Nyɛ̀nɛ̀ŋ 8:1 - WƆŊ FƐ̀Ì EBÒ SÌÀŊ DAYÀA

¹ Wo Sɔɔ̀ naŋ wa nyimèè wèè aŋ jìwà wo Siiwììŋ. Ke ɗɔ̀ɔ̀ guùŋ bi diɛŋ ke gbòò anyuùŋ hààwe nyàŋ naŋ wa tɔ̀ɔ̀tù e nimilà kùwa ko Jùlusɛ̀làm. Anyuùŋ hààwe nyàŋ gbiŋ, eɓìèmaŋjɛ̀wɛ̀ aŋ keela tàeɗùù nyaŋ, naŋ wa dùɔ̀ŋ aŋ ɓààyè maŋ tàta màŋ sùà wɔŋ fùɔ̀ŋ Jùdiàa sùà yèè ko Sàmilià.

Nyɛ̀nɛ̀ŋ 8:1 ပူးပေါင်းရင်းမြစ်များ

Maafiù 22:6

Aŋ bà nyiŋ naŋ wa kùwò aŋ ɓɔìjɔ̀à nyaŋ, aŋ ɓùlà aŋ bà nyiŋ, yèè aŋ jìwà aŋ bà nyiŋ.

Maafiù 23:34

Tɔ̀ miŋ woòiŋ kɛ̀ esaɓùɛ lɛɛ̀ mìŋ doiŋ nàŋ tùɔ̀ŋ aŋ wɛ̀ijì, anyuùŋ kɛ̀ɛ̀nɛ̀ŋ jiikɛ̀ɛ yaà aŋ kààmɔɔŋ aŋ yè nyaŋ doiŋ nàŋ kàà ke miè gbìaŋ miɛ̀ŋ. Nìŋ do nàŋ jìwìè aŋ bà nyiŋ wɔŋ vànèkpaaà diɛŋ ɔ̀ɔ̀ naŋ naŋ nyiŋ jìwà e ɗewe kii joo bà sùà. Nìŋ do nàŋ ɓùlò aŋ bà nyiŋ maŋ sààŋ zòòlò aŋ Juùù nyaŋ dìì, e kìlà nìŋ do nyiŋ nàŋ nyìmè naŋ nyiŋ gè maŋ jawa gbeegbèè maŋ gbiŋ sùà.

Maafiù 5:13

“Nìŋ yaà mààŋ maŋ hɛiŋ wèè anyùùŋ nyaŋ gbiŋ e ɗuunyaàŋ. Kɛɛ sèè e ɓùùyè maŋ hɛiŋ nɛ̀ e miŋ jùà, e ɗewe bà gbiŋ fè ɓɛìŋ wèè aŋ miŋ nyɛ̀nɛ̀ŋ maŋ ɓuuyè. E yèɛ nìŋ naŋ miŋ naàŋ nɔŋ ɓɛ̀nɛ̀ŋ nyìniaŋ lɛ̀ nàŋ yaà wèè naŋ miŋ wùàŋ e kìlà anyùùŋ aŋ miŋ kààìŋ diɛŋ.

Jɔ̀ɔŋ 15:20

Jàaìŋ maŋ mìè gbòa mɛɛ̀ŋ jii nààŋ mìŋ naiŋ woò lɛ, ‘Aŋ ɓɔìjɔ̀à kuwà è gààŋ àŋ do nìàŋ wò kààmɔɔŋ nyiŋ nɔɔ̀ŋ.’ Weètii sèè anyùùŋ aim jàà e nànàŋ, nyìmaìŋ kɛ̀ àŋ doiŋ nàŋ jàà e nànàŋ nyɛ̀iŋ pɛɛ. Sèè àŋ nyɛnɛŋ e yèɛ mìŋ naŋ nyiŋ woò wèè aŋ nyɛ̀nɛ̀ŋ lɛ, kɛ̀ nyɛ̀iŋ pɛɛ àŋ do nàŋ nyɛ̀nɛ̀ŋ e yèɛ niŋ naŋ nyiŋ woò wèè aŋ nyɛ̀nɛ̀ŋ lɛ.

