, esaɓù kɛ̀ wo Jinàaŋ Dayàa wuŋ bi yaà e tɔ̀ɔ̀nyaàŋ.