Nyɛ̀nɛ̀ŋ 8:25 - WƆŊ FƐ̀Ì EBÒ SÌÀŊ DAYÀA

²⁵ Yèè nààŋ wo Pììlɛ yèè wo Jɔ̀ɔŋ naŋ wa naàŋ kìɛ̀ŋ ke miè gbìaàŋ e nyaàiŋ dè wo Kanaà Dayà, àŋ naŋ kɛ̀ɛ̀ maŋjɛ̀wɛ ko Jùlusɛ̀làm. Àŋ naŋ wòò ke mìè gbìàŋ Ebò Siaàŋ maŋ vàà Sàmilià maŋ zimgbe miŋ sùà nààŋ àŋ yaà wa kɔɔyɛ.

Nyɛ̀nɛ̀ŋ 8:25 ပူးပေါင်းရင်းမြစ်များ

Maafiù 10:5

Nààŋ wo Jisɛ̀ naŋ banebànè wèè wo tùàŋ a keela tàeɗùù zììyà jɛ̀wɛ̀ tìyèe nyàŋ, wò naŋ nyiŋ woò wààŋ, “Ɓɔ̀ nìŋ ka kò jàwà ànyùùŋ nyaŋ fè àŋ Juùù nyaŋ ɔ̀ɔ̀ màŋ jàwà ànyùùŋ fùɔ̀ŋ Sàmilià nyaŋ bà gbiŋ sùà.

Luù 16:28

Kòò mìŋ kuwao aŋ wùìyà nyùùŋ nɔɔnɔŋ. Wòouŋ wo ka wo kiɛ̀ŋ nyiŋ e goò wèè kɛ̀ aŋ go nàŋ hnè koɓɛ̀ keì nyìnga yaà.’

Jɔ̀ɔŋ 15:27

Yèè nyɛ̀iŋ pɛɛ nìŋ do nàŋ nɔ̀ŋ aŋ sèì, esaɓù kɛ̀ èiŋ nɔ̀ŋ koɓɛ̀ guùŋ e yìwìà ko tɔ̀ɔ̀tù maŋ keì mɛɛ̀ŋ gbiŋ.

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 13:12

E kàa kii lɛɛ̀ naŋ wa fòònò wo nyuùŋ gbeeɔ̀ nààŋ wò naŋ yɛ̀mɛ̀ e yèɛ naŋ wa kaaìŋ lɛ e nyaàiŋ dè wo Kanaà. Kpeiŋ wò naŋ sìè e hààweuŋ nɛ̀ wo Kanaà sùà.

Nyɛ̀nɛ̀ŋ 18:5

Kɛɛ nààŋ wo Silà yaà wo Timetè naŋ kɛ̀ɛ̀ maŋjɛ̀wɛ e yìwìà ko Mɛ̀sèdonià, e tòmò Pɔɔ̀ɛ wò yaà wa nyinie lɛ̀ nàŋ yaà ke mìè gbìàŋ Dayàa gbòa koɓɛ̀ aŋ Juùù nyaŋ, kɛ̀ wo Jisɛ̀ nàŋ yaà wo Kulaìɔ wo Dayà naŋ tàeɗùù wɔ wèè wo hìàŋ e jòèye koɓɛ̀ anyùùŋ nyaŋ e ɗuunyaàŋ.

Nyɛ̀nɛ̀ŋ 20:21

Mìŋ naŋ wòò aŋ Juùù yèè anyùùŋ nyaŋ fè àŋ Juùù nyaŋ kɛ̀ aŋ fè maŋ tùwo naanààŋ nyiŋ màŋ jɛwɛ wèè aŋ kìlà koɓɛ̀ Dayài yèè aŋ kɛɛnɛ̀ŋ hààwe wo Kana wiɔ̀ Jisɛ̀ sùà.

Nyɛ̀nɛ̀ŋ 28:23

Nààŋ àŋ naŋ tɔ̀ɔ̀ e teenga wèè aŋ mɛ̀ɛ̀ŋ wo Pɔɔ̀, aŋ zimgbe nyiŋ naŋ wa hnè ko gbooì wò joà lɛ ke ɗɔɔ yii. Wo Pɔɔ̀ naŋ gbòò ko nɛ̀ɛ̀ŋ nyiŋ niìŋ e nyaàiŋ dè e Kànà Dayàa e yìwìà maŋ nyiìŋ tɛ̀tɛ̀ e jèèsùà e gɔɛɛ hàì ko ɗìò tɛɛ. Wò naŋ gbòò ko nɛ̀ɛ̀ŋ nyiŋ niìŋ e yìwìà maŋ Sàwà maŋ wo Dayà naŋ wa kìɛ̀ŋ wo Mòòze màŋ yèè maŋ keì wòo màŋ e yìwìà maŋ fɛ̀ì aŋ Wɛ̀ijì nyaŋ sùà wèè wo kamè ɗewe aŋ kɛɛnɛ̀ŋ e hààwe wo Jisɛ̀ sùà.

Nyɛ̀nɛ̀ŋ 28:28

Wo Pɔɔ̀ naŋ kpɛ̀ɛ̀yɛ̀ gbòa wààŋ, “Nyìmaìŋ kɛ̀ wo Dayà manaŋ wo jòèyè anyùùŋ nyaŋ fè àŋ Juùù nyaŋ! E kìlà àŋ do nàŋ jàà maŋ nùŋ dìì aŋ kumiàŋ tɛ̀ɛ̀.” [

Nyɛ̀nɛ̀ŋ 28:31

Wò hewa gbòà e nyaàiŋ dè e Kànà Dayàa yèè wo kàà anyùùŋ nyaŋ e nyaàiŋ dè wo Jisɛ̀ Kulaì, yèè wo nyùùŋ gbiŋ gòuŋ wa kèèwè kùàŋ feìŋ.

Nyɛ̀nɛ̀ŋ 8:40

Wo Felè naŋ wa yɛ̀mɛ̀ wuŋ bi wò yaà ko jawaì àŋ nyaaŋ ko Àzotɔ̀. Wò naŋ wa kìlìè maŋ jawa màŋ gbiŋ sùà wɔŋ fàà bi, e jèèsùà wo hàì ko Sesèlià, wo yaà wòò Ebò Siaàŋ e nyaàìŋ dè wo Jisɛ̀ koɓɛ̀ anyùùŋ nyaŋ.

1Pììlɛ 5:12

Wo Sailɔ̀ naim kpuumò mìŋ naŋ sìngè wɔŋ fɛi kpuu wɛɛ̀ŋ ko nɛ̀ɛ̀ŋ niìŋ, wo yèɔ mìŋ naŋ ɓemè wèè wo nɔ̀ŋ wo wùìya hààwè tɔ̀ɔ̀nyaàŋ wɔ. Mìŋ yààìŋ sìa sùà ke di kɛ̀ tɛɛ̀ nàŋ yaà e kìɛ̀ŋ tɔ̀ɔ̀nyààŋ Dayàa nyììneìŋ sùà niŋ nɔ̀iŋ sùà.