Nyɛ̀nɛ̀ŋ 8:30 - WƆŊ FƐ̀Ì EBÒ SÌÀŊ DAYÀA

³⁰ Wo Felè naŋ kɔ̀ɔ̀ maŋ dùaŋ dùaŋ koɓɛ̀ wo kenàaŋ yèè wò nauŋ kumiè wò yaà kpìnìè wɔŋ fɛ̀ì wɛ̀ijìɔ Àzaayà. Wo Felè nauŋ dawè wààŋ, “Màŋ nyìmàŋ kɛ̀ kiɛ̀ŋ mùŋ yaà kpinie?”

Nyɛ̀nɛ̀ŋ 8:30 ပူးပေါင်းရင်းမြစ်များ

Maafiù 13:19

Anyuùŋ kpùuŋ nyàŋ yè nyaŋ komo ke mìè gbìàŋ e Kànà Dayàa, kɛɛ aŋ fè nyiŋ nyìmàŋ yɛ, àŋ yaà mààŋ manɛ̀ŋ koei màŋ naŋ sɔ̀ɔ̀ ke dòmaàŋ diɛŋ màŋ. Àŋ komo nɔŋ ke mìè Dayàa fa, wo Nyuùŋ kɛ̀ɛ̀nɛ̀ŋ ke Kpèè Naanààaŋ hnàŋ wò gè ke mìè bi maŋ jii nyiŋ màŋ sùà.

Maafiù 13:23

Kɛɛ aŋ bà nyiŋ yaà mààŋ manɛ̀ŋ koei màŋ naŋ sɔ̀ɔ̀ e diì sìàaŋ diɛŋ lɛ̀, àŋ komo ke mìè Dayàa, aŋ nyiŋ jàà kùàŋ dìì, aŋ nyiŋ haawè. Aŋ bà nyiŋ komo e komàŋ hɔ̀nɔ̀ɔ̀ guùŋ, aŋ bà nyiŋ komo e komàŋ kpɛ̀ùŋ jɛ̀wɛ̀ zììyà, yèè aŋ bà nyiŋ komo e komàŋ kpɛ̀ùŋ taai.”

Maafiù 13:51

Wo Jisɛ̀ naŋ dàwè anyùùŋ màŋjɛ̀wɛ̀uŋ nyàŋ wààŋ, “Nàŋ nyìmàŋ maŋ keì mɛɛ̀ŋ gbiŋ?” Yèè àŋ naŋ fasàì nyààŋ, “Hɛ̀ɛɛ̀ŋ, èiŋ miŋ nyìmàŋ.”

Maafiù 15:10

Wò Jisɛ̀ naŋ nyààŋ anyùùŋ nyaŋ ko nɛ̀ɛ̀uŋ niìŋ yèè wò naŋ nyiŋ woò wààŋ, “Kumianìim tɛɛ̀, yèè niŋ nyìmàŋ niŋ.

Maafiù 24:15

“Maŋ ɗɔɔ bà nìŋ do nàŋ yɛ̀mɛ̀ e kèì jùù è yaà ko zòòlò nɛɛmaìŋ, màànààŋ nɔŋ wo wɛ̀ijìɔ Dànyaŋ naŋ wa woò lɛ.” (Tɔ̀ wo nyùnɔ̀ɔŋ yaà kpìnìè wɔŋ fɛiɔ̀ lɛ wo nyìmàŋ kɛ̀ kiìŋ tɛɛ̀ naŋ fasàì.)

Jɔ̀ɔŋ 4:34

Wo Jisɛ̀ naŋ nyiŋ fasàì wààŋ, “E nɛ̀ŋje mɛ̀ nàŋ yaà wèè ka nyɛ̀nɛ̀ŋ e yèɛ wo Dayà naim tùɔ̀ŋ wèè ka nyɛ̀nɛ̀ŋ lɛ. Wuŋ naim tùɔ̀ŋ, yèè mìŋ kuwa ka kpɛ̀ɛ̀yɛ̀ e tòmoɛ̀ wò naim kiɛ̀ŋ wèè ka nyɛ̀nɛ̀ŋ lɛ.

Jɔ̀ɔŋ 5:39

Nìŋ kpɛnɛŋ wɔŋ fɛ̀ì Dayàa, esaɓù nìŋ naŋ gongò kɛ̀ maŋ fɛi bi sùà nìŋ do nàŋ yɛ̀mɛ̀ wɔŋ nyiiŋ gèe gò jùà. Yèè wɔŋ fɛ̀ì guùŋ bi naŋ kìɛ̀ŋ ke mìè seì ko nɛ̀ɛ̀iŋ niìŋ e nyaàiŋ eim dè.

