Nyɛ̀nɛ̀ŋ 8:29 - WƆŊ FƐ̀Ì EBÒ SÌÀŊ DAYÀA

²⁹ Yèè wo Jinàŋ Nɛɛmaàŋ naŋ wòò wo Felè wààŋ, “Kɔ̀à koɓɛ̀ wɔŋ gɔ̀ sòo wiiŋ yèè muŋ sie wuŋ kɔɔ fɔ̀ɔ̀.”

Nyɛ̀nɛ̀ŋ 8:29 ပူးပေါင်းရင်းမြစ်များ

Nyɛ̀nɛ̀ŋ 10:19

Nààŋ wo Pììlɛ yaà wa nɔŋ gòòngò e kèè e fàsàì e gɔaà, wo Jìnàŋ Nɛɛmaàŋ nauŋ woò wààŋ, “Aŋ felaa bà kòò àŋ yaà kià ko kaameum.

Nyɛ̀nɛ̀ŋ 11:12

Wo Jìnàŋ Nɛɛmaàŋ naim woò wààŋ miŋ dè nyiŋ maŋjɛ̀wɛ e kaiŋ e kìlà wààŋ ɓɔ̀ mìŋ gè màŋhɛɛ. Anyuùŋ hààwe nyàŋ àŋ nɔɔnɔŋ dièguùŋ naim dè maŋjɛ̀wɛ e yìwìà ko Jɔpà yèè è naiŋ kɔ̀ ko Sesèlià, yèè yàwi nààŋ gbiŋ naiŋ jɔ̀ ko sààŋ Kɔ̀nilìɔ̀.

Nyɛ̀nɛ̀ŋ 21:11

Wo wɛ̀ijìɔ naŋ ɓèmè e tɛkìɛ wo Pɔɔ̀ dikìà wa e tɛɛ lɛ̀, yèè wò naŋ niŋ dìkìè wuŋ bi maŋ gòlò yèè maŋ kùàŋ. Yèè wò naŋ woò wààŋ, “Tɛɛ̀ wo Jìnàŋ Nɛɛmaàŋ naŋ woò, kɛ̀ anyùùŋ gbèègbèè aŋ Juùù nyaŋ bà ko Jùlusɛ̀làm do nàŋ dèkè wo nyùnɔ̀ɔŋ kanaŋ e tɛkì lɛɛ̀ wɔ, yèè àŋ douŋ nàŋ kìlè koɓɛ̀ anyùùŋ nyaŋ fè àŋ Juùù nyaŋ.”

Nyɛ̀nɛ̀ŋ 28:25

Nààŋ aŋ gò wa nyimèè nyiŋ wouwòù è fèemàŋ, àŋ naŋ tɔ̀ɔ̀tù kàa. Kɛɛ wo Pɔɔ̀ naŋ nyiŋ tɛɛ̀ woò wààŋ, “Wo Jìnàŋ Nɛɛmaàŋ naŋ wa wòò e keì kɛnɛɛ̀ e teengaà wò naŋ wa tùɔ̀ŋ wo wɛ̀ijìɔ Àzaayà lɛ,

Nyɛ̀nɛ̀ŋ 8:26

Kɛɛ wo màìkà Kanaà naŋ wòò wo Felè wààŋ, “Yewà dìì yèè muŋ ka ko tèèngà ko jèè gɔɛɛ̀ koɓɛ̀ ke dòmàŋ ke fòùngà e diì wòaà ke yèɛ deye ko Gaazà lɛ e yìwìà ko Jùlusɛ̀làm.”

Nyɛ̀nɛ̀ŋ 8:30

Wo Felè naŋ kɔ̀ɔ̀ maŋ dùaŋ dùaŋ koɓɛ̀ wo kenàaŋ yèè wò nauŋ kumiè wò yaà kpìnìè wɔŋ fɛ̀ì wɛ̀ijìɔ Àzaayà. Wo Felè nauŋ dawè wààŋ, “Màŋ nyìmàŋ kɛ̀ kiɛ̀ŋ mùŋ yaà kpinie?”

Nyɛ̀nɛ̀ŋ 8:39

E teengaà àŋ naŋ fòlò e wùìyèɛ sùà lɛ, wo Jìnàŋ wo Kanaà Dayà naŋ nyɛ̀nɛ̀ŋ wo Felè wo jɔɔnɔ̀ŋ ko fɛɛ̀feìŋ. Wo nyuùŋ gbeeɔ̀ gòuŋ wa ɓɛìŋ yɛmɛ̀ gbiŋ, kɛɛ wuŋ noo kenàaŋ naŋ kɔ̀ɔ̀ e zɔlɔ̀ e jouŋ nɛ̀ sùà.

1 Kɔliìŋ 12:11

Kɛɛ wo Jìnàŋ guùŋ kpò wɛɛ̀ nàŋ nyɛnɛŋ maŋ keì mɛɛ̀ŋ gbiŋ, nààŋ wò manaŋ lɛ̀. Maŋ kìɛŋ màŋ gbiŋ yaà gbàgbà koɓɛ̀ nyùùŋ gbiŋ.

1Time 4:1

Wo Jìnàŋ Nɛɛmaàŋ naŋ woò janjai wààŋ anyuùŋ nyaŋ bà nyiŋ do naŋ fè e hààweɛ̀ jɛwɛ teenga kpuu sùà, àŋ do naŋ jɔ̀ɔ̀lɔ̀ aŋ jinàŋ tòa dìì, e kìlà aŋ dè e kàà aŋ jinàŋ naanààŋ maŋjɛ̀wɛ.

Hiɓu 3:7

Weètii, nààŋ wo Jìnàŋ Nɛɛmaàŋ naŋ woò lɛ, “Sèè nìŋ komo nàaŋ kè mìè Dayàa,