Nyɛ̀nɛ̀ŋ 8:35 - WƆŊ FƐ̀Ì EBÒ SÌÀŊ DAYÀA

³⁵ Wo Felè naŋ tɔ̀ɔ̀tù gbòa e yìwìà koɓɛ̀ yaà wɔŋ fɛ̀ì Dayàa sùà, yèè wò nauŋ wòò Ebò Siaàŋ e nyaàiŋ dè wo Jisɛ̀.

Nyɛ̀nɛ̀ŋ 8:35 ပူးပေါင်းရင်းမြစ်များ

Maafiù 5:2

yèè wò naŋ nyiŋ tɔ̀ɔ̀tù kàa wààŋ,

Luù 24:27

Wo Jisɛ̀ naŋ nyiŋ kpìnìè maŋ keì maŋ gbiŋ yaà sìnga miŋ màŋ wɔŋ fɛ̀ì Dayàa sùà e nyaàiŋ dè wuŋ bi, e yìwìà maŋ Sàwà Mòòze màŋ yèè maŋ fɛ̀ì aŋ wɛ̀ijì nyaŋ gbiŋ sùà.

Nyɛ̀nɛ̀ŋ 10:34

Wo Pììlɛ naŋ tɔ̀ɔ̀tù gbòa wààŋ, “Kà naàŋ nyìmàŋ kɛ̀ è yaà tɔ̀ɔ̀nyaàŋ kɛ̀ wo Dayà kuwà wò nyuùŋ mànaŋ titi, kɛɛ wò manaŋ anyùùŋ nyaŋ gbiŋ e seenè kpaŋ.

Nyɛ̀nɛ̀ŋ 11:20

Aŋ Juùù gbòà Guliì mie nyaŋ bà nyiŋ e yìwìà ko Sapulɔ̀ yèè ko Sàlinìŋ naŋ wa kɔ̀ ko Aŋtiɔ̀ yèè àŋ naŋ tɔ̀ɔ̀tù Ebò Siaàŋ kìɛ̀ŋ nyaàiŋ dè wo Kanaà Jisɛ̀ koɓɛ̀ anyùùŋ nyaŋ fè àŋ Juùù nyaŋ.

Nyɛ̀nɛ̀ŋ 17:18

Maŋ gbòò anyuùŋ tɔ̀ɔ̀ fɛi bà aŋ nyaaŋ Ɛpekuliɛ̀ŋ yèè Sutɔ̀ naŋ hnè yèè yaà nyiŋ naŋ tɔ̀ɔ̀tù kpàànè kpaane. Anyùùŋ bà yaà wa daawe nyààŋ, “Ɓòò nàŋ yaà wo nyuùŋ gò nyìmàŋ keì fèemàŋ wɛɛ̀, yèè kiìŋ wò manaŋ wo wòò?” Aŋ bà nyiŋ naŋ woò nyààŋ, “È yaà mààŋ wo Pɔɔ̀ wò yaà wòò e kèè aŋ dàyà fuɔŋ joo bà, Tii naŋ tɔɔ̀ kɛ̀ wò yaà wa wòò e kèè wo Jisɛ̀ yèè anyùùŋ nyaŋ do nàŋ yèwè e fàaà dìì nyaŋ.”

Nyɛ̀nɛ̀ŋ 18:28

Wò naŋ wa gììyè aŋ Juùù nyaŋ maŋhɛɛ yèè yaà nyiŋ naŋ kpaane kpàànè ko ɓài. Yèè wò naŋ nyiŋ tɔɔ̀ janyai e yìwìà wɔŋ fɛ̀ì Dayàa sùà kɛ̀ wo Jisɛ̀ nàŋ yaà wo Kulaìɔ wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

Nyɛ̀nɛ̀ŋ 19:13

Aŋ Juùù nyaŋ bà nyiŋ naŋ tɔ̀ɔ̀tù kà maŋ tàta màŋ sùà àŋ yaà kààmè ɗewe wèè aŋ gè aŋ jinàŋ naanààŋ anyùùŋ maŋjɛ̀wɛ e dèè Kanaà Jisɛ̀ diɛŋ. Àŋ naŋ wa wòò aŋ jinàŋ naanààŋ nyaŋ nyààŋ, “Fòlaìŋ anyùùŋ nyaŋ ko sùà e dèè wo Jìsɛ̀ guùŋ wii wo Pɔɔ̀ naŋ yɛi wòò kiiuŋ wo sùà!”