Nyɛ̀nɛ̀ŋ 8:27

Wo Felè naŋ yèwè dìì wo ka. Wò naŋ wa mɛ̀ɛ̀ŋ wo nyùùŋ gbèè wɔŋ fùɔ̀ŋ Itìopìàa bà guùŋ ke dòmàŋ guùŋ bi diɛŋ wò jaa wɔŋ gɔ̀ sòouŋ nɔɔ̀ŋ sùà. Wo felaa bi nàŋ sia wa e kèè e sùlò nɛɛnɛɛ̀ŋ feìŋ wèè wo jɔùŋ kana gbeeɔ̀ àŋ nyaaŋ Kandeì wèè wɔŋ fùɔ̀ŋ Itìopìàa. Wo kenàŋ gbeeɔ̀ naŋ wa kɔ̀ ko Jùlusɛ̀làm ko zoolo, yèè wò yaà wa naàŋ kɛ̀ɛ̀ sùà maŋjɛ̀wɛ ko jawauŋ noo. Wò yaà wa kpìnìè wɔŋ fɛi e yìwìà wɔŋ fɛ̀ì wɛ̀ijìɔ Àzaayà nààŋ wò yaà wa kɔɔyɛ wɔŋ gɔ̀sòouŋ nɔɔ̀ŋ sùà wɔŋ yèɔ aŋ sòo nyàŋ gɔɛɛ dìì wɔŋ.

Nyɛ̀nɛ̀ŋ 8:29

Yèè wo Jinàŋ Nɛɛmaàŋ naŋ wòò wo Felè wààŋ, “Kɔ̀à koɓɛ̀ wɔŋ gɔ̀ sòo wiiŋ yèè muŋ sie wuŋ kɔɔ fɔ̀ɔ̀.”

Nyɛ̀nɛ̀ŋ 8:31

Wo kenàaŋ naŋ fasàì wààŋ, “Diè mìŋ naŋ niŋ ɓɛ̀nɛ̀ŋ nyìmaŋ sèè wo nyùùŋ go niŋ gɔ̀ì sùà ko nɛ̀ɛ̀ŋ miìŋ?” Yèè wò naŋ pɔ̀wɔ̀ wo Felè wèè wo jòwà wɔŋ gɔ̀sòoɔ̀ sùà wo jɛi nyiuŋ kɔɔ.

Nyɛ̀nɛ̀ŋ 8:5

Wo Felè naŋ wa kɔ̀ ko jawa gbee bà ko Sàmilià yèè wò nao wòò ke miè gbìaàŋ koɓɛ̀ anyùùŋ nyaŋ e nyaàiŋ dè e kèè wo yèɔ wo Dayà naŋ tàeɗùù wèè wo hìàŋ e jòèye e ɗuunyaàŋ wɔ.

1 Kɔliìŋ 14:19

Kɛɛ ke gbòò anyuùŋ hààwe nyàŋ sùà, kà mànàŋ wèè ka gbòà maŋ mìè nɔɔnɔŋ maŋ yè maŋ wo nyùùŋ naŋ ɓɛ̀nɛ̀ŋ jàà jii màŋ, e wèè ka kàà anyùùŋ bà, wèè ka gbòà maŋ miè tààsùùŋ guùŋ maŋ kaìŋ joo sùà.

Ɛfesɔ̀ 5:17

Sèè è nɔ̀ŋ yɛi, kɛ̀ ɓɔ̀ nìŋ nɔ̀ŋ ànyuùŋ gò kɛ̀ɛ̀nɛ̀ŋ jiikɛ̀ɛ, kɛɛ fɛ̀ɛìŋ niŋ nyìmàŋ kɛ̀ kiìŋ wo Kanaà manaŋ wèè naŋ nyɛ̀nɛ̀ŋ.

Maŋ kèì nyɛɛnɛŋ 13:18

Wo nyùnɔ̀ɔŋ gbiŋ kuwa e jiikɛ̀ɛ wɔ̀, wo gongò sèè mààŋ kiìŋ wɔŋ fìgà wo yilì kùùno wɛɛ̀ŋ naŋ fasàì, esaɓù kɛ̀ wɔŋ figà wɛɛ̀ŋ wɔ̀ŋ sia wèè e dèè wo nyùùŋ. Wɔŋ figà bi nàŋ yaà, hɔ̀nɔ̀ɔ̀ nɔɔnɔŋ dièguùŋ kpɛ̀ùŋ taai jɛ̀wɛ̀ nɔɔnɔŋ dièguùŋ (666).