Jɔ̀ɔŋ 16:2

Anyùùŋ nyaŋ doiŋ wa nàwèè nàŋ gè maŋ sààŋ zòòlò aŋ Juùù nyaŋ dìì. E teenga bà do nàŋ hnè anyùùŋ àŋ doiŋ nàŋ jìwè, sèè àŋ nyɛnɛŋ tii àŋ do nàŋ gongò kɛ̀ àŋ yaà toomo wèè Dayà.

Nyɛ̀nɛ̀ŋ 1:8

Kɛɛ e teengaà wo Jìnàŋ Nɛɛmaàŋ doiŋ nàŋ kìɛ̀ŋ gààŋ lɛ̀, e gààŋ doiŋ nàŋ sɛ̀ɛ̀ sùà, nìŋ do nàŋ nɔ̀ŋ aŋ sèì e kìlà naŋ wòò anyùùŋ kɛ̀ kiìŋ nìŋ naŋ nyìmè e nyaàiŋ eim dè ko Jùlusɛ̀làm, wɔŋ fùɔ̀ŋ Jùdiàa, wɔŋ fùɔ̀ŋ Sàmiliàa yaà maŋ fuɔŋ joo màŋ gbiŋ sùà e ɗuunyaàŋ.”

Nyɛ̀nɛ̀ŋ 13:1

Ke gbòò anyuùŋ hààwe nyàŋ ko Aŋtiɔ̀ kuwa wa aŋ wɛ̀ijì yèè aŋ kààmɔɔŋ zimgbe. Nyiŋ nàŋ yaà wa wo Bànaŋɓà, wo Sìmiaŋ, wo yèɔ àŋ hewa ɓɛìŋ nyààŋ wo Nijà wɔ, wo Lùsiɔ̀ e yìwìà ko Sàlinìŋ, wo Manàŋ, wo dàwì mɔ̀ɔ̀nɔ̀ŋ Hɛɛlɔ̀ Aŋtipàa, yaà wo Sɔɔ̀.

Nyɛ̀nɛ̀ŋ 13:36

E teengaà wo Dèèwe yaà wa wɔŋ nyiiŋ gèeɔ̀ sùà lɛ, wò naŋ wa tomo wo Dayà dìì. E teengaà wò naŋ wa fɔ̀ lɛ, àŋ nauŋ wa sììyè wo dèdauŋ nɔɔ̀ŋ kɔɔ ke hùaàŋ sùà, yèè ke kpùnauŋ nɛɛ̀ŋ naŋ wa hèwè.

Nyɛ̀nɛ̀ŋ 2:47

àŋ yaà tɛ̀nɛ̀ŋ sùà wo Dayà wèè e keì sìàuŋ nɛ̀, e kìlà àŋ yaà jìka sùà ke nyɛ̀nɛ̀ŋ sìàŋ anyùùŋ nyaŋ gbiŋ. Ke ɗɔɔ gbiŋ wo Kanaà Jisɛ̀ hewa gbìàŋ anyùùŋ nyaŋ naŋ wa yɛ̀mɛ̀ e jòèye nyàŋ ke gboò nyiŋ nɛɛ̀ŋ sùà.

Nyɛ̀nɛ̀ŋ 22:20

Nààŋ àŋ naŋ wa jìwè wo Siiwììŋ, wo seiyìiŋ nɔɔ̀ŋ, mìŋ yaào wa miàŋ bi. Mìŋ naŋ wa pɛɛ kpuumò wèè ka gbònògbònò maŋ dèè kɔ̀ɔ̀ anyùùŋ nyaŋ nauŋ wa jìwè nyaŋ.’

