Nyɛ̀nɛ̀ŋ 7:56 - WƆŊ FƐ̀Ì EBÒ SÌÀŊ DAYÀA

⁵⁶ Wò naŋ nyiŋ woò wààŋ, “Yɛ̀mɛìŋ! Mìŋ yɛmɛ̀ ko àìjɛnɛ̀ŋ naŋ yilè yèè wo Jɔ̀àfèlàà Nyuùŋ Kpùnɔɔ̀ŋ sia wɔŋ kùàŋ jìkà Dayàa!”

Nyɛ̀nɛ̀ŋ 7:56 ပူးပေါင်းရင်းမြစ်များ

Maafiù 25:31

Yèè wo Jisɛ̀ naŋ nyiŋ ɓɛìŋ woò wààŋ, “Sèè miàim wo Jɔ̀àfèlàà Nyuùŋ Kpùnɔɔ̀ŋ hnàŋ wa nàwèè e jòòwo gbee mɛ̀ sùà, yèè aŋ màikà nyaŋ gbiŋ àŋ yààìm kɔɔ, mìŋ do nàŋ jɛ̀ì ke kpùà Kana miɛ̀ŋ diɛŋ.

Maafiù 3:16

Nààŋ wo Jɔ̀ɔŋ naŋ wa gùò Jisɛ̀, wo Jisɛ̀ naŋ fòlò e wùìyèɛ sùà. Ko fɛɛ̀feìŋ ke nyiliɛ̀ naŋ yilè yèè wò naŋ yɛ̀mɛ̀ wo Jìnàŋ wo Kanaà Dayà yàaùŋ dèyà sùà diɛŋ mààŋ wo poopoò.

Maafiù 8:20

Wo Jisɛ̀ nauŋ fasàì wààŋ, “Aŋ kààŋ nyaŋ kuwa maŋ jèwì wèè aŋ jɔ̀à, yèè aŋ wòì nyaŋ ko fùùiŋ kuwa maŋ jie wèè aŋ jɔ̀à. Kɛɛ miàim wo Jɔ̀àfèlàà Nyuùŋ Kpùnɔɔ̀ŋ kuwà kò hàwe wèè miàŋ bi.”

Luù 3:21

Nààŋ wo Jɔ̀ɔŋ yaà wa gùùyè anyùùŋ nyaŋ, wo Jisɛ̀ wuŋ pɛɛ naŋ wa nɔ̀ŋ gùauŋ. Kpeiŋ nààŋ wò yaà wa zoolo, ke nyiliɛ̀ naŋ yilè,

Jɔ̀ɔŋ 1:51

Mìŋ yààìŋ wòò sùà e tɔɔɓaaà kɛ̀ nìŋ do nàŋ yɛ̀mɛ̀ ko àìjɛnɛ̀ŋ ko yilè yèè naŋ yɛ̀mɛ̀ aŋ màìkà Dayà nyaŋ àŋ jowo àŋ deye e kìlà naŋ nyiŋ yɛmɛ̀ àŋ yaà dèyà sùà miàim wo Jɔ̀àfèlàà Nyuùŋ Kpùnɔɔ̀ŋ diɛŋ.”

Nyɛ̀nɛ̀ŋ 10:11

Wò naŋ yɛ̀mɛ̀ ko àìjɛnɛ̀ŋ naŋ yilè, yèè e nɛ̀ŋ bà yaà dèyà sùà mààŋ wɔŋ deè fàà gbee, e teenè mààŋ anyùùŋ bà kùwà wuùŋ maŋ gènè tiinàŋ maŋ àŋ yaà wuùŋ dèèyè sùà e ɗuunyaàŋ diɛŋ.

Nyɛ̀nɛ̀ŋ 10:16

Tɛɛ̀ naŋ kaaìŋ sùà taai, pangàà wɔŋ dèyèɔ naŋ ɓɛìŋ jòwò ko àìjɛnɛ̀ŋ fiò.

Nyɛ̀nɛ̀ŋ 7:57

Wèè tɛɛ̀, anyùùŋ gbèègbèè fuɔɔ̀ŋ naŋ hɔ̀ɔ̀ maŋ kiiyò nùŋ, yèè àŋ naŋ kpààŋ sɛiŋ aŋ vaì auŋ kùwà fiò,

Maŋ kèì nyɛɛnɛŋ 11:19

Ke Saaŋ Zòòlò Dayàa ko àìjɛnɛ̀ŋ yaà wa yìle nyiŋ, yèè mìŋ naŋ yɛ̀mɛ̀ wɔŋ Kààŋ e Ɗààhìì e Mìèsùàgùùŋ Dayàa jaao. Ko fùùiŋ naŋ wa gɛɛ̀ wàìŋ wàìŋ, ko gùmàŋ, ko kpààŋ, e dììɛ kìlà, yèè mìŋ naŋ yɛ̀mɛ̀ e gbamàŋkòmàŋ naŋ sɔ̀ɔ̀.

Maŋ kèì nyɛɛnɛŋ 19:11

Mìŋ naŋ yɛ̀mɛ̀ ko àìjɛnɛ̀ŋ naŋ yilè, yèè mìŋ naŋ yɛ̀mɛ̀ wo sòo fua. Àŋ nyaaŋ wa wo nyuùŋ dùùnyauŋ nɔɔ̀ŋ nyààŋ, Tɔ̀ɔ̀nyaàŋ yèè Tɔɔɓaa. Wò toomàŋ e tɔ̀ɔ̀nyaàŋ wèè wo hàà kiti e kìlà wo sòmàŋ e ɗuàuŋ nɛ̀.

Maŋ kèì nyɛɛnɛŋ 4:1

E teenga lɛɛ̀ sùà, mìŋ naŋ ɓɛìŋ gò e gɔa yèè mìŋ naŋ yɛ̀mɛ̀ wɔŋ gbemgbee naŋ yilè ko àìjɛnɛ̀ŋ. Mìŋ naŋ kòmò ke mìè gbòa mààŋ e pòtanàŋ àŋ yaà fuunyɛŋ, ke yèɛ mìŋ naŋ kòmò e tèèngà guùŋ bà kè yaà gbùùyè ko nɛ̀ɛ̀ŋ miìŋ. Ke mìèɛ naŋ woò wààŋ, “Jowà kià, mìŋ doum nàŋ tɔɔ̀ kɛ̀ kiìŋ nàŋ do nàŋ kaaìŋ eɓìèmàŋjɛ̀wɛ̀ tɛɛ̀.”