Nyɛ̀nɛ̀ŋ 8:21 - WƆŊ FƐ̀Ì EBÒ SÌÀŊ DAYÀA

²¹ Muŋ fè wò bàwibà, e kìlà tɛɛ̀ ngèè e fè tòmoum, esaɓù muŋ kuwà kè jìì tɔ̀ɔ̀nyaàŋ kò fɛ̀ɛ̀fèìŋ Dayài.

Nyɛ̀nɛ̀ŋ 8:21 ပူးပေါင်းရင်းမြစ်များ

Luù 1:6

Wo Dayà naŋ wa nyimèè kɛ̀ nyiŋ tìyèe naŋ wa nyìnìè wɔŋ nyiiŋ gèe nyiŋ nɔɔ̀ŋ e tɔ̀ɔ̀nyaàŋ sùà, esaɓù kɛ̀ àŋ naŋ wa jɔ̀ɔ̀lɔ̀ maŋ Sàwà Dayà maŋ gbiŋ dìì.

Jɔ̀ɔŋ 21:17

E dìà taaà wo Jisɛ̀ naŋ ɓɛìŋ dàwè wo Saimɔ̀ŋ wo jɔ̀àfèlàà Jɔ̀ɔɔ̀ŋ wààŋ, “Saimɔ̀ŋ, kòò mùŋ mànàìm?” Wo Pììlɛ naŋ nɔ̀ŋ ɗoomɛɛŋ ke nyowo sùà nààŋ wo Jisɛ̀ nauŋ dawè e dìà taaà sùà wààŋ, “Kòò mùŋ mànàìm?” Yèè wo Pììlɛ nauŋ woò wààŋ, “Kanaà, màŋ nyìmàŋ maŋ keì maŋ gbiŋ. Màŋ nyìmàŋ kɛ̀ mìŋ mànàùm.” Yèè wo Jisɛ̀ nauŋ ɓɛìŋ woò wààŋ, “Kɛ̀ gɔ̀ɔ̀yɛɛ̀ aŋ ɓaawaaim nyàŋ.”

Nyɛ̀nɛ̀ŋ 8:37

Wo Felè nauŋ woò wààŋ, “Màŋ ɓɛ̀nɛ̀ŋ nɔ̀ŋ gùaum sèè mùŋ kɛɛnɛ̀ŋ e hààwe ke jii mɔɛ̀ŋ gbiŋ sùà.” Wo nyùùŋ gbèè fuɔɔ̀ŋ naŋ fasàì wààŋ, “Mìŋ kuwa e hààweɛ̀; kà haawè kɛ̀ wo Jisɛ̀ Kulaì nàŋ yaà wo Jɔ̀àfèlàà Dayàa.”]

Ɛfesɔ̀ 5:5

Kùwieìŋ e hààwe lɛɛ̀ kɛ̀ wo nyuùŋ nyɛ̀nɛ̀ŋ ke yɛɛ̀ naanààŋ gbiŋ, ɔ̀ɔ̀ wo nyuùŋ kùwìè ke jii kùwà ninaŋ, ɔ̀ɔ̀ wo nyùnùɔŋ naŋ nyɛ̀nɛ̀ŋ e wùànàŋ keekèè wèè e nɛ̀ŋ gbiŋ wɔ̀, e yaà nɔŋ mààŋ maŋ goò zòòlo, wo naàŋ wa nàwèè nàŋ kɛ̀ɛ̀nɛ̀ŋ è nɛ̀ŋ bà gbiŋ è gààŋ Kànà Jisɛ̀ Kulaìɛ yaà Dayàa dìì.

Hiɓu 4:13

E nɛ̀ŋ gbiŋ fè wèè e nɔ̀ŋ kò nyɛɛnɛŋ kò fɛ̀ɛ̀fèìŋ Dayài. Manɛ̀ŋ maŋ gbiŋ e ɗuunyaàŋ màŋ yaà yìle miŋ yèè maŋ hawa janjai ko fɛɛ̀fenùuŋ niìŋ. Ko nɛ̀ɛ̀uŋ niìŋ è kuwa euŋ tɔ̀ɔ̀ e jìwààjɛ̀wɛ̀ e tɔ̀ɔ̀nyaàaŋ è naiŋ nyɛ̀nɛ̀ŋ lɛ.

Maŋ kèì nyɛɛnɛŋ 2:23

Mìŋ do ngèè ɓɛìŋ nàŋ jìwè anyùùŋ màŋjɛ̀wɛ̀uŋ nyàŋ gbiŋ, kpeiŋ kɛ̀ ke gbòò anyuùŋ hààwe nyàŋ gbiŋ do nàŋ nyìmè kɛ̀, miàŋ nàŋ yaà wo nyùnɔ̀ɔŋ naŋ nyìmè e gòngò nyuùŋkpùuŋ gbiŋ ke jiiuŋ nɛɛ̀ŋ sùà, yèè e yèɛ àŋ manaŋ lɛ̀. Mìŋ do ɓɛìŋ nàŋ pààwà nyɛ̀iŋ nààŋ bà guùŋ gbiŋ wèè e tòmoɛ̀ mùŋ naŋ nyɛ̀nɛ̀ŋ lɛ.

Maŋ kèì nyɛɛnɛŋ 20:6

E zɔlɔ̀ yaà e kpùùmaŋ gbee è yaà anyuùŋ jiɛ̀jiɛ̀ nyaŋ nàŋ wa yèwè e fàaà dìì wɔŋ nyiiŋ gèeɔ̀ sùà nyaŋ. E fàa dìà tìyèeɛ̀ kuwà è gààŋ kò diɛŋ nyiŋ. Àŋ do nàŋ nɔ̀ŋ aŋ sìèfèìŋ zòòlo yèè anyùùŋ nɛɛmaŋ wèè Dayà yaà wo Jisɛ̀ Kulaì, e kìlà àŋ do nàŋ kɛ̀ɛ̀ kana wo Jisɛ̀ Kulaì maŋjɛ̀wɛ wèè maŋ doa tààsùùŋ guùŋ.

Maŋ kèì nyɛɛnɛŋ 22:19

Wo nyùùŋ gbiŋ, sèè wo gè ke mìè seì yɛɛ̀ bà guùŋ dau màànààŋ kè yaà sìnga nyiŋ wɔŋ fɛi fùngò fungo wɛɛ̀ŋ sùà lɛ, wo Dayà do nyiŋ nàŋ ge e tɔ̀ɔ̀nyaàŋ nyiŋ nɛ̀ sìwè e nyaàiŋ dè ke kùù nyiiŋ gèeɔ̀ yèè ko jawa gbeeì, wo naàŋ jɔ̀ kò Jàwà Nɛɛmaŋ gbeeì, nààŋ è yaà sìnga niŋ wɔŋ fɛi fùngò fungo wɛɛ̀ŋ sùà lɛ.