Nyɛ̀nɛ̀ŋ 26:10

Mìŋ naŋ wa tɛɛ̀ nyɛ̀nɛ̀ŋ ko Jùlusɛ̀làm kuŋ jiɛ̀. Aŋ kànà sìèfèìŋ zòòlo nyàŋ naim wa kìɛ̀ŋ e gààaŋ wèè ka gbìàŋ anyùùŋ nɛɛmaŋ nyàŋ zimgbe nyiŋ ko sààŋ nyìwì. E kìlà mìŋ naŋ wa nyɛ̀nɛ̀ŋ aŋ yɛ̀mɛ̀ fàa.

Nyɛ̀nɛ̀ŋ 5:18

Àŋ naŋ kùwò aŋ keela nyàŋ yèè àŋ naŋ nyiŋ gbìɛ̀ŋ ko sààŋ nyìwì.

Nyɛ̀nɛ̀ŋ 5:20

“Kɔ̀àiŋ niŋ sie ko Saaŋ Zòòlò Dayài, e kìlà niŋ woò anyùùŋ nyaŋ e kèè wɔŋ nyiiŋ jɛi wɛɛ̀ŋ gbiŋ.”

Nyɛ̀nɛ̀ŋ 5:33

Nààŋ anyùùŋ gbèègbèè fuɔɔ̀ŋ naŋ wa tɛɛ̀ kòmò, àŋ naŋ wa tuù yèè àŋ manaŋ wa wèè aŋ jìwà aŋ keela tàeɗùù nyaŋ.

Nyɛ̀nɛ̀ŋ 5:40

Aŋ naŋ nyààŋ aŋ keela nyàŋ ko saaìŋ, yèè anyuùŋ gbeegbèè nyaŋ naŋ wa kìɛ̀ŋ e gààŋ koɓɛ̀ anyuùŋ tùnìàŋ ke sààŋ nyìwìɛ wèè aŋ nyiŋ ɓùlà. Kpeiŋ àŋ naŋ nyiŋ naàà kɛ̀ ɓɔ̀ àŋ gbuuyà wa ɓɛìŋ è dèè Kanaà Jisɛ̀ɛ sùà julɔfɔ, yèè àŋ naŋ nyiŋ dangè àŋ naŋ kɔ̀.

Nyɛ̀nɛ̀ŋ 7:38

Wuŋ yaà anyùùŋ Ezɔ̀ɛ̀ nyaŋ naŋ wa gbònò koɓɛ̀ guùŋ ke fòùngà e diì wòaà diɛŋ. Wuŋ yèè aŋ nèwàènèwe wi nyàŋ yaà wa koɓɛ̀ guùŋ yèè yaà wo màikàa nauŋ wa gbòò kɔɔ wɔŋ Tòò Sanàa dìmɛ̀ lɛ, yèè wò naŋ yɛ̀mɛ̀ maŋ mìè gbìàŋ nyiiŋ gèe e yìwìà wo Dayà sìwè wèè wo wi miŋ kiɛ̀ŋ.

Nyɛ̀nɛ̀ŋ 7:54

Nààŋ anyùùŋ gbèègbèè fuɔɔ̀ŋ yaà wa kùmìàŋ sùà e keìɛ wo Siiwììŋ yaà wa woo lɛ̀, àŋ naŋ wa tuù àŋ gè gbìlà le sìaŋ e wùàŋ sùà weèuŋ.

Nyɛ̀nɛ̀ŋ 7:58

auŋ gɔ̀ɛ̀ɛ̀ dìì auŋ gè ko jawa gbeeì yèè àŋ nauŋ tɔ̀ɔ̀tù hɔ̀wa. Aŋ sèì nyaŋ naŋ wa gè maŋ kùmà gbeegbèè nyiŋ màŋ yèè àŋ naŋ miŋ jùùyè wo kɔmɔŋjɔa bɔwɔ bà aŋ nyaaŋ wo Sɔɔ̀.

