Nyɛ̀nɛ̀ŋ 7:60 - WƆŊ FƐ̀Ì EBÒ SÌÀŊ DAYÀA

⁶⁰ Kpeiŋ wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ kpààŋ ke miè gbeeo sùà wààŋ, “Kanaà! Ɓɔ̀ mùŋ kuwià nyiŋ màŋ jùumù mɛɛ̀ŋ!” Wò naŋ tɛɛ̀ woò yèè wò naŋ mìè nyiiŋ.

Nyɛ̀nɛ̀ŋ 7:60 ပူးပေါင်းရင်းမြစ်များ

Maafiù 27:52

Maŋ hùaŋ màŋ naŋ wa yilè, yèè maŋ kpùnàŋ anyùùŋ nɛɛmaŋ nyàŋ zimgbe nyiŋ naŋ wa fɔ̀ nyaŋ naŋ yèwè e fàaà dìì maŋ nyiiŋ gèe sùà.

Maafiù 5:44

Kɛɛ tɔ̀ miŋ woòiŋ naàŋ kɛ̀, mànaìŋ aŋ jooiŋ nyàŋ e kìlà niŋ zoolò wèè anyùùŋ nyaŋ nimilàìŋ nyaŋ.

Luù 22:41

Kpeiŋ wò naŋ nyiŋ jòò wo kà ko fènòo tòloò, wo dè maŋ gɛ̀ɛ̀ŋ nùuŋ màŋ ko dììnaŋ, yèè wò naŋ zoolò.

Luù 23:34

Wo Jisɛ̀ naŋ woò wààŋ, “Jùùyaà anyùùŋ nyɛɛ̀ŋ hakɛ̀, Dèda! Esaɓù kɛ̀ aŋ nyimààŋ kɛ̀ kiìŋ àŋ yaà nyinie.” Kɛɛ sɔɔ̀ àŋ naŋ wa dàà ke kpɔlɔ wèè aŋ goonò maŋ deèuŋ màŋ e fèemàŋ nyiŋ nɛ̀.

Luù 6:28

Zòòloìŋ wo Dayà wèè wo kpuumàŋ anyùùŋ nyaŋ gboàìŋ nyaŋ, e kìlà niŋ zoolò wèè anyùùŋ nyaŋ nimilàìŋ nyaŋ.

Jɔ̀ɔŋ 11:11

Kpeiŋ ngàà wo Jisɛ̀ naŋ nyiŋ woò wààŋ, “Wo dàwi wiɔ̀ wo Lazɔlɔ̀ sɛ̀ɛ̀ maŋ jàwè, kɛɛ mìŋ yaà kɔɔyɛ wèè kauŋ tùngà.”

Nyɛ̀nɛ̀ŋ 13:36

E teengaà wo Dèèwe yaà wa wɔŋ nyiiŋ gèeɔ̀ sùà lɛ, wò naŋ wa tomo wo Dayà dìì. E teengaà wò naŋ wa fɔ̀ lɛ, àŋ nauŋ wa sììyè wo dèdauŋ nɔɔ̀ŋ kɔɔ ke hùaàŋ sùà, yèè ke kpùnauŋ nɛɛ̀ŋ naŋ wa hèwè.

Nyɛ̀nɛ̀ŋ 20:36

Nààŋ wo Pɔɔ̀ naŋ wa kpɛ̀ɛ̀yɛ̀ gbòa, wò naŋ dè maŋ gɛ̀ɛ̀ŋ dìì, yèè yaà nyiŋ naŋ zoolò.

Nyɛ̀nɛ̀ŋ 21:5

Kɛɛ nààŋ e teengaà è manaŋ wa è nɔ̀ŋ ko nɛ̀ɛ̀ŋ nyiŋ niìŋ lɛ naŋ jùò, è naiŋ wa ɓɛìŋ tɔ̀ɔ̀tù e kàaiŋ wilɛ̀. Aŋ kpàkòò nyaŋ gbiŋ, e hààwè aŋ jàwè yèè aŋ jɔ̀à nyiŋ nyàŋ, naŋ wi wa dè maŋjɛ̀wɛ e yìwìà ko jawaì eiŋ kà wɔŋ juwoɔ̀ kɔɔ, kuŋ yàwi nààŋ gbiŋ naiŋ wa dè maŋ gɛ̀ɛ̀ŋ dìì yèè è naiŋ zoolò.

