Nyɛ̀nɛ̀ŋ 8:20 - WƆŊ FƐ̀Ì EBÒ SÌÀŊ DAYÀA

²⁰ Wo Pììlɛ nauŋ woò wààŋ, “Muàŋ yèè e nɛɛnɛŋ mɔ̀ɛ̀ do naŋ jɔ̀ ko jàhamaŋ, sèè mùŋ gongà kɛ̀ màŋ ɓɛ̀nɛ̀ŋ dìnìàŋ e nɛ̀ɛŋ wo Dayà kiɛ̀ŋ lɛ e nɛɛnɛŋ!

Nyɛ̀nɛ̀ŋ 8:20 ပူးပေါင်းရင်းမြစ်များ

Maafiù 10:8

Sùngaìŋ anyuùŋ sàaŋ nyàŋ, gèeìŋ anyuùŋ fàa nyàŋ dìì wɔŋ nyiiŋ gèeo sùà, sùngaìŋ anyuùŋ kɛ̀ɛ̀nɛ̀ŋ e sààŋ maŋkùnù nyaŋ aŋ zɛ̀nɛ̀ŋ, yèè niŋ gè aŋ jinàŋ naanààŋ anyùùŋ maŋjɛ̀wɛ. Nàŋ yɛ̀mɛ̀ e nɛ̀ŋ wèè foo, weètii, kìɛìŋ e nɛ̀ŋ wèè foo.

Maafiù 15:19

E yìwìà ke jii mɔɛ̀ŋ sùà maŋ gòngo naanààŋ folo, maŋ yè maŋ nyɛ̀nɛ̀ùm maŋ nyɛ̀nɛ̀ŋ maŋ keì mààŋ, nyuùŋ jìwa, e gòngò hmɔŋtu, e kpùlìà maŋ yɛɛ̀ nyɛ̀nɛŋ gò kùwìè ɓɛ̀ɛ̀jàa, maŋ keì naanààŋ gɛ̀wɛɛ̀ zimgbe mààŋ, e wùa, e tòa, yèè e keì kàaɓì gbùwà nyùùŋ ɗì wèè e deèuŋ nɛ̀ e pɔɔ̀.

Nyɛ̀nɛ̀ŋ 1:18

E nɛɛnɛɛ̀ŋ wo Juɗà naŋ wa kùwò wèè ke kpèè naanààuŋ nɛɛ̀ŋ lɛ, tiiŋ wò naŋ wa dìnìè e dìì. Kuii wò naŋ wa fɔɔyɛ̀. Ke kpùnauŋ nɛɛ̀ŋ naŋ wa mingè, ke suàuŋ nɛɛ̀ŋ ke sɛkɛ̀ yèè e tùuŋ nɛ̀ naŋ fòlò e ɓaayè.

Nyɛ̀nɛ̀ŋ 10:45

È naŋ wa fòònò anyuùŋ hààwe nyàŋ aŋ Juùù nyaŋ sùà aŋ yè nyaŋ naŋ wa dè wo Pììlɛ maŋjɛ̀wɛ nyàŋ e yìwìà ko Jɔpà, esaɓù kɛ̀ wo Jìnàŋ Nɛɛmaàŋ naŋ wa nɔ̀ŋ kìɛuŋ koɓɛ̀ anyùùŋ nyaŋ fè àŋ Juùù nyaŋ, aŋ yè nyaŋ fè kpùà jàa nyiŋ nyàŋ.

Nyɛ̀nɛ̀ŋ 11:17

E yaà janyai kɛ̀ wo Dayà naŋ kìɛ̀ŋ anyùùŋ nyaŋ nààŋ fè àŋ Juùù nyaŋ e kìɛ̀ŋ guùŋ nɛ wò naŋ wi wa kiɛ̀ŋ lɛ nààŋ è naiŋ wa sìè e hààwe wilɛ̀ wo Kanaà Jisɛ̀ Kulaì sùà. Kpeiŋ ɓòò nàŋ yààìm wèè ka gììyà wo Dayà maŋhɛɛ?”

Nyɛ̀nɛ̀ŋ 2:38

Wo Pììlɛ naŋ nyiŋ fasàì wààŋ, “Kìlaìŋ koɓɛ̀ Dayài, e kìlà nyɛ̀iŋ nààŋ gbiŋ niŋ nɔ̀ŋ gùaiŋ e dèè Jisɛ̀ Kulaìɛ diɛŋ, wèè maŋ jùumùiŋ màŋ nɔ̀ŋ hakɛ̀ jùùya miŋ, yèè kɛ̀ nìŋ do nàŋ yɛ̀mɛ̀ e kìɛ̀ŋ wo Jìnàŋ Nɛɛmaàŋ.

Nyɛ̀nɛ̀ŋ 8:19

yèè wò naŋ nyiŋ woò wààŋ, “Kìɛ̀nìim e gààŋ lɛɛ̀ miàŋ pɛɛ, wèè kɛ̀ wo nyùùŋ gbiŋ mìŋ gbuwo maŋ kùàŋ diɛŋ wo Jìnàŋ Nɛɛmaàŋ dèyà wo sɛɛ̀uŋ ko sùà.”

Nyɛ̀nɛ̀ŋ 8:22

Fè maŋ tùwo naanààum màŋ jɛwɛ, yèè muŋ zoolò wèè wo Dayà juuyàum hakɛ̀ wèè maŋ gòngo naanààum mɛɛ̀ŋ mùŋ naŋ yaà bànè hàa ke jii mɔɛ̀ŋ sùà maŋ.

1Time 6:9

Kɛɛ aŋ yè nyaŋ manaŋ aŋ banè nyaŋ, àŋ sɔɔ e wàa dìì, yèè àŋ sɛɛ̀ maŋ gbàù ɓàaɓàa zimgbe yaà maŋ gòngò keì nyìnga sùà, maŋ yè maŋ gɔ̀ɛ̀ nyiìŋ yèè maŋ nyiŋ pɔɔpɔ̀ɔ̀ maŋ.

Jìiiŋ 5:3

E gòoòɛ yaà e kaiŋfuaiŋ nɛ̀ è do nàŋ kùwò maŋ kààlo, yèè maŋ kààlo bi do nàŋ nɔ̀ŋ seì maiŋ jèè e keì yèè maŋ gbìlà maŋ kenìiŋ màŋ mààŋ e hmɔ̀ɔ̀ŋ. Maŋ ɗɔɔ dìàmaŋ mɛɛ̀ŋ sùà nàŋ gbònògbònò maŋ bàne zimgbe nàŋ miŋ bànè ko hàa.

Maŋ kèì nyɛɛnɛŋ 18:15

Anyuùŋ mààŋ bòli nyàŋ naŋ wa banè e mààŋ nyààŋ esàɓù nìe wɛɛ̀ sùà. Kɛɛ nààŋ àŋ nauŋ wa yɛmɛ̀ wò yaà kɔ̀ɔ̀yɛ̀ e keì nyìnga dìì, e jùù naŋ nyiŋ nyɛ̀nɛ̀ŋ. Àŋ naŋ bɔmɔ̀ŋ fauŋ aŋ sie, àŋ yaà gulie wèè ke nyowo.