Nyɛ̀nɛ̀ŋ 8:14

Nààŋ aŋ keela tàeɗùù nyaŋ ko Jùlusɛ̀làm naŋ wa kòmò kɛ̀ anyùùŋ nyaŋ ko Sàmilià jàà ke mìè Dayàa kùàŋ dìì, àŋ naŋ wa tùɔ̀ŋ wo Pììlɛ yèè wo Jɔ̀ɔŋ ko nɛ̀ɛ̀ŋ nyiŋ niìŋ.

Nyɛ̀nɛ̀ŋ 8:2

Anyuùŋ zòòlò Dayà bà naŋ wa sìè wo Siiwììŋ, àŋ yaà ke nyowo sùà àŋ golo weèuŋ.

Nyɛ̀nɛ̀ŋ 8:4

Anyuùŋ hààwe nyàŋ naŋ wa ɓààyè maŋ tàta màŋ sùà nyaŋ, naŋ kɔ̀ koɓɛ̀ gbiŋ àŋ yaà wòò ke mìè gbìàŋ Ebò Siaàŋ.

Nyɛ̀nɛ̀ŋ 8:5

Wo Felè naŋ wa kɔ̀ ko jawa gbee bà ko Sàmilià yèè wò nao wòò ke miè gbìaàŋ koɓɛ̀ anyùùŋ nyaŋ e nyaàiŋ dè e kèè wo yèɔ wo Dayà naŋ tàeɗùù wèè wo hìàŋ e jòèye e ɗuunyaàŋ wɔ.

Nyɛ̀nɛ̀ŋ 9:31

Anyùùŋ hààwe nyàŋ gbiŋ ko Jùdià, ko Galaliì, yèè ko Sàmilià naŋ wa ngàà nɔ̀ŋ ke jii fàa sùà yèè àŋ naŋ kpèènè e zòòlo nyiŋ nɛ̀ maŋjɛ̀wɛ e dèè Kanaà sùà. Wo Jìnàŋ Nɛɛmaàŋ naŋ wa kìɛ̀ŋ jii nyingè yèè wò naŋ kpùùmò ke gbòò anyuùŋ hààwe nyàŋ ke dɛ̀ɛ̀ò sùà yèè wò naŋ nyiŋ kìɛ̀ŋ e gààŋ wèè aŋ kɛɛnɛ̀ŋ ɓɛ̀ɛ̀jàa wo Kanaà sùà.

Luùm 1:32

Àŋ nyìmàŋ ke Sàwà Dayàa naŋ woò wààŋ kɛ̀ wo nyùnɔ̀ɔŋ gbiŋ naŋ nyɛ̀nɛ̀ŋ maŋ tùwo mààŋ mɛɛ̀ŋ wɔ naŋ tɛɛwɛ̀ wèè wo fà. Kɛɛ yɛi nɔŋ è yaà kòò àŋ yaà nyìnìè maŋ keì naanààŋ mɛɛ̀ŋ, yèè àŋ nyiinàŋ anyuùŋ joo maŋ jii wèè aŋ miŋ nyɛ̀nɛ̀ŋ nyiŋ pɛɛ.

Fèle 1:12

Nɛ̀iŋ nààŋ wùìyaim nyàŋ, mìŋ manaŋ naŋ nyìmàŋ kɛ̀ e nɛ̀ɛŋ naim kaaìŋ lɛ, naŋ kìɛ̀ŋ e kpùùmaŋ wèè Ebò Siaàŋ e ɓaayè,

Hiɓu 11:27

E hààwe naŋ nyɛ̀nɛ̀ŋ wo Mòòze naŋ wa yèwè ko Ijè e yèɛ e jùù gòuŋ wa nyɛ̀nɛ̀ŋ wèè è wùàŋ kànà fuɔɔ̀ŋ. Jòòpɛɛ wo Mòòze gò wa yɛ̀mɛ̀ wò Dayàa wo nyùùŋ gbiŋ fè yɛmɛ̀ wɔ, wò naŋ wa gè maŋhɛɛ wèè wo kɛɛ̀ maŋjɛ̀wɛ.