Nyɛ̀nɛ̀ŋ 9:40

Wo Pììlɛ naŋ tùɔ̀ŋ anyùùŋ nyaŋ gbiŋ ko jɔɔlèi, wò naŋ dè maŋ gɛ̀ɛ̀ŋ nùuŋ màŋ dìì yèè wò naŋ zoolò. Yèè wò naŋ kìlè koɓɛ̀ e fàaà wò naŋ woò wààŋ, “Tàbità, yewà dìì!” Wo nìeɔ̀ naŋ gbàì le fɛɛ̀uŋ nɛ̀, yèè nààŋ wò naŋ yɛ̀mɛ̀ wo Pììlɛ, wo naŋ yèwè dìì wo jɛi.

1 Kɔliìŋ 11:30

Tɛɛ̀ naŋ nɔ̀ŋ esaɓù nyɛ̀iŋ nààŋ zimbgeiŋ nìŋ yaà siinyɛŋ, yèè nìŋ naŋ yɔkpɔ̀, e kìlà nyɛ̀iŋ nààŋ bàiŋ nìŋ fà.

1 Kɔliìŋ 15:18

È he weè ɓɛìŋ nàŋ tɔɔ̀ kɛ̀ anyuùŋ hààwè Jisɛ̀ Kulaì sùà nyaŋ naŋ fɔ̀ lɛ àŋ go.

1 Kɔliìŋ 15:20

Kɛɛ e tɔɔɓaaà nàŋ yaà kɛ̀ wo Jisɛ̀ Kulaì fòlà e fàa dìì, tii nàŋ yaà ke jii tùliaà kɛ̀ aŋ yè nyaŋ àŋ yaà maŋ jàwè e fàa dìì nyaŋ àŋ do nàŋ fòlò e fàa dìì.

1 Kɔliìŋ 15:51

Kùmiàŋ ke gbùnù tɔ̀ɔ̀nyaàŋ yɛɛ̀, yàwi nààŋ gbiŋ nààŋ naìŋ fɔ̀, kɛɛ sèè e pòtanàaŋ dìàmaàŋ wuiye wa nàwèè, yàwi nààŋ gbiŋ doiŋ nàŋ vɔɔnɔ̀ŋ fiò, mààŋ e kpɔ̀wa gbàì le fɛ̀ɛ̀. Sèè e pòtanàaŋ dìàmaàŋ wuiye wa nàwèè, wo Dayà do wa nàwèè nàŋ gè anyuùŋ fàa nyaŋ gbiŋ e fàa dìì wèè julɔfɔ, yèè yàwi nààŋ gbiŋ doiŋ nàŋ vɔɔnɔ̀ŋ.

1 Kɔliìŋ 15:6

E kìlà wò naŋ ɓɛìŋ fòlò aŋ wùìya nyàŋ bà feìŋ àŋ nìàŋ anyùùŋ hɔ̀nɔ̀ɔ̀ nɔɔnɔŋ e tèèngà guùŋ diɛŋ aŋ yè nyaŋ aŋ bà nyiŋ kòò àŋ yaà fuɔŋ nyàŋ, jòòpɛɛ aŋ bà nyiŋ naàŋ fà.

1Tɛsè 5:10

wo yèɔ naŋ fɔ̀ weè wi e wèè wuŋ yèè yàwi nààŋ gbiŋ eiŋ nɔ̀ŋ koɓɛ̀ guùŋ eiŋ pɛɛ nɔ̀ŋ nyiiŋ gèeɔ̀ sùà, ɔ̀ɔ̀ eiŋ fà e teengaà wò hnàŋ wa nàwèè lɛ.

2Time 4:16

Wo nyùùŋ gbiŋ gòim wa kpuumàŋ e teenga jiɛ̀jiɛ̀ɛ mìŋ naŋ kɔ̀ è gbàì dìì lɛ, àŋ gbiŋ naim wa gììyè kɛ̀ɛ. Wo Dayà ɓɔ̀ wò kuwià nyiŋ niŋ faàŋ!

2Pììlɛ 3:4

yèè aiŋ dawè nyààŋ, “Wò naŋ wa ɓèmè e ɗààhiì wààŋ wò yaà hinie, wo gò yɛi wa woò? Kòò wò yaà? Aŋ nèwàènèwe wi nyàŋ naàŋ kpɛ̀ɛ̀yɛ̀ fàa tɛ. Kɛɛ maŋ keì maŋ gbiŋ kòò màŋ yaà nɔŋ e ɗèwè guùŋ nɛ màànààŋ nɔŋ è yaà wa e yìwìà ko tɔ̀ɔ̀tù bàànè e ɗuunyaàŋ.”