Nyɛ̀nɛ̀ŋ 7:51 - WƆŊ FƐ̀Ì EBÒ SÌÀŊ DAYÀA

⁵¹ Wo Siiwììŋ naŋ nyiŋ ɓɛìŋ woò wààŋ, “Kiìŋ è ɗì nyinge nìŋ kuwa yɛi le! Nìŋ yaà mààŋ anyùùŋ maŋ jii komaŋ gò jàà kpùa kpùɔ̀ŋ maŋ nùŋ, aŋ yè nyaŋ kòò àŋ kòmò wa kè mìè gbìàŋ Dayàa. Nìŋ yaà mààŋ aŋ nèwàènèweiŋ nyàŋ. Nyɛ̀iŋ pɛɛ nìŋ giiyà wo Jìnàŋ Nɛɛmaàŋ maŋhɛɛ e teenga gbiŋ!

Nyɛ̀nɛ̀ŋ 7:51 ပူးပေါင်းရင်းမြစ်များ

Nyɛ̀nɛ̀ŋ 6:10

Kɛɛ wo Jìnàŋ wo Kanaà Dayà naŋ wa kìɛ̀ŋ wo Siiwììŋ e jiikɛ̀ɛ, yèè nààŋ wò naŋ wa gbòò, aŋ felaa nyàŋ gòuŋ wa ɓɛ̀nɛ̀ŋ fàsai.

Nyɛ̀nɛ̀ŋ 7:27

Kɛɛ wo yèɔ yaà wa ɓùlìè wo dàwiuŋ nɔɔ̀ŋ wɔ naŋ dùlò wo Mòòze wɔŋ fàà guùŋ yèè wò nauŋ dawè wààŋ, ‘Ɓòò naum nyɛ̀nɛ̀ŋ wo kana yèè wo nyuùŋ gbàì gòlàà diɛŋ wi?

Nyɛ̀nɛ̀ŋ 7:35

“Wo Mòòze nàŋ yaà wa wo nyùnɔ̀ɔŋ anyùùŋ Ezɔ̀ɛ̀ nyaŋ gò wa jàà kùàŋ dìì wɔ. Àŋ nauŋ wa dawè nyààŋ, ‘Ɓòò naum nyɛ̀nɛ̀ŋ wo kana yèè wo nyuùŋ gbàì gòlàà diɛŋ wi?’ Wuŋ nàŋ yaà wo nyùnɔ̀ɔŋ wo Dayà naŋ wa tùɔ̀ŋ wèè wo nɔ̀ŋ wo sìèfèìŋ anyùùŋ nyaŋ, e kìlà wèè wo nyiŋ gè e mɔ̀ɔ̀nɛŋ nyiŋ nɛ̀ dìì e yìwìà e kpùùmàŋ wo màikàa nauŋ wa fòlò feìŋ wɔ e ɓìè hmɔɔ̀ŋ kùwa gbeeɛ̀ sùà wɔ.

Nyɛ̀nɛ̀ŋ 7:39

“Kɛɛ aŋ nèwàènèwe wi nyàŋ naŋ gè maŋhɛɛ wèè auŋ jàà kùàŋ dìì; àŋ nauŋ dùlò fàà guùŋ yèè àŋ naŋ nyɛ̀nɛ̀ŋ wànàŋ maŋ jii nyiŋ màŋ sùà wèè aŋ kɛɛ̀ ko Ijè.

Nyɛ̀nɛ̀ŋ 7:9

“Aŋ jɔ̀àfèlàà Jègɔ nyàŋ naŋ wa gììyè wo nanàŋ nyiŋ nɔɔ̀ŋ Jòòsɛ le koo yèè àŋ nauŋ wa maàŋ e ɗo dìì ko Ijè. Kɛɛ wo Dayà yàaùŋ wa maŋjɛ̀wɛ,

Luùm 2:25

Sèè nìŋ jɔɔlɔ̀ maŋ Sàwà Dayà maŋ dìì, kɛ̀ e ɗeweɛ̀ àŋ naiŋ jàà kpùa lɛ̀ kùwìè sɛmɛ. Kɛɛ sèè nìŋ go jɔ̀ɔ̀lɔ̀ maŋ Sàwà maŋ dìì, kɛ̀ è naŋ wa weè tɛɛwɛ̀ ɓɔ̀ nìŋ nɔ̀ŋ kpùa jàaiŋ.

Ɛfesɔ̀ 4:30

Yèè ɓɔ̀ mùŋ nyɛ̀nɛ̀ŋ wò Jìnàŋ Nɛ̀ɛ̀màŋ Dayàa kè nyowo douŋ nyɛ̀nɛ̀ŋ, esaɓù kɛ̀ wo Jìnàŋ Nɛɛmaŋ nàŋ yaà e feeɛ̀ yààùm kɔɔ sùà, e yèɛ naŋ tɔɔ̀ kɛ̀ wo Dayà nàŋ kànàùm lɛ. Wuŋ nàŋ yaà ke jii tùliaà kɛ̀ ke ɗɔɔ bà do wa nàwèè nàŋ hnè, wo Dayà woum joeyè wèè foo yèè wo fòum kùwìà màŋ jùumùum màŋ bà gbiŋ.

Fèle 3:3

Kɛɛ yàwi nàŋ yaà anyuùŋ jàà kpùa kɛnɛ nyàŋ, esaɓù kɛ̀ è zoolàìŋ Dayà e yìwìà e gààŋ Jìnàŋ Nɛɛmaàŋ sùà, yèè è gèìŋ zɔlɔ̀ maŋ nyiiŋ gèe wi màŋ sùà, nààŋ è yààìŋ aŋ bàwibà wo Jisɛ̀ Kulaì sùà. E fèiŋ sìà màŋ jii tùlia wi màŋ kòɓɛ̀ mànɛ̀ŋ maŋ è nyɛ̀nɛ̀ìŋ màŋ kpùnaŋ wi màŋ sùà maŋ.

Kòlo 2:11

Nààŋ nìŋ yaà wa aŋ bàiŋbà wo Jisɛ̀ Kulaì sùà e teengaà àŋ naiŋ jàà kpùa lɛ̀, miŋ fè wòò è kèè kè kpùà jàà nyuùŋkpùuŋ wèè wɔ̀ŋ kɔɔiŋ nɔɔ̀ŋ, kɛɛ ke kpùa jàaà wo Jisɛ̀ Kulaì naŋ wa kɔ̀ɔ̀ feìŋ lɛ, e yèɛ e nyaàiŋ naŋ dè e ɗeweɛ̀ wò naiŋ wa bilɛ̀ŋ e yìwìà e gààŋ ke kpèè maŋ jùumù dìì lɛ.