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Nyɛ̀nɛ̀ŋ 3:20

Sèè nìŋ nyɛnɛŋ yɛi, e teenga do nàŋ hnè nìŋ do nàŋ nyìmè kɛ̀ wo Kanaà Dayà kòò wò yààìŋ kìɛ̀ŋ sùà kpùùmaŋ, e kìlà ke ɗɔ̀ɔ̀ guùŋ wò do nàŋ tùɔ̀ŋ wo Kanaà Jisɛ̀, wo yèɔ wò naŋ naàŋ tàeɗùù tɛ wɔ̀, wo Kulaìɔ, wèè wo hiàŋ e jòèye e ɗuunyaàŋ e weèiŋ.

Nyɛ̀nɛ̀ŋ 5:42

Ke ɗɔɔ gbiŋ àŋ hewa kà ko Saaŋ Zòòlò Dayài yaà maŋ saaŋ joo dìì wèè aŋ wòò ke mìè gbìàŋ Ebò Siaàŋ nyaàiŋ dè wo Kanaà Jisɛ̀, wo yèɔ wo Dayà naŋ tàeɗùù wèè wo joeyè e ɗuunyaàŋ wɔ.

Nyɛ̀nɛ̀ŋ 8:34

Yèè wo nyùùŋ gbèè fuɔɔ̀ŋ naŋ dàwè wo Felè wààŋ, “Wòòim, kèè ɓòò wo wɛ̀ijìɔ yaà wa woo kià, wuŋ bi ɔ̀ɔ̀ wo nyuùŋ joo bà?”

Nyɛ̀nɛ̀ŋ 9:20

E bìyao sùà wò naŋ wa kɔ̀ ko sààŋ zòòlò aŋ Juùù nyaŋ yèè wò naŋ tɔ̀ɔ̀tù anyùùŋ nyaŋ wòo wààŋ wo Jisɛ̀ nàŋ yaà wo Jɔ̀àfèlàà Dayàa.

1 Kɔliìŋ 1:23

Kɛɛ sèè è nɔ̀ŋ wèè yàwi, è woàìŋ kɛ̀ àŋ naŋ wa jìwìè wo Jisɛ̀ Kulaìɛ wɔŋ vànèkpaàa diɛŋ. Ke miè gbìaŋ bi zà nàŋ sie aŋ Juùù nyaŋ e wùàŋ, yèè koɓɛ̀ anyùùŋ nyaŋ fè àŋ Juùù nyaŋ àŋ gongà kɛ̀ è yaà e ɓàaɓàa,

1 Kɔliìŋ 2:2

E teengaà mìŋ yaà ko nɛ̀ɛ̀iŋ niìŋ lɛ, mìŋ naŋ wa ɗewè wèè ka nyɛɛnɛ̀ŋ wèè e keì gbiŋ sɔɔ̀ nɔŋ e kèè Jisɛ̀ Kulaì, kai kai ngèè e kèè e jìwauŋ nɛ̀ wɔŋ vànèkpaàa diɛŋ.

2 Kɔliìŋ 6:11

Èiŋ gbòà e kɔɔ janjai nyɛ̀iŋ nààŋ nyùùŋ Kɔliìŋ nyaŋ, yèè èiŋ yìlè maŋ jii wi màŋ gbòlòùŋ.

Ɛfesɔ̀ 4:21

Nìŋ naŋ kòmò e kiiuŋ, yèè nààŋ nìŋ yaà anyùùŋ màŋjɛ̀wɛ̀uŋ nyàŋ lɛ, àŋ naiŋ kàà e tɔ̀ɔ̀nyaàaŋ è yaà wo Jisɛ̀ Kulaì sùà lɛ.